^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сейсенбі, 12 желтоқсан 2017
 
     
 
Жаңалықтар
Мыңдаған алматылықтар Даңқ мемориалына гүл шоқтарын қою рәсіміне қатысты
09 мамыр 2017

Алматыда Жеңіс күні қала тұрғындары мен қонақтары Даңқ мемориалына гүл шоқтарын қою және Ұлы Отан соғысында құрбан болғандарды еске алу үшін 28-ші гвардияшыл-панфиловшылар саябағына келді.

Мәңгілік алауға гүл шоқтарын қою рәсімі барысында Алматы әкімі Бауыржан Байбек орасан адмдардың құрбандығы арқасында Ұлы Жеңіске қол жеткенін атап өтті. Тұрғындары 6 миллионнан асатын Қазақстан қан майданға өз азаматтарының 20%-ын аттандырды, солардың әрбір екіншісі сұрапыл соғыста қаза тапты.

«Соғыстың барлық майдандарында қазақстандықтар жаумен аянбай шайқасты. Бауыржан Момышұлының, Талғат Бигелдиновтың, Әлия Молдағұлованың, Мәншүк Маметованың, Сергей Луганскийдің, Леонид Беданың, Нүркен Әбдіровтың және мыңдаған басқа да қазақтандықтардың есімі ұлы ерліктер тарихына алтын әріптермен жазылды. Біздің басты борышымыз – Тәуелсіз Қазақстанда бейбітшілік пен келісімді сақтай отырып, өскелең ұрпақтың ашық аспан астында өмір сүруін қамтамасыз ету», - деді Алматы әкімі.

Ол өзінің сөзінде тылда да қазақстандықтардың жанқиярлық ерлік көрсеткенін, әйелдердің, қарттардың, балалардың жеңіс үшін аянбай еңбек еткенін айтты. Соғыс жылдары барлық өндіріс орындары қан майданға қажет заттар шығарумен болды. Он оқтың тоғызы қазақстандық қорғасыннан құйылды.Республикада жалпыодақтық мыстың 35%-ы, қорғасынның 83%-ы, молибденнің 60% -ы шығарылды.

Бауыржан Байбек өзінің сөзінде майданға аттанған 1 млн. 200 мың қазақстандықтың 160 мыңнан астамы алматылық екендігін айтты. Ол жастардың ерліктері ғасырларға жалғасқан ардагерлерді үнемі құрмет тұтуы тиіс екендігін сөз етті. Қазақстан мен біздің туған өлкеміздің қан майдандағы Жеңіске қосқан үлесі жастардың жадында болуы тиіс.

«Елбасының сындарлы саясаты арқасында біздің еліміз бірлік пен тұрақтылықты, келісімді ту етіп, бейбіт аспан астында өмір сүруде. Діні мен тілі, ұлты бөлек әрбір қазақстандық ертеңгі болашағына үлкен сеніммен қарауда, тамырларын тереңге жайып, ұрпақ өсіруде. Мемлекет басшысы айтып өткендей, Қазақстан туралы сөз бола қалса, біздің қазақстандықтарға құрмет көрсетіледі. Өйткені, біздің ұранымыз- бейбітшілік. Жастар соғыс ардагерлерінің, батыр қазақстандықтардың, солардың ішінде алматылықтардың мәңгілік ерліктерін үнемі есте сақтаулары тиіс. Бұл біздің тарихымыздың бір бөлігі.Патриотизм рухы бәрімізді біріктіріп, ұлы Ұлтымызды мықты етеді», -деп атап өтті Б.Байбек.

Салтанатты шара барысында жиналғандар құрбан болғандарды бір минут үнсіздікпен еске алды, артынан құрметті қарауылдың шеруі өтіп, мерекелік концерт болды. Роза Рымбаева, Тағат Күзембаев, «ILCanto» квартеті, «Арт-классик тобы, Береке Еңкебаева, Алексей Тимофеев және басқалары «Поклонимся великим тем годам», «Священная война», «Жас қазақ», «Әлия», «Тальяночка», «Сағадат», «Смуглянка» сынды композицияларды орындады.

Салтанатты митингтен соң қала көшелерінде «Қаһарман ұлт» шеруі басталды. ҰОС-на қатысушылардың суреттерінен өзге, әскериқызметшілер жинаған 164 фотосуреттің ішінен ҰОС батырларының 10 фотомозаигі шеруге қатысушылар қолында болды.

Астана алаңында сағат 20:00 ден 22:00-ге дейін «Тағзым!» атты концерт болып, онда «Сағадат», «Темная ночь», «На безымянной высоте», «Кестелі орамал», «Соғыстан қайтқан солдаттар» және басқада әскери әндер орындалады. Салтанатты шара салютпен аяқталады.

Атап өтерлік жайт, Жеңіс күніне орай қалада түрлі акциялар өтуде. Мысалы, мектеп оқушылары «Ескерткіш вахтасы» аясында Ұлы Отан соғысына қатысушылардың ескерткіштері жанында құрметті қарауылда тұруда. Барлық мектептерде «Ерлік сабақтары» өтті. 28 гвардияшыл-панфиловшылар және Тұңғыш Президент саябақтарында, Арбатта түрі шаралар ұйымдастырылды. Оған Ә.Қастеев атындағы қолданбалы өнер және техникалық дизайн мектебінің 302 оқушы- суретшісі қатысты.Жұбанов атындағы музыка мектебі мен Чайковский атындағы коледж оқушылары да өз үлестерін қосты. Ал, Ғ.Мүсірепов атындағы жастар театрының артистері Бауыржан Момышұлының, Әлия Молдағұлованың, Мәншүк Маметованың, Иван Панфиловтың, Талғат Бигельдиновтің, Рахымжан Қошқарбаевтың, Мәлік Ғабдуллиннің, Сергей Луганскийдің тірі бейнелерін сомдады. Даңқ Мемориалы алдындағы алаңда алғыс қабырғалары мен «Біз - батырлардың ұрпағы», «#Біз_жеңіс ұрпағымыз!» атты қондырғылар орнатылды.

  «« | »» «  | Барлық жаңалықтар


Алматыда астананың 20 жылдығы құрметіне Астананың қалыптасуына үлес қосқан қазақстандықтар марапатталды »»
11 желтоқсан 2017 - 12:17
Республика Сарайында астананың 20 жылдығы құрметіне Алматыда тұрған немесе туылған және еліміздің бас қаласы Астананың қалыптасуына үлес қосқан қайраткерлерді «Астана - ардағым» сыйлығымен марапттау салтанаты өтті. Осыдан тура 20 жыл бұрын, 10 желтоқсанда Мемлекет басшысы Н.Ә.Назарбаевтың Жарлығымен Қазақстан Республикасының астанасы болып Астана қаласы жарияланды. Алматы қаласының әкімі Бауыржан Байбек өзінің сөзінде Елбасының астананы көшіру туралы бастамасы еліміз үшін күрделі 90 жылдары ту...
Алматының Қалақұрылысы кеңесінде Наурызбай және Алатау аудандарындағы жаңа тұрғын үйлердің құрылысы бекітілді »»
08 желтоқсан 2017 - 17:57
Алматының Қалақұрылысы кеңесінде бірқатар жаңа жобалар бекітілді, яғни 276,8 мың шаршы метр тұрғын үй, 6,7 мың шаршы метр көлік тұрағы, алты мектеп жасына дейінгі балалар мекемелері мен жеке мектеп салынады, жалпы алаңы 3,6 га болатын екі жер учаскесі қаланың коммуналды меншігіне беріледі. Жалпы, жаңа нысандар салынғанда 27,5 га жер игеріледі, оның 10,6 гектары жасылдандырылады. Құрылыс кезінде 4,5 мың жұмыс орны құрылады. Мысалы, Наурызбай ауданындағы «Шұғыла» ықшам елді мекенінде салынатын 1...
Алматыда Астана күні қарсаңында «Астана – Ардағым» сыйлығын тапсыру рәсімі өтеді »»
07 желтоқсан 2017 - 19:36
Республика сарайында 10 желтоқсан күні Алматы қаласы әкімдігінің бастамасымен астананың қалыптасуы мен дамуына үлес қосқан лауреаттарды «Астана – Ардағым мерекелік сыйлығымен марапттау рәсімі өтеді. «Астана – Ардағым» мерекелік сыйлығымен Алматы қаласында тұрған әрі туылған және Астананың қалыптасуына айтарлықтай үлес қосқан, Президенттің астананы көшіру туралы шешіміне барынша қолдау көрсеткен қайраткерлер марапатталады. Алматы қаласының Мәдениет басқармасы хабарлағандай, &...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2017 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13