^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Бейсенбі, 23 қараша 2017
 
     
 
Жаңалықтар
«Самрұқ-Қазына» мен алматылық кәсіпорындар 5 млрд. теңгенің келісіміне қол қойды
24 желтоқсан 2016

Алматыдағы «Инновациялық технологиялар паркі» орналасқан Арнайы экономикалық аймақта «Мемтапсырыс-2017» акциясы аясында кеңес өтті. Оның жұмысына Алматы әкімі Бауыржан Байбек, «Самрұқ-Қазына» Ұлттық әл-ауқат қоры» АҚ-ы басқармасының төрағасы Өмірзақ Шүкеев, 12 ұлттық компаниялар, соның ішінде «Air Astana», «КазМунайГаз» басшылары мен мегаполис нарығында қарқынды жұмыс істейтін 44 IT-компаниялардың өкілдері қатысты.

«Биылғы жылы «Мемтапсырыс» акциясы 10-шы рет өтіп отыр, IT отандық компанияларға қолдау көрсету мақсатында жұмыстар жүруде. Сондықтан,жиын «ИТП» арнайы экономикалық аймағында өтуде, мұнда 145 компания жұмыс істейді, олар 95 млрд. теңгенің өнімдерін өндірді. Акция алматылық кәсіпорындарға келер жылға тапсырыс алуға толық мүмкіндік береді», - деді Б.Байбек.

Ол өзінің сөзінде кәсіпкерлерге қолдау көрсету қала әкімдігінің басты міндеттерінің бірі және оны жүзеге асыру жолында қаржылық және қаржылық емес механизмдердің ұтымды қолданылатындығын айтты. Мысалы, «Бизнестің Жол картасы -2020» бойынша биылдың өзінде ғана 276 жобаға 70 млрд. теңге бөлінді. Сонымен қатар, «Даму» қорымен бірге биыл екінші жыл «Жібек жолы» бағдарламасы жүзеге асуда. Нәтижесінде 100-ге жуық жоба қолдау тауып, мыңдаған жұмыс орны ашылды. Туризм, инновация және тамақ өнеркәсібі салаларында жаңа бағдарламалар өмірге келді.

«Алматы «Ақылды қала» концепциясына қарай бағыт алуда және ол үшін бізде барлық мүмкіндіктер бар. Қалада 38 ЖОО шоғырланған, бұлардың базасында 10 ғылыми- зерттеу зертханалары, сегіз даму институттары, 10 ғылыми орталықтар мен үш технопарк құрылған. Концепция халықаралық IDC компаниясы мен ҚБТУ арқылы жасалуда, бұдан соң транспорт, ТКШ, қауіпсіздік және басқалары бойынша жобаларды жүзеге асыратындар іске кіріседі. Бұдан өзге, өндіріс саласында тұрақтылықты қамтамасыз ету үшін қазүлесті қамтамасыхз ететін Кешенді жоспар да қолға алынған. Нәтижесінде 2016 жылы Алматыда қазақстандық үлес 2,3 есе артып, 64% құрады. Қор мен қала кәсіпорындары арасында 631 млрд. теңгенің келісімі жасалды», - деді Б.Байбек.

«Самрұқ -Қазына»ӘАҚ» АҚ-ның төрағасы Өмірзақ Шүкеев Алматының еліміз үшін стратегиялық мәні бар қала әрі Қор тапсырыстарын жергілікті кәсіпорындарды қолдау арқылы жүзеге асыру маңызды екенін жеткізді.

«Жалпы, биылғы жылдың 11 айы ішінде Қордың мемлекеттік тапсырыстарының көлемі 3,8 трлн. теңгеге жетті, оның 73%-ы отандық сипат. Қазір Қорда жаңа технологиялар мен инновацияны қажет ететін трансформация жүріп жатыр. Сондықтан АЭА-тың «ИТП»-де жұмыс істейтін компани яларға ерекше назар аударылуда. Мысалы, бизнес процесстерін трансформациялау арқылы жер үсті инфрақұрылымдарын оңтайландырып, мұнай өндіруді 30%-ға арттыруға болады», - деді Ө. Шүкеев.

Жиынға қатысқандар 22 компанияның ақпараттық-коммуникациялық технологиялар саласы бойынша жүзеге асырған істеріне қатысты ұйымдастырылған көрмені тамашалады.

«ИТП»-нің АЭА-нің екінші кезегінде жаңа нысандар бой көтерген, олар: «KBTU Drilling Centre» мен «Қазақ теңіз академиясы» сынды оқу орындарының оқу-жаттығу және заманауи орталықтары. Бұлардың барлығы жоғарытехнологиля қондырғылармен жабдықталған. Мұндай қондырғылар тек АҚШ, Италия, Норвегияда қолданылады.

«Қазақ теңіз академиясы» орталығы ТМД елдерінде мүлдем жоқ. Бұрныдары Қазақ теңіз академиясының кадеттері тәжірибеден тек Роттердамда өтетін, ал қазір Алматының өзінде шеберліктерін шыңдауда. Теңіз академиясын кеңейту мамандар қатарын 2 есе ұлғайтып, олардың шетелде білім алуын қажетсінбейді, 2025 жылы кемелер қазақстандық кадрлармен толық қамтамасыз етіледі.

Шара барысында Қордың еншілес компаниялары мен алматылық кәсіпорындар арасында бірігіп жұмыс істеуге қатысты келісімдерге қол қойылды, олардың құны 5 млрд. теңгені құрайды.

  «« | »» «  | Барлық жаңалықтар


№ 86 бағыты бойынша жаңа автобустар жүре бастады
21 қараша 2017 - 12:48
Алматыда көлікті реформалау және тұрақты көлік жүйесін қалыптастыру барысында жылжымалы составты жаңарту ісі жалғасуда. «Лиаз» маркалы төмен еденді кондиционерлермен және видеокамералармен жабдықталған 16 автобус №86 бағыты бойынша қызмет көрсетуді бастады. «Барлық автобустар төмен еденді, мүмкіндігі шектеулі жандар үшін орындар бар. Барлық жылжымалы состав «Евро 5» экологиялық сыныбына жатады. Юиыл біз барлығы 388 автобус сатып алдық, олардың 100-і шағын сыйымдылықты және та...
Алматының Түрксіб ауданында «Рухани Жаңғыру» бағдарламасы аясында жаңа спорт және аула алаңдары ашылуда »»
17 қараша 2017 - 14:05
Алматы әкімі Бауыржан Байбек жұмыс сапары барысында С.Сейфулллин атындағы саябақты қайта жасаудың, «Жұлдыз» ықшам ауданындағы жүргінші аймағын аббаттандырудың барысын, сонымен қатар мегаполистің Түрксіб ауданындағы аулаларды тексерді. Түрксіб ауданында да аулаларды қайта жасау жұмыстары жүріп жатыр, биылғы жылы мұнда 80 аулаға асфальт, резинка және кеспе тас төселген, орындықтар мен урналар қойылған, спорт және балалар алаңдары жарық көздерімен қамтылған. Бұлардан өзге, аудан әкімі Павел Кулаг...
Оңтүстік астанада «Алматының тұрақты көлігі» жобасына қатысты халықаралық конференция өтуде »»
16 қараша 2017 - 17:58
Алматыда қала әкімдігінің бастамасымен БҰҰ-ның Даму Бағдарламасына және Жаһандық Экологиялық Қордың 2011 жылғы тұрақты көлік қозғалысы арқылы қоршаған ортаны жасқартудың нақтылы шараларын жүзеге асыру жөніндегі шешіміне орай «Алматының тұрақты көлігі» жобасына қатысты халықаралық конференция өтуде. Алматы әкімі Бауыржан Байбек өзінің құттықтау сөзінде бүгінгі күні қалада 2023 жылға дейін көлік қозғалысын ұйымдастырудың кешенді сызбасы жасалғанын, аталған құжатта көлікті дамытудың барлық вектор...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2017 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13