^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 25 қыркүйек 2017
 
     
 
Жаңалықтар
Алматы әкімі БҰҰ-ның мүгедектер құқығы жөніндегі арнайы баяндамашымен кездесті
08 қыркүйек 2017

Алматы әкімі БҰҰ-ның мүгедектер құқығы жөніндегі арнайы баяндамашы Каталина Девандас Агилармен кездесті. Кездесу барысында тараптар мүгедектер профилактикасы, қала өмірінде оларды әлеуметтік қорғау, барлық мүмкіндіктерді жасау, қолдау және басқа да маңызды мәселелерді талқылады.

Мегаполис әкімі Алматыда құрамына азаматтық қоғам өкілдері енген мүмкіндіктері шектеулі жандарды әлеуметтік жағынан қорғау жөніндегі Үйлестіру кеңесінің жұмыс жасайтындығын айтты. ҮЕҰ ның араласуымен мүмкіндігі шектеулі жандарға стационарда, жартылай стационарда және үйлерінде арнайы әлеуметтік қызметтер көрсетіледі. Қалада мұндай жандарға инклюзивті білім беруге ерекше назар аударылған, олар кәсіби жағынан қорғалған,түрлі нысандарға баруларына, көлікке мінулеріне жағдайлар жасалған, сонымен қатар әлеуметтік, спорттық, мәдени шаралармен қамтылған.

Бауыржан Байбек бүгінгі күні қалада мүмкіндігі шектеулі 43 мыңнан астам азаматтың тұратынын айтты. Биылғы жылы оларды техникалық қосымша көмек құралдарымен қамту үшін бюджеттен 4 млрд. теңгеден астам қаржы бөлінген, бұл былтырғы жылмен салыстырғанда екі есе көп. Мүгедектер үшін сапалы жабдықтар алынуда, жаяу жүргінші жолдары қайта жасалуда.

«Егер қалада мүмкіндігі шектеулі жандарға жүру қолайлы болса, онда барлығына да жайлы. Алайда, ең бастысы - рухани бірлік, мемлекет тарапынан ғана емес, бұқарадан ткіелей қолдау тапқан мұндай жандар қашан да сергек болады», - деді Б.Байбек.

Өз кезегінде Каталина Девандас Агилар Қазақстан Республикасында тек саяси еркіндіктің ғана емес, сонымен қатар мүмкіндігі шектеулі жандардың тұрмысын жақсарту шараларының да салтанат құрғанын атап өтті.

«Ел заңнамасы халықаралық стандарттарға сай жасалған, мүгедектермен жұмыс істеуде шетелдің инновациялық әлеуметтік тәжірибесі қолданылуда, ал бұл оларға қатысты кешенді шаралардың жүзеге асып жатқанын көрсетеді», - деп атап өтті БҰҰ-ның арнайы баяндамашысы.

Ол Алматы қаласы мәслихатында мүмкіндігі шектеулі жандардың болуын жоғары бағалады. Каталина Девандас Агилардің пікірінше, бұл жалпы қоғамда мүгедек жандардың әлеуметтік тиімділігін арттыруға ерекше ықпал етеді.

  «« | »» «  | Барлық жаңалықтар


Мемлекет басшысы Алматы халықаралық әуежайының даму жоспарымен танысты »»
24 қыркүйек 2017 - 17:45
Алматы қаласындағы жұмыс сапары барысында Елбасыға халықаралық әуежайдың қазіргі жағдайы жөнінде баяндалып, оны одан әрі дамыту жоспары ұсынылды. Қазақстан Президенті әуежайды кешенді жаңғырту аясында жолаушыларға қолайлы жағдай жасап, оларға көрсетілетін қызметтер сапасын арттырудың маңыздылығына ерекше тоқталды. Соңында Нұрсұлтан Назарбаев бірқатар нақты тапсырма берді. akorda.kz...
Қазақстан Президенті «Қайрат» футбол клубының спорт базасына барды »»
24 қыркүйек 2017 - 16:18
Мемлекет басшысы клубтың спорт базасымен танысты. Онда бес футбол алаңы, спортшыларды толық бабына келтіруге арналған медициналық кешен мен жабдықтар бар. Сонымен қатар, Нұрсұлтан Назарбаевқа Алматы қаласындағы орталық стадионды жаңғырту тұжырымдамасы және мегаполисте жеңіл атлетика спортының инфрақұрылымын дамыту жоспары таныстырылды. Елбасы «Қайрат» футбол клубының академиясында оқып жатқан жас спортшылармен әңгімелесіп, олардың спорттағы және оқудағы жетістіктері жөнінде сұрады. – Е...
Қазақстан Президенті Алматы қаласын дамыту жөнінде кеңес өткізді »»
20 қыркүйек 2017 - 19:51
Кеңесті ашқан Мемлекет басшысы Алматы қаласы бүгінде Қазақстанның қаржы, мәдени және ғылыми орталығы болып саналатынын атап өтті. – Ширек ғасыр ішінде қала экономикасы 100 есе, шағын және орта бизнес өнімінің көлемі 130 есе өсті. Қала аумағы мен оның тұрғын үй қоры 2 есе ұлғайды. Біз елдер арасындағы бәсекелестіктің қалалар арасындағы бәсекелестікке ұласып бара жатқанына куә болып отырмыз. Бүгінде 600 қала әлемдік ішкі жалпы өнімнің үштен екісін өндіреді, – деді Елбасы. Нұрсұлтан Назарбаев Ал...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2017 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13