АЛМАТЫ қаласының ресми интернет-ресурсы
 
МЕНЮ

Негізгі бет v2015

Кері
Қаланың жылу маусымына дайындығы туралы

Қазіргі кезде Алматының алдағы жылу маусымына жалпы дайындығы 70%-ды құрайды.Бұл туралы Алматы әкімі Бақытжан Сағынтаевтың қатысуымен өткен күзгі-қысқы кезеңге дайындық жөніндегі қалалық штабтың кезекті отырысында айтылды.

 

«Алматы жылуэнергия кешендерінің КҚМ дайындығы 70%-ды құрайды, бұл өткен жылдың осы кезеңіндегі дайындық жұмыстарына тең көрсеткіш», – деп атап өтті қалалық Энерготиімділік және инфрақұрылымдық даму басқармасының басшысы Әсет Масабаев.

Жылу желілерінің тозуы 2016 жылдан 64,4%-дан 61%-ға дейін төмендеген, суыққа дайындығы 71%.

«Алматыжылукоммунэнерго» ЖШС 145 қазандығының 79-ы қысқа дайын, яғни 64% -ды құрайды, денсаулық сақтау мен білім объектілеріне жылу беретін 66 автономиялы қазандықтардың барлығы 100% дайын.

Өз сөзін одан әрі жалғастырған басқарма басшысы денсаулық сақтау, білім және тұрғын үй қорында жылу маусымына дайындық қарқыны былтырғы кестеден 10% озық екенін және 78%-ды құрайтынын айтты.

Мысалы, ауруханалардың, емханалардың және өзге де медмекемелердіңқысқа дайындығы 82%-ға жетіп, өткен жылғыдан 11%-ға артты.

Мектептердің, мектеп жасына дейінгі мекемелердің және басқа да білім объектілері қысқа 88% дайын, бұл өткен жылдың осы кезеңімен салыстырғанда 10%-ға артық.

Дегенмен, көппәтерлі тұрғын үйлердің дайындығы- 63%. Мұнда жеке пәтерлер иелері жұмысқа кедергі болуда.

«Мысалы, ПИК-тердің 61%-ы үйлерді әлі қысқа дайындамаған. Олардың төрағалары өз жұмыстарына немкетті қарауда. Соның салдарынан элеватор тораптары, жертөлелердің жағдайлары нашар, манометрлер мен өзге де өлшегіш құралдары орнатылмаған», – деп атап өтті Ә. Масабаев.

Алматы әкімі Б. Сағынтаев барлық аудан әкімдері мен басқармалар басшыларына тұрғын үй қорын қысқы маусымға дайындау жөнінде ПИК-тердің жұмыстарын қатаң бақылауға алуды және апатты және келеңсіз жайттарды болдырмауды, Алматы тұрғындарын өмір сүруді қамтамасыз ететін жүйеден ажыратпау жолдарын іздестіруді тапсырды.

14.08.2019

жоғары

Все права на материалы, размещенные на этом сайте, принадлежат Акимату г. Алматы
© 2005-2019 РК , 050001 г. Алматы, площадь Республики, 4
Информационное наполнение и сопровождение: Пресс-служба акима г. Алматы
Телефон Пресс-службы акима г. Алматы: +7 (727) 271-65-13
Email: smi@a-a.kz
Қаз   Рус   Eng