^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 26 сәуір 2017
 
     
 
Баспасөз қызметі / Алда болатын оқиғалардың күнтізбесі
Алматы қаласында «Мерейлі отбасы - 2017» ұлттық конкурсына өтінім қабылдаудың басталғаны бойынша хабарландыру

Байқаудың мақсаты – отбасы институтын нығайту, балаларды тәрбиелеудегі ата-аналардың жауапкершілігін арттыру, отбасылық құндылықтарды жаңғырту және кеңінен дәріптеу, қазақстандық отбасының жағымды имиджін дәріптеу болып табылады.

Конкурсқа қатысуға мүшелері еңбекте, спортта, шығармашылық, зияткерлік салада, ғылымда жоғары жетістіктерге жеткен отбасылар қатыса алады.

Байқау 3 кезеңмен өтеді: бірінші кезең – аудандық, екінші кезең – қалалық; үшінші кезең – республикалық.

Ұлттық конкурсқа қатысу үшін құжаттарды 2017 жылдың 1 сәуірінен 30 сәуіріне дейін Алматы қаласы аудандарының әкімдіктеріне келесі мекен-жайлар бойынша тапсырылады:

Алатау ауданы әкімінің аппараты , Шаңырақ 2 ы.а., Жанқожа батыр көш., 26; каб. 401. Байланыс телефоны: 299-86-13;

Алмалы ауданы әкімінің аппараты , Абылай хан даңғ., 74а; каб. 100, 101. Байланыс телефоны: 261-51-20, 272-79-12;

Әуезов ауданы әкімінің аппараты, Алтынсарин даңғ., 23; каб. 424. Байланыс телефоны: 303-25-60;

Бостандық ауданы әкімінің аппараты , Айманов көш., 191; каб. 212. Байланыс телефоны: 274-67-01;

Жетісу ауданы әкімінің аппараты , Құлагер ы.а., С.Серіков көш., 2а; каб. 304. Байланыс телефондары: 384-27-75;

Медеу ауданы әкімінің аппараты , Пушкин көш., 72; каб. 307. Байланыс телефоны: 291-61-81;

Наурызбай ауданы әкімінің аппараты , Таусамалы ы.а., Рысқұлов көш., 129; каб. 5. Байланыс телефоны: 297-37-51;

Түрксіб ауданы әкімінің аппараты , Шолохов көш., 9; каб. 207. Байланыс телефоны: 223-11-15.

Айта кетейік, «Мерейлі отбасы» ұлттық конкурсы Елбасының 2013 жылғы 6 желтоқсандағы № 250 Өкіміне сәйкес Қазақстанда жыл сайын өткізіледі.


БАСПАСӨЗ БАЯНЫ

Алматы қаласы Мәдениет және архивтер басқармасының қолдауымен ағымдағы жылдың 13 сәуір күні сағат 14.00-де ҚР Мәдениет және спорт министрлігінің тапсырысымен «Қазақфильм» және «Алматыфильм» киностудиялары бірлесіп, Гүлсім Оразалиеваның «Нұртас Оңдасынов» атты кітабының желісі бойынша түсірген, Қазақстан Үкіметін ең ауыр жылдарда (1938-1951) 13 жыл табан аудармай басқарған республикамыздың экономикасы мен өнеркәсібінің, мәдениеті мен ғылым-білімінің дамуына ұланғайыр үлес қосқан мемлекет және қоғам қайраткері Нұртас Дәндібайұлы Оңдасыновтың өмірі мен қызметін баяндайтын деректі фильмнің тұсаукесері өткізіледі. Режиссеры: Оңласын Тастанов.

Деректі фильмнің мақсаты халқы үшін қалтқысыз еңбек еткен ердің атын ұмытпай, оның өнегелі істерін бүгінгі өскелең ұрпаққа дәріптеп үлгі ету.

Деректі фильмнің тұсаукесеріне жазушы-драматург Д. Исабеков, ақын, ҚР Мемлекеттік сыйлығының лауреаты Т. Медетбеков, академик С. Қирабаев, Қазақстан Журналистер одағы сыйлығының лауреаты, Оңдасыновтанушы Г. Оразалиева т.б. бірқатар беделді тұлғалар қатысады.

Нұртас Оңдасынов Қазақстан Үкіметін ең ауыр –Ұлы Отан соғысы кезінде және соғыстан кейінгі жылдарда республиканың ішкі экономикасы мен мәдениетінің, ғылым-білімінің дамуына барынша күш сала отырып жан-жақты дамыта басқарған дара басшы.

Ол 1938 жылы Шығыс Қазақстан облысы Атқару комитетінің төрағасы, 1938-1951 жылдар аралығында (13 жыл) Қазақ ССР Үкіметінің Төрағасы, 1951-1953 жылдары КПСС ОК жанындағы Жоғары партия мектебінде оқып, 1953-1954 жылы Қазақ ССР Жоғарғы Советі Президиумының Төрағасы, 1955-1962 жылдары Гурьев облыстық Атқару комитетінің төрағалық қызметінен кейін 5 жыл облыстық КП ОК бірінші хатшысы қызметін атқарды.

Соғыс жылдарында, республикамызда Ғылым Академиясының жеке шаңырақ көтеруіне, Қазақ Мемлекеттік Қыздар Педагогикалық институты мен Ұлттық Консерваториясын құруға, Шет тілдер, Дене тәрбиесі және барлық облыс орталықтарында Мұғалімдер институтының ашылуына бірден бір ұйтқы болған қайраткер тұлға.

Сонымен қатар, еліміздегі ірі құрлыстар: Ертіс-Қарағанды, Арыс-Түркістан, Мырзашөл каналдарының, Атырау, Теміртау, Жезқазған, Балқаш, Ақтөбедегі ірі зауыттардың, сонымен қатар Мойынты-Шу темір жолының салынуына басшылық жасап, ерекше іскерлігімен танылды.

Ал, бүгінгі «Қазақфильмнің» де негізі сол уақыттан бастау алады. Басқа республикаға эвакуациямен кетіп бара жатқан «Мосфильм» мен «Ленфильмді» Қазақстан Үкіметі атынан арнайы Қазақстанға шақыртқан Нұртас Оңдасынов екенін қазір біреу біліп, көбіміз білмейміз. Екі киностудияның хас шеберлерінің қолдауымен «Райхан», «Абай әндері» фильмдері түсірілді.

«Зейнеткерлікке шыққаннан соң шығармашылық қызметпен айналысып, 1969 жылы «Арабша-қазақша түсіндірме сөздігі», 1974 жылы «Парсыша-қазақша түсіндірме сөздігі» жарық көріп, қалың оқырманның ыстық ықыласына бөленді» — дейді Д. А. Қонаев өзінің «Өтті дәурен осылай» кітабында.

Н.Д. Оңдасынов - үш рет Ленин, екі рет Еңбек Қызыл Ту орденімен, көптеген медельдармен, Құрмет грамоталармен марапатталған.

Өтетін орны: Алматы қаласы, «Алатау дәстүрлі өнер театры».

Мекен-жайы: Алғабас-1, 6 үй. Т. Рысқұлов және Б. Момышұлы көшелерінің қиылысы.

Анықтама телефондары: 8 7 0 7 47 47 300, 8 705 879 67 26. 272-22-08, 271-65-34.

Эл. почта : undasinova 86@ mail . ru


 
     
   
 
   
Қазпошта сервиздері
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2017 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13