^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сенбі, 15 желтоқсан 2018
 
     
 
Жаңалықтар
Алматы әкімі жұмыс сапарымен Грузия астанасы Тбилисиде болды
27 ақпан 2018

Алматы әкімі Бауыржан Байбек Грузияға жұмыс сапары аясында Тбилисидің мэрі Кахабер Каладземен кездесті. Тараптар қала кеңістігін, сауда- экономикалық байланысты дамыту, тәжірибе алмасу және туризм саласында ынтымақтастықты нығайту мәселелерін талқылады. Екі жақты кездесу барысында Бауыржан Байбек Грузия Премьер-министрінің бірінші орынбасары, экономика және тұрақты даму министрі Дмитрий Кумсишвилмен жүздесті.

Тбилиси мэрімен кездесуде Бауыржан Байбек Алматыда бірқатар ірі инфрақұрылымдық жобалардың іске асқанын, логистика, туризм, «Smart city» жобасы салаларында грузиндік бизнесмендер үшін үлкен инвестициялық әлеуеттің қалыптасқанын атап өтті.

Фотография

«БізТбилисиде қоғамдық кеңістікті құру қағидаларымен таныстық, өйткені Алматыны дамытудың басты векторы «Қала машина емес, адамдар үшін» принципі болып табылады. Өткен жылы қаланың тарихи орталығының үштен бірі жаңарды, биылғы жылы да дәл осындай кеңістікті қайта жаңғыртуды жоспарлап отырмыз. Көлікті реформалау белсенді жүруде,автобус паркі жаңаруда, велосипед инфрақұрылымы дамуда, BRT енгізілуде. ЖРК желісін салу жобасы жасалуда. Алматы экономикасының жаңа драйвері деп танылған туристік салада заңнамалық шешімдер мен маркетинг жоспарлар жасаудағы Грузияның тәжірибесі бізді қызықтырады. Алматы мен Тбилиси арасындағы ынтымақтастық жөніндегі Келісімге қол қойылғанына биыл 25 жыл толады екен, сондықтан мен 2018 жылдың екі жақты байланысты одан әрі нығайтудың жаңа кезеңі болатындығына сенімдімін», - деді Алматы әкімі.

Фотография

Өз кезегінде Тбилиси мэрі екі ел арасында үнемі жылы әрі бауырластық қарым- қатынастың орныққанын, енді екі қала арасындағы ынтымақтастықты нығайтудың маңызды екенін атап өтті. Кездесу барысында Каха Каладзе Алматыдағы көлікті тұрақтандыру және тұрмыстық қатқыл қалдықтарды утилизациялау жөніндегі жобаларға қызығушылық білдірді.

«Даму қарқыны жоғары болған сайын мегаполистерде ортақ проблемалар қалыптасады, олар - жеке көлік санының артуы,инженерлік желілердің тозуы, тұрмыстық қатқыл қалдықтарды утилизациялау. Бұлардың барлығы экологияны нашарлатады, сондықтан бізде де Алматы сияқты қоғамдық көлікті тұрақтандыру жүйесі маңызды аспект болып табылады. Қазіргі кезде Тбилиси автопаркінде барлығы 700 автобус бар, бірақ біз оны одан әрі жаңартамыз. Бұдан өзге, жақын арадағы бірнеше жылда ескі қаланы қайта жасауды жоспарлаудамыз. Мен айтылған барлық бағыттар бойынша ынтымақтастықты нығайту мен тәжірибе алмасуды күшейту үлкен потенциалдың бар екеніне сенімдімін», - деді Тбилиси мэрі.

Фотография

Грузияға жұмыс сапары барысында Бауыржан Байбек Премьер-министрінің бірінші орынбасары, экономика және тұрақты даму министрі Дмитрий Кумсишвилмен жүздесті.

Тараптар туризм саласы мен бизнес- климатты жақсарту жөніндегі өзара ынтымақтастық мәселелерін талқылады. Бүгінгі таңда Грузия Бүкіләлемдік «Doing Business» банкінің рейтингінде тоғызыншы позицияда және туристік бағытты дамытуда едәуір алға жылжуда. Тек 2017 жылдың өзінде ғана Грузияда 7,5 млн. астам турист болған.

Фотография

«Бүгінгі күні Қазақстан Грузияда болған елдердің ТОП-10 қатарына енген. Біздің көптеген отандастарымыз Қазақстанда барып қайтты. Біз ынтымақтастықты және экономиканың туристік кластерін дамыту тәжірибесін алмасуды нығайтуға ниеттіміз», - деп атап өтті Дмитрий Кумсишвили.

Фотография

Дәл осы күні Алматы делегациясы бір терезе қағидасы бойынша азаматтарға мемлекеттік қызметтің үлкен спектрі көрсетілетін Әділет Үйінің жұмысымен танысты. Бұл мекеменің басты ерекшелігі бірқатар мемлекеттік қызметті «Drive-thгu» жүесі бойынша автомобильден шықпай алуға болады екен.

Фотография

Айта кетерлігі, 2017 жылы Алматы мен Грузия арасындағы тауар айналымы 2016 жылмен салыстырғанда 14,5%-ға артқан. Қалада сауда, қаржы, құрылыс, медицина және басқа салаларда грузиндік капиталмен 51 кәсіпорын жұмыс істеуде.

  «« | »» «  | Барлық жаңалықтар


Алматы әкімі қалалықтарды Қазақстан Республикасының Тәуелсіздік күнімен құттықтады »»
14 желтоқсан 2018 - 19:37
Алматыда Қазақстан Республикасының Тәуелсіздік күніне орайластырылған салтанатты жиын өтті. Мемлекет басшысының Жарлығына сай мегаполис әкімі Бауыржан Байбек еліміздің дамуына айтарлықтай үлес қосқан алматылықтарға мемлекеттік марапаттарды тапсырды. «Біздің Президентімізбен бірге тәуелсіз Қазақстан өзінің Конституциясын, мемлекеттік рәміздерін, ұлттық валютасын қабылдады, Еуразия жүрегінде жаңа астананы құрды. Астана – Нұрсұлтан Назарбаевтың ерлігі, еліміздің тарихына алтын әріптермен мәңгілік...
Алматыға қосылған аудандарда жаңа әлеуметтік нысандар салынды »»
14 желтоқсан 2018 - 18:23
Алматыда Тәуелсіздік күніне орай қалаға жаңадан қосылған аудандарда тағы да бірқатар жаңа әлеуметтік нысандар бой көтерді. Қала әкімі Бауыржан Байбек жұмыс сапары кезінде Алматының Наурызбай ауданындағы жақында салынған №26 емхананы және Алатау ауданындағы №186 бала бақшадағы сапалы атқарылған жұмыстарды көрді. Қаланың Денсаулық сақтау басқармасының басшысы Қанат Төсекбаев өзінің сөзінде 500 адам қатынайтын емхананың сонау 1939 жылы салынған ескі селолық аурухана орнына салынғанын айтты. Замануаи жабдықта...
Алматы полициясы автокөлікпен және электронды хаттама толтыру үшін планшеттермен толық қамтамасыз етілді »»
14 желтоқсан 2018 - 16:54
Жұмыс сапары кезінде Алматы әкімі Бауыржан Байбек отандық өндірісте шығарылған әрі газбен жұмыс істейтін 70 жаңа автомобильдерді көрді. Қазіргі кезде қала полициясының автопаркі көлікпен толық қамтылған, ал бұл ведомстваның жедел жұмысына оң ықпалын тигізетін болады. Қала полициясының бастығы Серік Күдебаев өзінің сөзінде әр автомобильдің GPS-навигаторымен және видео-аудио фиксациялармен жабдықталғанын айтты. Бұдан өзге, барлық жол-патруль қызметі планшеттермен және төскеуделік видеорегистраторлармен қамт...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13