^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сейсенбі, 12 желтоқсан 2017
 
     
 
Жаңалықтар
Алматы әкімі қаланың жол және коммуналды инрфақұрылымдарын қайта жасау жұмыстарының барысын тексерді
08 тамыз 2017

Алматы әкімі Бауыржан Байбек жұмыс сапары аясында жаяу жүргіншіге басымдық беретін Панфилов, Жібек жолы, Гоголь, Қабанбай батыр көшелері мен «Астана» алаңын, сонымен қатар қаланың жол және коммуналды инфрақұрылдымдарын қайта жасаудың барысын тексерді.

Қала басшысына биылғы жылы 146 км жолдың жөнделетіні, 97 мың шаршы метр тротуарлардың абаттандырылғаны, 14,7 км жерде құрылыстың, 42,2 км болатын арықтар желісі мен 57 көшеде қайта жасау жұмыстарының жүріп жатқандығы,32 километрден астам жылу жүйесінің жаңартылғаны, бұл өткен жылмен салдыстырғанда 2,7 есеге көп екендігі, ол кезде небәрі 12 км жылу желісінің ауыстырылғандығы айтылды. Бұған қоса, «Әйгерім», «Ұлжан 1,2», «Қарасу», «Ақбұлақ», «Дархан», «Құрылысшы», «Өжет», «Трудовик», «Шаңырақ 1,2», «Алтын бесік», «Достық» және басқа ықшам аудандардағы 20 мыңнан астам үйлерді қамтамасыз ететін 380 километрден астам су және кәріз құбырлары тартылуда.

Алматы әкімі жұмыс сапары барысында қала әкімінің орынбасары Ерлан Әукеновке Асқаров көшесі бойымен Әл-Фараби даңғылының батысына таман ұзындығы 3,5 км болатын жердегі су құбырлары жүйесін қайта жасау жұмыстарының өте төмен қарқынмен жүріп жатқаны үшін ескерту жасады. Бүгінгі күні конкурста жеңіске жеткен Петропавл қаласының «Титан Север» ЖШС небәрі 2 км жердің жұмысын атқарған. Алматы қаласы Энергетика және коммуналды шаруашылық басқармасының мәліметі бойынша қалған 1,5 км аумақтың жұмысы қыркүйек айының ортасына таман аяқталады.

Бауыржан Байбек Абай даңғылы бойындағы Есентай өзені арқылы өтетін көпірді қайта жасау жұмысының барысын тексерді. Объектіде көпірдің солтүстік бөлігін бұрғылау,инженерлік желілерді орнықтыру (орта қысымды газ, суқұбыры, телекоммуникациялар), көтергіштерді электрмен қамтамасыз ету, өзеннің негізі арнасының түбін бетондау және басқа да жұмыстар аяқталған. Жөндеу жұмыстарымен екі кезекте жүзге жуық адам айналысуда. Үстіміздегі жылдың 27 тамызында солтүстік бөлік бойымен көлік жіберу жоспарланған. Бұдан соң құрылысшылар артынша көпірдің оңтүстік бөлігінің жұмыстарын қолға алып, оны 25 күн ішінде аяқтауды жоспарлап отыр.

Қала әкімі Шевченко көшесі бойымен Қонаев көшесінен Жароков көшесіне дейінгі ұзындығы 4,3 км болатын аумақты жөндеу жұмыстарын да тексерді. Бүгінгі күні Қонаев көшесінен Фурманов көшесіне дейінгі, Наурызба й батыр көшесінен Байзақов көшесіне дейінгі жолдарға асфальт төселген, Байзақов көшесінен Манас көшесіне дейінгі азғантай бөлікке жеңіл қабатты асфальт құйылған. .Манас көшесінен .Жароков көшесіне дейін трамвай рельстері бұрғылануда.Фурманов көшесінен.аурызбай батыр көшесіне дейінгі жерде жылу желілері қайта жасалуда, мердігерлік ұйым жол жиектері мен арық арналарын ретке келтіруде.

Қала басшысына Абдуллин көшесі бойымен Бөгенбай батыр көшесінен Мақатаев көшесіне дейін ұзындығы 1,090 км. болатын аумақта да жөндеу жұмыстарының жүріп жатқаны баяндалды.Бұл учаскеде жол жөндеу жұмыстары аяқталған, тек Жібек жолы мен Мақатаев көшесі аралығында жылу желілерін қайта жасау жұмысқа сәл қолбайлау болуда. Мұндағы жөндеу жұмыстарын биылғы жылдың 30 тамызында толық аяқтау жоспарланған.

Алматы әкімі Бауыржан Байбек Панфилов, Жібек жолы, Гоголь, Қабанбай батыр көшелері мен «Астана» алаңын қайта жаңғырту жұмыстарын да тексерді.

Жаяу жүргіншіге басымдық беретін бұл учаскелерде кеспе тастарды, арық лотоктарын төсеу, құрғақ су бұрқақтарын жасау жұмыстары жүріп жатыр.Жооғарыда аталған көшелерде бірыңғай архитектуралық стиль қалыптастыру үшін нысандардың сыртқы беттерін жаңарту жұмыстары қолға алынған. Көмескі кеңістікті кеңейту мақсатында биік ағаштар, қайың, емен және басқалары, мыңнан астам бұта-шілік отырғызу қарастырылған.Жалпы 330 мың шаршы метр жерге жасыл желек отырғызылады. Жұмысты биылғы жылдың қыркүйек айында аяқтау жоспарланған.

Панфилов көшесі бойымен Қабанбай батыр көшесінен бастап Жібек жолына дейінгі аралыққа гранит төселуде, мұнда демалатын орындар, ойын және спорт алаңдары болады. Осы айдың ішінде ағаштар мен гүл композициялары отырғызылады. «Астана» алаңында жүргінші аумағы мен құрғақ су бұрқақтар айналасы абаттандырылады.

Жібек жолы көшесі бойымен Желтоқсан көшесінен Қонаев көшесіне дейінгі аумақты қайта жасау аясында Арбатты абаттандыру жұмыстары жүріп жатыр, оның бұрынғы келбеті сақталады және бірнеше жеке функционалды аймаққа бөлінеді.Орындықтар саны артады, бұрыннан бар субұрқақтар қайта жасалады, бұрынғы кеспе тастар орнына жоғары сапалы гранит төселеді. Қайта жаңғырту барысында су бөлу жүйесінің тиімді жұмыс істеуіне ерекше назар аударылады. Мысалы, Жібек жол бойындағы жауынды канализация бұрын бос тұрған болатын, өйткені ескі су құбырларының іші толып қалған екен.

Қабанбай батыр мен Гоголь көшелерінің бойында жүргінші және веложолдарды абаттандыру жұмыстары жүріп жатыр. Атап өтерлік жайт, бұл учаскеде қозғалыс бөлігін шектеу қарастырылмаған, бірақ жүргінші аумағының ұзына бойына көлік қоюға тыйым салынады, автомобильді тек арнайы жабдықталған «қалташаларда» ғана қалдыруға болады.

  «« | »» «  | Барлық жаңалықтар


Алматыда астананың 20 жылдығы құрметіне Астананың қалыптасуына үлес қосқан қазақстандықтар марапатталды »»
11 желтоқсан 2017 - 12:17
Республика Сарайында астананың 20 жылдығы құрметіне Алматыда тұрған немесе туылған және еліміздің бас қаласы Астананың қалыптасуына үлес қосқан қайраткерлерді «Астана - ардағым» сыйлығымен марапттау салтанаты өтті. Осыдан тура 20 жыл бұрын, 10 желтоқсанда Мемлекет басшысы Н.Ә.Назарбаевтың Жарлығымен Қазақстан Республикасының астанасы болып Астана қаласы жарияланды. Алматы қаласының әкімі Бауыржан Байбек өзінің сөзінде Елбасының астананы көшіру туралы бастамасы еліміз үшін күрделі 90 жылдары ту...
Алматының Қалақұрылысы кеңесінде Наурызбай және Алатау аудандарындағы жаңа тұрғын үйлердің құрылысы бекітілді »»
08 желтоқсан 2017 - 17:57
Алматының Қалақұрылысы кеңесінде бірқатар жаңа жобалар бекітілді, яғни 276,8 мың шаршы метр тұрғын үй, 6,7 мың шаршы метр көлік тұрағы, алты мектеп жасына дейінгі балалар мекемелері мен жеке мектеп салынады, жалпы алаңы 3,6 га болатын екі жер учаскесі қаланың коммуналды меншігіне беріледі. Жалпы, жаңа нысандар салынғанда 27,5 га жер игеріледі, оның 10,6 гектары жасылдандырылады. Құрылыс кезінде 4,5 мың жұмыс орны құрылады. Мысалы, Наурызбай ауданындағы «Шұғыла» ықшам елді мекенінде салынатын 1...
Алматыда Астана күні қарсаңында «Астана – Ардағым» сыйлығын тапсыру рәсімі өтеді »»
07 желтоқсан 2017 - 19:36
Республика сарайында 10 желтоқсан күні Алматы қаласы әкімдігінің бастамасымен астананың қалыптасуы мен дамуына үлес қосқан лауреаттарды «Астана – Ардағым мерекелік сыйлығымен марапттау рәсімі өтеді. «Астана – Ардағым» мерекелік сыйлығымен Алматы қаласында тұрған әрі туылған және Астананың қалыптасуына айтарлықтай үлес қосқан, Президенттің астананы көшіру туралы шешіміне барынша қолдау көрсеткен қайраткерлер марапатталады. Алматы қаласының Мәдениет басқармасы хабарлағандай, &...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2017 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13