^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жексенбі, 24 қыркүйек 2017
 
     
 
Жаңалықтар
Француздың «Leroy Merlin» ритейлері Алматыда гипермаркет ашады
16 ақпан 2017

Алматы әкімі Бауыржан Байбек «Леруа Мерлен Восток» компаниясы бас директорының орынбасары Марк Лушемен кездесті. Әлемдік алпауыт – «Leroy Merlin» француздың ритейлері Алматыда құрылыс, үйді әрлеу мен жөңдеу тауарларын және 17,5 мың шаршы метр бақшаны өңдеуге қажет заттарды сататын гипермаркет ашады.

Қала басшысы «Leroy Merlin» сынды компанияның келуі өте маңызды әрі оның бренді мегаполистің экономикасы мен келбетіне оң өзгеріс әкелетінін, технология, инновация, білім бағыттарын дамытатындығын айтты.

Компания дүкен сөрелеріне қазақстандық сипаттағы тауарларды қоятын болады. Осы мақсатты жүзеге асыру үшін «Leroy Merlin» Алматыдағы 150 тауар өндірушілермен бизнес-конференция өткізіп, өзара ынтымақтастық, локальді өндірушілер стратегиясын дамыту, өнім жеткізушілерге қойылатын негізгі талаптарды күшейту мәселелерін талқылады.

«Біз үшін дүкен ассортиментіне отандық өндірушілер тауарларын қою және жергілікті өндірушілер ісін дамытуға ықпал ету маңызды. Орта есеппен біздің дүкендерімізде 35 мыңға дейінгі тауар түрлері болады, сондықтан қазақстандық компаниялардың өздерін көрсете алуларына мүмкіндік мол», -деді Марк Луше.

Қазақстандағы «Leroy Merlin»гипермаркетінің құрылысы қаладан шыға берістегі «Aport» молласы аумағында салынады. Халықаралық компания өз жобасын жүзеге асыруға 10 млрд. теңге жұмсап, 350 тұрақты жұмыс орнын ашады.

«Leroy Merlin» - әлемдік нарықтағы бес бағыт - үй, интерьер, құрылыс материалдары, жөндеу, бақша бойынша жұмыс жасайтын әрі дүниежүзінің 12 елінде 97 мың қызметкері бар жетекші француздық топ. 2015 жылы компанияның тауар айналымы 17,6 млрд. евроны құрады.

Назарларыңызға, Алматыға соңғы жылдары 12 транссұлттық компаниялар келді, олар - McDonald’s, Carrefour, Starbucks, Evonik, Veolia, OBI, Staay Food Group, Medical Union Pharmaceuticals, Hikma Pharmaceuticals, Tokyo Rope Almaty, ЭФКО-Алматы, Leroy Merlin.

  «« | »» «  | Барлық жаңалықтар


Қазақстан Президенті Алматы қаласын дамыту жөнінде кеңес өткізді »»
20 қыркүйек 2017 - 19:51
Кеңесті ашқан Мемлекет басшысы Алматы қаласы бүгінде Қазақстанның қаржы, мәдени және ғылыми орталығы болып саналатынын атап өтті. – Ширек ғасыр ішінде қала экономикасы 100 есе, шағын және орта бизнес өнімінің көлемі 130 есе өсті. Қала аумағы мен оның тұрғын үй қоры 2 есе ұлғайды. Біз елдер арасындағы бәсекелестіктің қалалар арасындағы бәсекелестікке ұласып бара жатқанына куә болып отырмыз. Бүгінде 600 қала әлемдік ішкі жалпы өнімнің үштен екісін өндіреді, – деді Елбасы. Нұрсұлтан Назарбаев Ал...
Елбасы Алматы қаласындағы алаң мен қайта жөнделген көшелерді аралап көрді »»
20 қыркүйек 2017 - 18:01
Қазақстан Президенті Алматы қаласындағы жұмыс сапары барысында жаяу жүргіншілерге ыңғайланып қайда жөнделген Жібек жолы, Панфилов көшелерін және «Астана» алаңын аралап көрді. Мемлекет басшысына Алматы қаласының тұрғындар мен қонақтар үшін жайлылығын арттыру мақсатымен жүргізілген ауқымды қайта жөндеу жұмыстарының басты нәтижелері туралы мәлімделді. Сондай-ақ, Нұрсұлтан Назарбаевқа қаланы абаттандыру, жаяу жүргіншілер мен жол қозғалысындағы көлік жүргізушілердің қауіпсіздігін қамтамасыз етудің...
Нұрсұлтан Назарбаев Алматы қаласының Наурызбай ауданындағы емхананы аралап көрді »»
20 қыркүйек 2017 - 18:07
Мемлекет басшысы жұмыс сапары барысында Наурызбай ауданындағы «Туған жер» бағдарламасы аясында салынған жаңа емханада болды. Қазақстан Президентіне бұл емханада алғашқы медициналық көмек көрсетуден бөлек, асқазанның қатерлі ісігін алдын-ала анықтау мақсатымен скринингтік зерттеулер жүргізу жоспарланып отырғаны баяндалды. Сондай-ақ, мұнда рентген диагностикасы бөлімшесі, офтальмолог, оториноларинголог, торакальді және абдоминалды колопроктология кабинеттері ашылған, тағы басқа бөлмелер жабдықта...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2017 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13