^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сенбі, 15 желтоқсан 2018
 
     
 
Жаңалықтар
Алматыда Қазақстандағы БҰҰ-ның алғашқы өкілдігі ашылуының 25 жылдығы атап өтілді
16 ақпан 2018

Бүгін Алматыда «Қазақстан-БҰҰ: тәжірибе, жетістіктер мен ынтымақтастықтың келешегі» атты жоғары деңгейдегі арнайы кеңес аясында мегаполис әкімі Бауыржан Байбек пен сыртқы істер министрі Қайрат Әбдірахманов Қазақстан Республикасындағы БҰҰ-ның 25 жылдық қызметіне арналған естелік тақтаны салтанатты түрде ашты.

Өзінің сөзінде Бауыржан Байбек ЭЫДҰ стандарттарына сай қалада «Алматы-2020» бағдарламасының белсенді түрде қолға алынғанын, сонымен қатар батыстық стандарт бойынша ашық, жайлы әрі қолайлы кеңістік қалытастыру барысында жүйелі оң өзгерістердің жүріп жатқанын айтты. Бизнесті жеңіл жүргізу, инвестиция тарту үшін барлық жағдайлар жасалуда. БҰҰ-ның даму Бағдарламасымен бірге «Тұрақты көлік» жобасы ойдағыдай жүзеге асуда.

«Бүгінгі күні Алматыда еліміздің біріккен кәсіпорындарының 40% жұмыс істейді және халықаралық ұйымдар мен трансұлттық компаниялардың 60-тан астам офисі ашылған. Ұйымның Қазақстандағы қызметінің 25 жылдығы барысында БҰҰ-ның өңірлік Хабын күзде ашудың жоспарлануы Қазақстанмен серіктестіктің жаңа тарихи жеңісі болатындығы сөзсіз», - деп атап өтті Б.Байбек.

Алматы әкімі Қазақстанда БҰҰ-ның алғашққы Офисі ашылуының 25 жылдығымен құттықтады және қаладағы түрлі шараларды өткізуге қолдау көрсеткені үшін алғысын білдірді. Өткен жылы Алматының 1000 жылдығы ЮНЕСКО-ның айтулы оқиғалар Күнтізбесіне енді, сонымен қатар мегаполис осы ұйымның креатиті қалалар Жүйесіне қосылды. Бүкіләлемдік денсаулық сақтау ұйымымен тығыз байланыстың арқасында Алматыда 2016 жылы БДҰ-ның Европалық бюросының Офисі ашылды. Алматы Орталық Азиядағы «Салауатты қала» жүйесіне енген алғашқы қала болып табылады. Алматы декларациясының 40 жылдығына арналған Конференция биылғы жылдың тарихи оқиғасына айналады.

ҚР Сыртқы істер министрі Қайрат Әбдірахманов Біріккен Ұлтттар Ұйымына қосылған кезден бастап Қазақстан оның белсенді мүшесі әрі сенімді серігі болғанын атап өтті.

«БҰҰ ұйымдары мен бағдарламалары Қазақстанның әлеуметтік-экономикалық дамуына елеулі үлес қосып,бұл дәстүрді жалғастыруда. Сонымен бірге, БҰҰ біздің елімізге бұрынғы Семей ядролық полигонын сауықтыру, Арал теңізін қалпына келтіру секілді маңызды жобалар аясында техникалық және қаржылық көмек көрсетті»,- деді Қ.Әбдірахманов.

Өз кезегінде БҰҰның Орта Азия бойынша Бас хатшысының арнайы өкілі Наталья Герман Қазақстанның адами саладағы маңызды мәселелерді шешуде үлкен күш жұмсап келе жатқанын ерекше атап өтті.

«Қазақстан БҰҰ-мен ынтымақтастықта жоғары деңгейге қол жеткізді. Президент Нұрсұлтан Назарбаевтың антитеррорлық коалиция құру бастамасы әлем үшін өте маңызды, өйткені мұнда терроризмге орын жоқ. Қазақстанның қарусыздану және ядролық қаруды таратпау жөніндегі әлемдегі рөлі өте жоғары. Мен бейбітшілікті қалайтын барлық қазақстандықтарға алғыс айтамын», - деді Наталья Герман.

Айтулы шараға БҰҰ-ы жанындағы ҚР алғашқы тұрақты өкілі, бұрынғы ҚР Сыртқы істер министрі Ақмарал Арыстанбекова, ҚР БҰҰ-ның үйлестіруші -резиденті Норимаса Шимомура, БҰҰ-ның өкілдері және басқалары қатысты.

  «« | »» «  | Барлық жаңалықтар


Алматы әкімі қалалықтарды Қазақстан Республикасының Тәуелсіздік күнімен құттықтады »»
14 желтоқсан 2018 - 19:37
Алматыда Қазақстан Республикасының Тәуелсіздік күніне орайластырылған салтанатты жиын өтті. Мемлекет басшысының Жарлығына сай мегаполис әкімі Бауыржан Байбек еліміздің дамуына айтарлықтай үлес қосқан алматылықтарға мемлекеттік марапаттарды тапсырды. «Біздің Президентімізбен бірге тәуелсіз Қазақстан өзінің Конституциясын, мемлекеттік рәміздерін, ұлттық валютасын қабылдады, Еуразия жүрегінде жаңа астананы құрды. Астана – Нұрсұлтан Назарбаевтың ерлігі, еліміздің тарихына алтын әріптермен мәңгілік...
Алматыға қосылған аудандарда жаңа әлеуметтік нысандар салынды »»
14 желтоқсан 2018 - 18:23
Алматыда Тәуелсіздік күніне орай қалаға жаңадан қосылған аудандарда тағы да бірқатар жаңа әлеуметтік нысандар бой көтерді. Қала әкімі Бауыржан Байбек жұмыс сапары кезінде Алматының Наурызбай ауданындағы жақында салынған №26 емхананы және Алатау ауданындағы №186 бала бақшадағы сапалы атқарылған жұмыстарды көрді. Қаланың Денсаулық сақтау басқармасының басшысы Қанат Төсекбаев өзінің сөзінде 500 адам қатынайтын емхананың сонау 1939 жылы салынған ескі селолық аурухана орнына салынғанын айтты. Замануаи жабдықта...
Алматы полициясы автокөлікпен және электронды хаттама толтыру үшін планшеттермен толық қамтамасыз етілді »»
14 желтоқсан 2018 - 16:54
Жұмыс сапары кезінде Алматы әкімі Бауыржан Байбек отандық өндірісте шығарылған әрі газбен жұмыс істейтін 70 жаңа автомобильдерді көрді. Қазіргі кезде қала полициясының автопаркі көлікпен толық қамтылған, ал бұл ведомстваның жедел жұмысына оң ықпалын тигізетін болады. Қала полициясының бастығы Серік Күдебаев өзінің сөзінде әр автомобильдің GPS-навигаторымен және видео-аудио фиксациялармен жабдықталғанын айтты. Бұдан өзге, барлық жол-патруль қызметі планшеттермен және төскеуделік видеорегистраторлармен қамт...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13