^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Бейсенбі, 27 шілде 2017
 
     
 
Жаңалықтар
Алматыда Қызыл Крест және Қызыл Жартыай қоғамы Халықаралық Федерациясының Еуропалық конференциясы өтеді
15 ақпан 2017

Алматы әкімі Бауыржан Байбек Қызыл Крест және Қызыл Жартыай Қоғамының Бас директоры Елена Киммен кездесті. Кездесу барысында тараптар ұйымның өткен жылғы жұмыс нәтижелерін және болашақта өзара ынтымақтастықты одан әрі дамыту мәселелерін талқылады.

Өткен жылы қала әкімдігі мен Алматының Төтенше жағдайлар департаменті және Қызыл Жартыай Қоғамы арасында бірқатар бағыттар бойынша,соның ішінде ТЖ зардаптарын жоюға қатысты бірлесіп жұмыс істеу бойынша меморандумға қол қойылған болатын.

Елена Ким өзінің сөзінде Қызыл Жартыай қоғамының жер сілкінісі зардаптарының алдын алуға, алғашқы көмек көрсетуге қатысты 42 тренинг, түрлі қоғамдық шаралар өткізгенін, ақпараттық материалдардың таратылғанын айтты.

«Қала тұрғындарына медициналық-әлеуметтік қолдау көрсету үшін біздің тарапымыздан жалпы сомасы 126,7 млн. теңгенің көмегі көрсетілді, яғни тұрмысы төмен отбасылардың балалары мектеп формасымен, тегін тамақпен қамтамасыз етілді, патронажды медбикелер туберкулез сырқатына шалдыққандарға медициналық көмек көрсетті, босқындардың денсаулығы жақсартылды, әлеуметтік жағдайы төмен жандар бірінші кезекте қажет тауарлармен қамтамасыз етілді», - деді.

Кездесу барысында Елена Ким қала басшысына Қызыл Крест және Қызыл Жартыай қоғамы Халықаралық Федерациясының (МФОККиКП) Бас директоры Алхаджа Ас Сидің атынан жолданған хатты тапсырды, онда Қызыл Крест және Қызыл Жартыай қоғамы Халықаралық Федерациясының (МФОККиКП) 2018 жылғы көктемде мерейлі X-ші Еуропалық конференциясын өткізу үшін Алматының таңдалғандығы айтылған.

Өз кезегінде қала әкімі мұндай конференцияны өткізу Алматының өңірлік хаб ретіндегі беделін арттыратынын және қаланы одан әрі дамытуға экономикалық жағынан әсер ететінін атап өтті.

Қызыл Крест және Қызыл Жартыай қоғамы Халықаралық Федерациясының Еуропалық конференцияның құрамына Қызыл Крест және Қызыл Жартыай қоғамының 52 ұлттық ұйымы енген. Халықаралық алқалы шараға Федерацияға мүше елдердің өкілдері, БҰҰ-ның және бірқатар халықаралық ұйымдардың басшылары қатысады деп күтілуде. Аталған форумды өткізуге Алматымен қатар Испаняның Мадрид қаласы да үміткер болған.

  «« | »» «  | Барлық жаңалықтар


Алматы әкімі жаяу жүргіншілерге басымдылық беретін қала көшелерін қайта жасаудың барысын тексерді »»
26 шілде 2017 - 15:26
Алматы әкімі Бауыржан Байбек жұмыс сапары барысында жаяу жүргіншіге басымдылық беретін Панфилов, Жібек жолы, Гоголь, Қабанбай батыр көшелері мен «Астана» алаңының қайта жасалуын тексерді, мердігер ұйымдардың назарын жұмыстың сапасы мен белгіленген мерзімде аяқталуына аударды. Қала әкіміне қазіргі кезде жылу жүйелерін ауыстыру жұмыстарының аяқталғаны,арық лотоктарының төселгені, кеспе тастар негізінің жасалғаны, көше жарығы желілерінің тартылғаны, құрғақ сұбұрқақтардың іске қосылғаны баяндалды....
Алматыда «Almaty Sales Festival: Summer 2017» арзан баға фестивалі өтеді »»
25 шілде 2017 - 14:19
Алматыда «Астана ЭКСПО-2017» Халықаралық көрмесі аясында 1 тамыздан 1 қыркүйекке дейін «Almaty Sales Festival: Summer 2017» арзан баға фестивалі өтеді, бұл шараға қаланың 100 сауда орталықтары мен 15 мейманханасы қатысады. Осы фестивальге қатысушылардың барлығында киім, техника, аксесуарлар арзандатылған бағамен сатылады, тауарлар ассортимент кең. Сауда орындарында тауар ктаегориясына қарай олардың бағасы 80% ға дейін төмендетілген, ал қонақүйлер қызметі 40%-ға дейін арзандаған. Ф...
Алматыда халықаралық тау және спорт фестивалі өтеді »»
25 шілде 2017 - 13:17
Алматыдағы «Шымбұлақ» тау-шаңғы курортында 28-30 шілде аралығында Қазақстан Республикасында тау туризмін дамытуға арналған жыл сайынғы халықаралық «international Mountain Sports Festival» фестивалі өтеді. Халықаралық фестиваль форуммен ашылады. Алқалы жиында Алматы қаласы әкімдігінің өкілдері мегаполистегі тау шаңғысы туризмін дамыту жоспарымен бөліседі, «ТВЭЛ-курорт» компаниясының бас директоры, фритсайлдан Санкт-Петербург Федерациясының вице-президенті,Сочи Олимпиадасы...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2017 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13