^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жексенбі, 27 мамыр 2018
 
     
 
Жаңалықтар
Мемлекет басшысы әкімдіктің «Open Almaty» қоғамдық қабылдауында және «Smart.Point» коворкинг- орталығында болды
06 мамыр 2018

Мемлекет басшысына орталықтың жетекші стартап жобалары («Chocofamily» компаниялар тобы, Nommi жобасы және SmartSatu платформасы) таныстырылды. Олар тағамға тапсырыс беру және әуе билеттерін сату жөніндегі интернет-гипермаркет, тауар жеткізушілер мен тұтынушылар арасындағы тауар айналымына арналған алаң, сондай-ақ бүкіл әлем бойынша интернетке жылдам әрі мейлінше ыңғайлы қосылуды көздейтін Wi-Fi роутер әзірлемесі ретінде жұмыс істейді.    

Елбасы мемлекет тарапынан «Цифрлық Қазақстан» бағдарламасының іске асырылуына зор мән беріліп отырғанын атап өтті.

– Арнайы министр мен вице-премьер тағайындалды, әр министрлікте осы мәселелермен айналысатын адамдар бар. Біз әлемде болып жатқан үдерістен қалып қоймауымыз керек. Біз цифрландырудың арқасында, әсіресе, өндіруші компаниялардың еңбек өнімділігін жылдам арттыра аламыз деп үміттенемін, – деді Қазақстан Президенті.

«Chocofamily» интернет холдингінің негізін қалаушылардың бірі әрі бас директоры Рамиль Мухоряпов Нұрсұлтан Назарбаевқа ІТ-саласы мен жалпы цифрландыру үдерісіне зор мән беріп отырғаны үшін алғыс айтты.

– Біз ІТ-қоғамдастығы атынан «Цифрлық Қазақстан» бағдарламасы үшін өзіңізге шынайы ризашылық білдіреміз. Біз соның арқасында өркендеп келеміз. Ақпараттық технологиялардан басқа бірде-бір сала мұндай жылдамдықпен дами алмайды. Біз Қазақстандағы интернет нарықтың көшбасшысы болып қана қоймай, халықаралық деңгейге де жетіп, үлкен компаниялар құра алатынымызға сеніміміз зор, – деді компания басшысы.

 Елбасына мемлекеттік қызмет көрсету регламенттерімен қамтылмаған, қалыптан тыс өмірлік ахуалды реттеу жөніндегі «OpenАlmaty» қоғамдық қабылдау орнының жұмысы таныстырылды. Оған 7 айдың ішінде 18 396 өтініш түсіп, олардың 78 пайызы сол жерде жедел шешімін тапты.

SmArt.Point жобасы – Алматыдағы технологияларды дамытуға арналған кеңістік. Онда жоғары технологиялар мен креативті бизнес саласында жұмыс істейтін 40 компания орналасқан. Олардың жиынтық ақша айналымы 100 миллион доллардан асады. Қызмет ету бағыттары электронды сауда, қаржы технологиясы, автоматтандырылған логистика, медиа, компьютерге арналған бағдарламаларды әзірлеу, телекоммуникация, блокчейн, заңгерлік және бухгалтерлік қызмет көрсету аутсорсингі, білім технологиялары сияқты салаларды қамтиды.

IT-хаб жалпы көлемі 9000 шаршы метрді қамтитын екі қабатты ғимаратта орналасқан. Мұнда бір мезгілде жеке орындарды немесе 7-8 қызметкерге арналған офистерді жалға алатын 700 адамға дейін жұмыс істей алады.

Бұл нысан аптаның жеті күнінде 24 сағат бойы ашық тұрады. Мұнда келіссөз жүргізуге арналған бөлмелер, ойын алаңдары және спорт залы бар. Әртүрлі мамандық пен салалардың өкілдерін біріктіретін орталық коворкинг қағидаты бойынша салынған. 

  «« | »» «  | Барлық жаңалықтар


Алматыда азаматтық қоғам институттарын дамыту бойынша Жол картасы қабылданды »»
25 мамыр 2018 - 17:35
Қоғамдық кеңестің кеңйтілген отырысы барысында Алматы әкімі Бауыржан Байбек пен Дін істері және азаматтық қоғам министрі Дархан Қалетаев Қазақстандағы алғашқы «Белсенді мегаполис» атты біріккен Жол картасына қолдарын қойды. Бүгінгі күні Алматыда 4 мыңдай ҮЕҰ бар немесе олар барлық қазақстандық қоғамдық ұйымдардың 20%-дан астамын құрайды. Аталған құжатты қабылдау азаматтық қоғам, дін салалары мен жастар арасында үздік практиктерді, мемлекеттік саясатты жүзеге асырудың формаларын мен механизмдер...
Алматы мен әзірбайжандық Гянджа бауырлас қалаларға айналуы мүмкін »»
25 мамыр 2018 - 15:31
Алматы әкімі Бауыржан Байбек Әзірбайжан Республикасы Президентінің көмекшісі Али Гасановпен кездесті. Тараптар сауда-экономикалық және мәдени гуманитарлық байланыстарды нығайту мәселелерін талқылады. Екі жақты байланысты нығайту мақсатында әзірбайжандық тарап Алматы мен Гянджаны бауырлас қалаларға айналдыруды, сонымен қатар мегаполисте Әзірбайжанның сауда үйін ашу мүмкіндігін қарастыруды ұсынды. Кездесу барысында Али Гасанов қала басшылығы мен Әл-Фарабаи атындағы ҚҰМУ-не Әзірбайжан тарихы мен мәдениетінің...
Европалық компаниялар Алматының көлік реформасына қатысуға ниет білдірді »»
25 мамыр 2018 - 13:21
Алматы әкімі Бауыржан Байбек Европалық реконструкция мен даму банкінің бірінші вице-президенті Юрген Ригтеринкпен кездесі. Тараптар мегаполистегі ірі инфрақұрылымдық жобаларды бірігіп жүзеге асыру мәселелерін талқылады. Бүгінгі күні ЕРДБ экономикалық реформаларды жүзеге асыру мен инфрақұрылымды дамытуда еліміздің жетекші қаржы серіктесі болып табылады. Юрген Ригтеринк өзінің сөзінде ЖРК және ТЭЦ-2 газдандыру сынды жобалардың банктің әлеуметтік және экономикалық бағыттағы стандарттарына сай келетінін айтты...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13