^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 16 шілде 2018
 
     
 
Жаңалықтар
Бауыржан Байбек жұмыс істемейтін субұрқақтарды қалпына келтіруді және жасыл желек аумағын ұлғайтуды тапсырды
09 сәуір 2018

Жұмыс сапары барысында Алматы әкімі Бауыржан Байбек Абай, Абылай хан, Желтоқсан, Назарбаев даңғылдарын және басқаларын аралап көрді. Қаланың тиісті басқармалары мен коммуналдық қызметіне бұрыннан бар субұрқақтарды қалпына келтіруді, жүргінші аймағы мен тротуарларды ұлғайтуды, нысандар жанындағы жасыл желекті түзеуді, тарихи ғимараттардың сыртына ежелгі келбетін қайтаруды тапсырды.

«Қаланың тарихи орталығын жаңарту - таяу арада атқарылатын үлкен жұмыстардың басы ғана. Қазір біз төгілген асфальтты, жүру аймағындағы түрлі құрылыстарды, көлік арасынан амалсыз өтетін жандарды, өзі әдемі болғанымен сыртына түсініксіз нәрселер жапсырылған тарихи ғимараттарды көрудеміз. Әр квартал, әрбір көше жөнделіп, ретке келтіріледі. Алматының бұрынғы тартымдылығын қайтаратын кез жетті», - деді Бауыржан Байбек.

Алматы әкімі жұмыс сапары барысында күрделі жөндеуден өтетін бірқатар жер асты өтпелі жолдарды да көрді. Мегаполис басшысы бұлар жөнделетін кезде бұрылыстарда жаяу жүргіншілер үшін қауіпсіз қозғалысты қамтамасыз етуді тапсырды.

Жалпы, биылғы жылы қаланың тарихи орталығын жаңарту одан әрі жалғасады. Ғимараттардың сырты жаңарады, жүргінші аймақтары кеңейеді, кіру топтары бірыңғай архитектуралық сипат алады. Жоба Мемлекет басшысының Жолдауы аясындағы мегаполисті модернизациялау және одан әрі экономикалық дамытуға қатысты жасалған «Алматыны дамытудың 50 драйверінің» бірі болып табылады.

Еске салсақ, бұрындары Бауыржан Байбек тротуарлардың бойында түрлі құрылыстар жүргізіп, жаяу жүргіншілерге көп кедергі келтіретіндерді анықтау жөнінде тапсырма берген еді. Стихиялы тұрақтардың алдын алу, жүргіншілердің қауіпсіздігін арттыру үшін көше қозғалысы қысқарып, тротуарлар абаттандырылады.

Алматыда 2018 жылы ұзындығы 155 шақырым болатын 157 көше жөнделеді, Мақатаев, Байтұрсынов және Жароков көшелеріндегі трамвай жолдары алынады.Жол жиегін жөндеу барысында тротуарлар абттандырылады, арық науалары алмастырылады, қолданылмайтын конструкциялар жойылады, бұған қоса тұрақ қалталары қиғаштанады.


  «« | »» «  | Барлық жаңалықтар


Алматы қаласының әкімі Швейцарияның экономика, білім және ғылым министрімен кездесті »»
13 шілде 2018 - 18:39
Алматы әкімі Бауыржан Байбек Швейцарияның Федералды кеңесшісі, экономика, білім және зерттеу Федералды департаментінің басшысы Йоханн Шнайдер-Амманнмен кездесті. Тараптар сауда-экономикалық байланыстарды нығайту, стартаптарды қолдау және «Smart city» жобаларын жүзеге асыру мәселелерін талқылады. Тәуелсіздік жылдары екі ел арасында түрлі бағыттар бойынша кең спектерлік серіктестік орнықты, бүгінгі күні Швейцария Қазақстанның үшінші ірі шетелдік инвесторы болып табылады. Алматыда сауда, медицин...
Алматы әкімі қаланың инженерлік желілерін қайта жасау қарқынын жеделдетуді тапсырды »»
12 шілде 2018 - 12:47
Алматы әкімі Бауыржан Байбек жұмыс сапары барысында қаланың инженерлік желілерін қайта жасау жұмыстарын тексерді. Биыл жазда мегаполисте 12 шақырымнан астам жылу желісі жөнделуде, 120 мыңнан астам абоненттер үшін газ құбырлары кеңейтіліп, сумен қамтудың жаңа жүйелері жүргізілуде. Дулати көшесі бойындағы ұзындығы 8,8 шақырым кәріз коллекторы учаскесінің құрылысын қарап шыққан мегаполис басшысы қаланың Энергетика және коммуналдық шаруашылық басқармасына жұмыс қарқынын жеделдетуді тапсырды. «Барлық об...
Алматыда жазда 600-ден астам аула жөнделеді
10 шілде 2018 - 17:26
Алматы әкімі Бауыржан Байбек жұмыс сапары барысында ескі үйлерді сүру бағдарламасын жүзеге асыру, аулаларды абаттандыру және қаланың бірқатар даңғылдарын жаңарту барысымен танысты. Мысалы, Сүлейменов көшесінің қилысы мен Жандосов көшесінен жоғары орналасқан ұй тұрғындарын уақытша орналастыру мен 50 жылдары салынған үйлерді сүру жұмыстары басталады. 8 пәтерлі үйдің орнына «Алматы ӘКК ҰК» АҚ жеке құрылыс жүргізушімен бірге орталықтандырылған коммуникация жүйесі бар көпқабатты тұрғын үй салуды жо...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13