^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 25 қыркүйек 2017
 
     
 
Жаңалықтар
Алматының Қалақұрылысы кеңесі бірқатар жобаларды бекітті
06 қыркүйек 2017

Алматының Қалақұрылысы кеңесінде көпәтерлі үш тұрғын үй мен PE&IT КБТУ институтының көпфнукционалды кешенін салу жобалары бекітілді. Үш тұрғын үй кешенін салу 19 млрд. теңге инвестиция тартуға, үш мыңға жуық жұмыс орнын ашуға, 120 орынды екі бала бақша тұрғызуға мүмкіндік береді.

Жобаларды қарау барысында құрылысты салушылардың назары көліктер тұрағының санына, ішкі әрлеу жұмыстарына сапалы материалдарды пайдалануға,түнде үйлердің сыртын жарықтандыруға, кішімобильді топтарға жағдай жасауға, алаңдарды жасылдандыруға аударылды.

Мысалы, Бостандық ауданындағы Радостовец көшесінің батысынан Қожабеков көшесінің солтүстігіне қарай бірыңғай архитектуралық ансамбльді құрайтын 14 қабатты екі нысанның құрылысы басталады. Тұрғын кешенін жобалау барысында абаттандыру, демалыс аймағын жасылдандыру, балалар алаңдарын жасау, кіші пішінді архитектуралы формаларды қою қарастырылған. Жобаны жүзеге асыру мерзімі - 16 ай.

Түрксіб ауданының «Қайрат» ықшам елді мекенінде сауда орталығы бар тұрғын кешені пайда болады. Жобада он бір 9 қабатты тұрғын үй, сауда орталығы, 200 орынды паркинг пен мектеп жасына дейінгі балалар мекемесін салу көзделген. Жобаны жүзеге асыру мерзімі - 36 ай. Кешеннің тұрғын үйлері Рысқұлов көшесіне тіке орналасады, инвестор жоба аясында тұрғындар мен қаланың экстренді қызметтері үшін өте қолайлы Үлкен Алматы каналы арқылы өтетін көпірді тегін салып беруді жоспарлап отыр.

Бұлардан өзге, Алмалы ауданындағы Наурызбай батыр көшесі бойында 3 секциядан тұратын әрқайсысы 12 қабатты тұрғын кешені бой көтереді.Кешенде коммерциялық негіздегі нысандар, жеке жер асты паркингтер болады және аула кеңістігі ұтымды пайдаланылады.

Алматының Қалақұрылысы кеңесінде PE&IT КБТУ интситутының «Алатау» ықшам ауданында бой көтеретін қосалқы нысандары бар көпфункционалды кешенінің ұзақ мерзімді жобасы да қаралды.

«ПИТ» АЭА - тың 30 га жеріне орналасатын кешен шартты түрде екі бөліктен тұрады, олар- оқу-жаттығу полигоны және кешеннің ғылыми- өндірістік аумағы мен оқу-әкімшілік корпустың, мультмедиялық орталықтың, асхананың, студенттік орталықтың, ғылыми- зерттеу лабораториясының және басқаларының басын біріктіретін көпфункционалды нысан. Жобаның құны - 118,9 млрд. теңге. Құрылыстың аяқталу мерзімі - 52 ай.

Қалақұрылыс кеңесінде тұрғын кешенін салу мәселесі қаралғанда бала бақшалар мен мектептерге айрықша назар аударылады. Соңғы 2 жыл ішінде инвесторлар есебінен 7 мың орынды 54 бала бақша салу жөнінде шешім қабылданған. 3 мың орынды 24 бала бақша коммуналдық меншікке беріледі. Осының арқасында бюджеттің 24 млрд. теңге қаржысы үнемделді.

  «« | »» «  | Барлық жаңалықтар


Мемлекет басшысы Алматы халықаралық әуежайының даму жоспарымен танысты »»
24 қыркүйек 2017 - 17:45
Алматы қаласындағы жұмыс сапары барысында Елбасыға халықаралық әуежайдың қазіргі жағдайы жөнінде баяндалып, оны одан әрі дамыту жоспары ұсынылды. Қазақстан Президенті әуежайды кешенді жаңғырту аясында жолаушыларға қолайлы жағдай жасап, оларға көрсетілетін қызметтер сапасын арттырудың маңыздылығына ерекше тоқталды. Соңында Нұрсұлтан Назарбаев бірқатар нақты тапсырма берді. akorda.kz...
Қазақстан Президенті «Қайрат» футбол клубының спорт базасына барды »»
24 қыркүйек 2017 - 16:18
Мемлекет басшысы клубтың спорт базасымен танысты. Онда бес футбол алаңы, спортшыларды толық бабына келтіруге арналған медициналық кешен мен жабдықтар бар. Сонымен қатар, Нұрсұлтан Назарбаевқа Алматы қаласындағы орталық стадионды жаңғырту тұжырымдамасы және мегаполисте жеңіл атлетика спортының инфрақұрылымын дамыту жоспары таныстырылды. Елбасы «Қайрат» футбол клубының академиясында оқып жатқан жас спортшылармен әңгімелесіп, олардың спорттағы және оқудағы жетістіктері жөнінде сұрады. – Е...
Қазақстан Президенті Алматы қаласын дамыту жөнінде кеңес өткізді »»
20 қыркүйек 2017 - 19:51
Кеңесті ашқан Мемлекет басшысы Алматы қаласы бүгінде Қазақстанның қаржы, мәдени және ғылыми орталығы болып саналатынын атап өтті. – Ширек ғасыр ішінде қала экономикасы 100 есе, шағын және орта бизнес өнімінің көлемі 130 есе өсті. Қала аумағы мен оның тұрғын үй қоры 2 есе ұлғайды. Біз елдер арасындағы бәсекелестіктің қалалар арасындағы бәсекелестікке ұласып бара жатқанына куә болып отырмыз. Бүгінде 600 қала әлемдік ішкі жалпы өнімнің үштен екісін өндіреді, – деді Елбасы. Нұрсұлтан Назарбаев Ал...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2017 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13