^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жұма, 26 сәуір 2019
 
     
 
Жаңалықтар
Алматы көшелері қайта жасалуда: Бірнеше мердігерлерге айыппұл салынды
27 шілде 2018

Қазіргі кезде Абай, Абылай хан, Назарбаев даңғылдары мен Абай алаңында инженерлік желілерді орналастыру, тас төсеу, жарық діңгектерін ауыстыру, сурау жүйесін орнату, кіре берістерді және нысандардың сыртын жаңарту жұмыстары жүруде. Реконструкция аясында жаяу жүргінші аймағын кеңейту, көлеңкелі кеңістікті қалыптастыру үшін жасыл желек отырғызу, жаңа фонтандар салу қарастырылған.

Қала әкімідігінің комиссиясы тарихи орталықтағы құрылыс жұмыстарының барысын тексерді. Жұмыс сапары кезінде Алматы әкімі көшелерді абаттандырумен айналысатын мердігерлер атына бірқатар сын айтты.

«Жаяу жүргіншілер мен автокөлік үшін қауіпсіз қоғалысты қамтамасыз еткен жөн. Сіздердің барлықтарыңыз жұмысқа байланысты ашық конкурсқа қатыстыңыздар, барлықтарыңыз тәжірибелі компаниясыздар, сіздер сапа үшін жауап берумен қатар қалалықтарға қажетті жағдайды жасауға тиіссіздер», - деп атап өтті Алматы әкімі Бауыржан Байбек.

«Базис-А» компаниясының басшысы Павел Белович өзінің сөзінде немкетті жұмыс жасағандарға шара қолданылғаны туралы айтты. Мысалы, құрылыс жұмыстарының ережесін сақтамағаны және техника қауіпсіздігін бұзғаны, жұмысты талапқа сай ұйымдастырмағаны үшін «БАЗИС-А» АҚ-ның басқарушы директоры Салем Тоқмұрзаев қызметінен босатылды, басқарушы директор Өтеген Бұзғұловтың лауазымы төмендетілді, вице-президент Марат Көпешевке қатаң ескерту жарияланды, бұлардың барлығы Назарбаев даңғылындағы жөндеу жұмыстарына жауапты болатын.

Бұлардан өзге, осы учаскеде жөндеу жұмыстарын жүргізіп жатқан қосалқы мердігерлік ұйымдар «Керім Жол» ЖШС пен «МВ Алонс» ЖШС инертті материалдарды жинақтағаны және құрылыс қоқыстарын ретсіз қалдыдрғандары үшін әрқайсысына 20 есептік айлық көрсеткіш көлемінде 48 100 теңгеден айыппұл салынды.

Әкімнің орынбасары С.Мәкежанов құрылыс-монтаж жұмыстарын тексеру барысында Абылай хан даңғылы,Абай даңғылынан Алматы-2 теміржол вокзалына дейінгі аймақтарда бірқатар кемшіліктердің орын алғандығын баяндады. «Новая генерация» ЖШС бас мердігері тиісті ескерту жасамастан жұмысты бастаған. Оның үстіне, бұл учаскеде технология мен өндіріс нормасы өрескел бұзылған: құрылыс қоқыстары дер кезінде тасымалданбайды, құрылыс материалдарын жинау өндірісті ұйымдастыруға сай емес, электр желісін тарту технологиясы сақталмайды, құрылыс қоқысының шашылуына жол берілген,ішкі операциялық бақылау жоқ. Жіберілген осы кемшіліктерге орай бас мердігерлерге қатысты әкімшілік хаттама толтырылды, оның жалпы сомасы 1 142 375 теңге. Қосалқы мердігерлік ұйымдар: ТОО «Элитстрой» ЖШС 1 142 375 теңге, «Дарбол» ЖШС - 577 200 теңге айыппұл салынды.

Ал Абылай хан даңғылы бойындағы жасыл желекке нұсқан келтіргені үшін «Новая Генерация» ЖШС учаске басшысына 30 АЕК – 72 150 теңге айыпұл салынды. Ағаштардың тамырына зақым келтіргені, инертті материалдар мен құрылыс қоқыстарын ретсіз қаттағаны үшін қосалқы мердігер «Строй Гарант Инвест» ЖШС 40 АЕКП – 96 200 теңге айыппұл төлейді. Абай даңғылы бойындағы жасыл желекті зақымдағаны үшін қосалқы мердігер «УМР-3» ЖШС 40 АЕК – 96200 теңгеге айппұл хаттамасы толтырылды.

Алматы әкімі көшпелі кеңес барысында қысқа мерзімде жұмысты барынша сапалы атқаруға және қала тұрғындарына жағдай жасауға айрықша назар аударды. Мемлекеттік сәулет-құрылыс бақылау басқармасына әр учаскеде жұмысты барынша тыңғылықты атқару және мердігерлерден норманы сақтауды қатаң талап ету тапсырылды. Барлық мердігерлерге кемшіліктерді жою үшін нақтылы мерзім берілді.

Еске салсақ, биылғы жазда Алматыда ұзындығы 160 км болатын 150-ден астам көше жөнделуде. Өтпелі жолдардың барлығына күрделі жөндеу жұмыстары жүргізілуде. Орталықтандыру қағидасы бойынша қаланың барлық аудандарында аббаттандыру жүзеге асуда. Егер өткен жылы 500 алматылық аула жөнделсе, биылғы жылы қаланың барлық аудандарында тағы 600-ден аса аула жаңарады.

Мегаполисте соңғы жылдары 800 км инженерлік желі, соның ішінде 313 км су құбыры, 266 км кәріз желісі, 150 км электр желісі және 32,3 км жылу жүйесі салынды және жаңартылды.

  «« | »» «  | Барлық жаңалықтар


Алматыда Hyundai автомобильдерін шығаратын зауыт салынады »»
21 сәуір 2019 - 14:15
Зауытты Алматыдағы Индустриалды аймақ маңында Қазақстан Республикасының қолдауымен «Астана Моторс» компаниясы салады. Өзінің құттықтау сөзінде мегаполис әкімі Бауыржан Байбек бүгінгі таңда Алматының жоғары инвестициялық тартымды қала ретінде қалыптасқанын атап өтті. Тек үш ай ішінде ғана шетелдік инвестициялар 21,4%-ға артып, 111,1 млрд. теңгеге жетті. «Зауыт 700-ден астам алматылықтарды тұрақты жұмыспен қамтиды, ал бұл - біз үшін ең басты көрсеткіш. Қала тарапынан дайын инфрақұрылымдар...
Алматыдағы этноспорттың Бүкіләлемдік конфедерациясының Халықаралық форумына 30 елдің өкілдері келді »»
20 сәуір 2019 - 14:40
Алматыда өтіп жатқан «Рухани жаңғыру. Ұлттық спортты дамыту» этноспортының Бүкіләлемдік конфедерациясының екінші халықаралық форумына әлемнің 30 елінен 150-ден астам делегация қатысуда. Форумға қатысушыларды құттықтаған Алматы әкімі Бауыржан Байбек 2021 жылы Қазақстанда алғаш рет спорттың ұлттық түрлерінің Бүкіләлемдік ойындарының өтетіні халқымыздың тарихын, мәдениеті мен өнерін ғана көрсетіп қоймайтынын, сонымен қатар өскелең ұрпақтың мақсат-мүддесін арттыруға оң ықпал ететінін атап өтті. &...
Алматыда үнемдеу есебінен жаңа мектептер мен бала бақшалар салынады »»
19 сәуір 2019 - 18:41
Алматыда жыл басынан бері жиналған үнемі есебінен халықтың аз қамтылған тобының әлеуметтік қажеттіліктеріне, мектептер мен бала бақшалар салуға, денсаулық сақтау мен қауіпсіздікке, сонымен қатар абаттандыруға жергілікті бюджеттен қосымша 13,8 млрд. теңге бөлінеді. Сонымен, Мемлекет басшысының көпбалалы және аз қамтылған отбасыларды қолдау шараларын күшейту жөніндегі тапсырмасын орындау мақсатында қосымша 2,5 млрд. теңге бөлінеді. Елбасының тапсырмасы бойынша бұрын негізсіз жобаларды қаржыландыруды оңтайла...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13