^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 23 қаңтар 2019
 
     
 
Жаңалықтар
Алматыда барлық базарлар жаңарады
15 мамыр 2018

Сауданы заманауи форматқа көшіру және салық түсімінің ашықтығын қамтамасыз ету мақсатында мегаполистің барлық базарлары жаңаратын болады.

Бүгінгі күні еліміздің ең ірі қаласында 57 базар жұмыс істейді. Соңғы бес жыл ішінде қала басшылығы «қызыл жиекке» орналасқан, санитарлық нормалар мен мегаполистің архитектуралық келбетіне сай келмейтін 20-дан астам базарды жойды. Қазіргі кезде олардың орнына жүргінші аймақтары, қоғамдық көлік үшін кеңейтілген жолдар, жер үсті өтпелі жолдар пайда болды.

Дегенмен, қалада әлі де болса сауданың кішігірм талаптарына жауап бермейтін базарлар бар, ал кәсіпкерлер контейнерлер мен дүңгіршіктерде жұмыс жасауда. Қаланы одан әрі дамыту үшін мұндай базарлар алынуы тиіс. Жуырда ғана «Кар Сити» сауда орталығы алдындағы 100-ден астам сауда мен қоғамдық тамақтану нүктелері жойылды. «Рахат» базары маңын жалға беру мерзімі аяқталысымен оның айналасына қалалықтар үшін аллея жасау жоспарланған.

«Қазіргі кезде 16 базарды жаңарту жұмыстары жүзеге асты, олардың меншік иелері 16 миллирдтан астам инвестиция бөлді. Жыл аяғына дейін тағы да алты базар реконструкцияланады. Бесеуі модернизациялануда және жаңарту жұмыстары келер жылы аяқталады», - деп хабарлайды Алматы әкімдігінің баспасөз қызметі.

Қала басшылығы базарларды модернизациялаудың бірқатар нақтылы шарттарын белгіледі, яғни оларда стационарлық нысан міндетті түрде салынуы, обьктілердің барлығы санитарлық -эпидемиологиялық нормаларға, өрт қауіпсіздігі талаптарына сай және көлік тұрағының болуы, еліміздің салық заңдылығы қатаң сақталуы тиіс, сонымен қатар кәсіпкерлер тіркеуден өтіп, POS-терминалдар мен кассалық аппараттардың болғаны жөн.

Базарларды модернизациялау қазірдің өзінде тиімді болуда. Соңғы жылда көтерме-бөлшек сауда айналымы қалада 3,4%-ға артып, 12,8 трлн. теңгені құрады. Бұған сауда алаңын мен сауда орындарының санын ұлғайту және кәсіпкерлер жұмысының ашықтығын қамтамасыз ету арқасында қолжетті.

Айта кетерлігі, Алматыда биылғы жылы қолайлы қала кеңістігін жасау мақсатында бұрын қайта жасалған Панфилов, Жібек Жолы, Гоголь, Қабанбай батыр, Байсейітова, Төлебаев көшелері мен «Астана» алаңынан өзге мегаполистің бірқатар негізгі даңғылдары жаңарады. Орталықтандыру қағидасы бойынша қаланың барлық аудандарында 600 аула қайта жасалып, ұзындығы 155 км болатын 157 көше жөнделеді және 30 шақырымнан асатын жүргінші тротуарлары салынады.

  «« | »» «  | Барлық жаңалықтар


Алматы әкімі Ресейдің, Өзбекстанның, Франция мен Оңтүстік Кореяның бас консулдарымен кездесті »»
22 қаңтар 2019 - 17:17
Алматы әкімі Бауыржан Байбек Ресейдің, Өзбекстанның, Франция мен Оңтүстік Кореяның бас консулдарымен екіжақты бірқатар кездесулер өткізді. Ресей Федерациясының бас консулы Евгений Бобровпен кездесу кезінде тараптар сауда-экономикалық және мәдени-гуманитарлық байланыстарды нығайту мәселелерін талқылады. Ежелден Ресей Қазақстанның негізгі экономикалық серіктесі болып табылады. Алматы әкімдігі мен Мәскеу, Санкт-Петербург және Қазан қалалары мэриялары арасында бірқатар бағыттар бойынша ынтымақтастық орныққан...
Алматы агломерациясының тау кластерін дамытудың шеберлік-жоспары жасалды »»
21 қаңтар 2019 - 14:24
Алматы әкімдігінің тапсырысы бойынша Австрияның «Master Concept» компаниясы мегаполис айналасы мен алматылық агломерацияның 2030 жылға дейінгі тау кластерін дамытудың шеберлік-жоспарын жасады. Туризм саласын дамыту мақсатында өңірдің барлық тау локациялары қамтылатын болады, оның ішінде Турген, Ақ Бұлақ, Oi-Qaragai Lesnaya Skazka, Табаған, Бутаковка, Пионер, Көкжайлау, Шымбұлақ және Қаскелең. «Master Concept» компаниясының бас директоры Гернот Ляйтнер өзінің сөзінде алматылық өңірд...
Алматыда газбен жүретін 200 жаңа автобус сатып алынады »»
18 қаңтар 2019 - 13:32
Мұндай хабарландыру мемлекеттік сатып алу порталында жарияланған. Техникалық сипатына орай, автобустардың сыйымдылығы үлкен, едендері төмен, кондиционерлермен, видео бақылау камераларымен, мүмкіндігі шектеулі жандар үшін пандустармен жабдықталуы және Евро-5 экологиялық стандартына сай болуы тиіс. Жалпы, қалада көлікті реформалау аясында 2018 жылы түрлі бағыттар бойынша 479 жаңа автобустар жүре бастады.BRT желісіндегі аялдамаларда алғашқы электронды таблолар пайда болды, оларда қоғамдық көліктің нөмірі, б...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13