^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сейсенбі, 12 желтоқсан 2017
 
     
 
Жаңалықтар
Бауыржан Байбек Астанада Алматының мәдени күндерін ашты
12 маусым 2017

Бүгін «Қазақстан» Орталық концерт залында «Махаббатпен, Алматыдан» атты Алматының мәдени күндері салтанатты түрде ашылды. «ЭКСПО-2017» халықаралық көрмесі аясында 11-19 маусым аралығында 400- ден астам алматылық артистер астана тұрғындары мен қонақтарын өнерлерімен қуантатын болады.

Алматы әкімі Бауыржан Байбек өзінің құттықтау сөзінде Астананың рөлі ерекше екенін атап өтті, Мемлекет басшысының Астана халқымыздың бірлігі мен келісімінің, болашаққа деген сенімінің, зор мүмкіндіктерінің символы деген сөзін келтірді.

«Ару Астана –Тәуелсіздіктің символы, Еуразия жауһары, Президентіміздің кемеңгерлігі мен көрегендігінің айғағы. Астана – Қазақстаннның жетістігін, болашаққа деген ұмтылысын айқындайды. Барлық қазақстандықтар жақсы көретін Алматы - ел тарихына тәуелсіздіктің «Алтын бесігі» ретінде енді. Президенттің тұрақты қамқорлығы арқасында Алматы заманауи мегаполиске айналып, европалық қалалармен бәсекеге түсе алады. Астанадағы Алматы қаласының мәдени күндері аясында біз сіздерге Елбасы ұсынған ұлттық жаңарудың жеке ұлттық кодын көрсететін еліміздің бай мәдени мұрасын ұсынамыз», - деді Алматы әкімі.

Б.Байбек Президенттің халықаралық жоғары мәртебесі арқасында «ЭКСПО -2017» көрмесінің Астанада өтіп жатқандығын айтты.

«ЭКСПО – 2017» - бұл заманауи технология мен инвестиция тарту ғана емес, сонымен қатар сананы өзгерту, инновациялық ойлауды қалыптастыру. ЭКСПО - бұл Елбасы ұсынған рухани жаңғырудың бір жобасы», - деді ол.

«Алматыдан махаббатпен» мерекелік концертіне қазақстандық эстрада жұлдыздары Роза Рымбаева, Қайрат Нұртас, Айқын, Луина, «Досмұқасан», «Рензо», «Аюми», «Кешью», «Жігіттер» топтары, «Сарын» дуэті, «Салтанат» ансамблі, «Бала дауысы» балалар байқауының женімпаздары және басқалары қатысты.

12-16 маусым аралығында Алматының мемлекеттік қуыршақ театры Астанадағы Қ.Қуанышбаев атындағы қазақ музыкалық драма театрында күніне екі рет қазақ және орыс тілдерінде «Құлыншақ пен бөлтірік» және «Көңілді аюлар» атты үздік спектакльдерін ұсынады.

11-19 маусым аралығында «Алматының этно - ауылы» көрме жәрмеңкесі өтеді, мұнда елу үздік суретші мен қолөнерші өз бұйымдарын ұсынып, шеберлік сыныптарын өткізеді. 17 маусым күні «Сазген сазы» фольклорлық - этнографиялық ансамблі концерттік бағдарлама ұсынады.

18 маусымда өтетін «Асқар таулы Алматы» мерекелік концерті Алматының елордадағы мәдени күндерін қорытындылайды. Аталған концерт «Астана ЭКСПО–2017» халықаралық мамандандырылған көрмесінің аумағындығы амфитеатрда өтеді. Концертке Асылбек Еңсепов, Ерболат Шалдыбеков, Рамазан Стамғазиев, Бейбіт Мұсаев, Сәуле Жұмабай, «Ұлытау», «Арт-Дала», «Алаш Ұлы» топтары, «Жетіген», «Сазген Сазы», «Салтанат» ансамбльдері, Н.Әшіровтың домбырашылары, «Арлан» театры және басқалары қатысады.

  «« | »» «  | Барлық жаңалықтар


Алматыда астананың 20 жылдығы құрметіне Астананың қалыптасуына үлес қосқан қазақстандықтар марапатталды »»
11 желтоқсан 2017 - 12:17
Республика Сарайында астананың 20 жылдығы құрметіне Алматыда тұрған немесе туылған және еліміздің бас қаласы Астананың қалыптасуына үлес қосқан қайраткерлерді «Астана - ардағым» сыйлығымен марапттау салтанаты өтті. Осыдан тура 20 жыл бұрын, 10 желтоқсанда Мемлекет басшысы Н.Ә.Назарбаевтың Жарлығымен Қазақстан Республикасының астанасы болып Астана қаласы жарияланды. Алматы қаласының әкімі Бауыржан Байбек өзінің сөзінде Елбасының астананы көшіру туралы бастамасы еліміз үшін күрделі 90 жылдары ту...
Алматының Қалақұрылысы кеңесінде Наурызбай және Алатау аудандарындағы жаңа тұрғын үйлердің құрылысы бекітілді »»
08 желтоқсан 2017 - 17:57
Алматының Қалақұрылысы кеңесінде бірқатар жаңа жобалар бекітілді, яғни 276,8 мың шаршы метр тұрғын үй, 6,7 мың шаршы метр көлік тұрағы, алты мектеп жасына дейінгі балалар мекемелері мен жеке мектеп салынады, жалпы алаңы 3,6 га болатын екі жер учаскесі қаланың коммуналды меншігіне беріледі. Жалпы, жаңа нысандар салынғанда 27,5 га жер игеріледі, оның 10,6 гектары жасылдандырылады. Құрылыс кезінде 4,5 мың жұмыс орны құрылады. Мысалы, Наурызбай ауданындағы «Шұғыла» ықшам елді мекенінде салынатын 1...
Алматыда Астана күні қарсаңында «Астана – Ардағым» сыйлығын тапсыру рәсімі өтеді »»
07 желтоқсан 2017 - 19:36
Республика сарайында 10 желтоқсан күні Алматы қаласы әкімдігінің бастамасымен астананың қалыптасуы мен дамуына үлес қосқан лауреаттарды «Астана – Ардағым мерекелік сыйлығымен марапттау рәсімі өтеді. «Астана – Ардағым» мерекелік сыйлығымен Алматы қаласында тұрған әрі туылған және Астананың қалыптасуына айтарлықтай үлес қосқан, Президенттің астананы көшіру туралы шешіміне барынша қолдау көрсеткен қайраткерлер марапатталады. Алматы қаласының Мәдениет басқармасы хабарлағандай, &...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2017 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13