^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Бейсенбі, 17 қазан 2019
 
     
 
Жаңалықтар
Баум бағынан басып алынған жер телімдері қалаға қайтарылды
07 тамыз 2018

Табиғи ескерткіш болып табылатын «Баум бағының» аумағы Алматы қаласының коммуналдық меншігіне өткеннен соң мегаполис әкімдігі жеке тұлғалар мен автосалон иелерінің көлік тұрағын ұйымдастыру үшін жер телімін өз беттерінше басып алғандығын анықтады.

Маусым айының соңында Алматы әкімі Бауыржан Байбек заңға сәйкес басып алынған жер телімдерін қайтаруды және оны жасылдандыруды тапсырған еді. Табиғи ресурстар және табиғатты пайдалануды реттеу басқармасының ақпараты бойынша қазіргі кезде мегаолистің ең үлкен және жасыл аумағындағы барлық жер учаскелері қалаға қайтарылды.

Бұлардан өзге, қоғамдық қауіпсіздікті қамтамасыз ету мақсатында бақ периметрі бойынша тәулік бойына жұмыс істейтін полицияның төрт постысы іске кірісті, сонымен қатар бұрын құлаған ағаштардан жасалған эко-стильдегі навигациялық тақтайшалар, орындықтар қойылды. Терек, емен, қайың аллеялары үшін ағаштар отырғызу жоспарланған.

Ағаштардың иммунитетін арттыру және зиянкестерден қорғау үшін заманауи препараттарды арқылы жасыл желектер биологиялық өңдеуден өтетін болады. Табиғи аймақта флора мен фаунаны кеңейту міндеті қойылған.

Айта кетерлігі, Алматыда соңғы айлар ішінде тағы да бірқатар жер телімдері мемлекет меншігіне қайтарылды.

Әкімдіктің қаулысы бойынша ҚІЫО «Атакентке» 23 гектар жер телімін уақытша жалға беру келісімі күшін жойды. «TURKUAZ GROUP OF COMPANIES» компаниясы «Южный» паркі учаскесінде тұрғын салудан өз еркімен бас тартты.

Екінші деңгейлі банктің бірімен Розыбакиев-Штраус-Есқараев-Радостовец көшелері аумағындағы жер учаскесін мемлекет меншігіне қайтару туралы келісімге қол жеткізілді. Сақ қорғаны орналасқан бұл жерге ашық аспан астындағы Музей салу жоспарланған.

Сонымен қатар, Алматы әкімдігі қала ипподромы мен "Сайран" автовокзалын тарихи-мәдени мұра обьектілерінің алдын-ала жасалған тізіміне енгізді.

Өткен аптада мегаполис әкімі Бауыржан Байбек Абай көшесі бойындағы Түрксіб ауруханасының бұрынғы ғимаратын Алматы қаласы тарихының ескерткіштері тізіміне енгізу мәселесін қарастыруды тапсырды.

Ғимаратты тарихи-мәдени мұралар тізіміне енгізу оның сыртқы келбетін және ішін,конструкцияларын, құрылысын, мақсатты пайдаланылуын өзгертуге және қорғалатын аумағын бұзуға тыйым салыады. Нысанды өзгертуге,жөндеуге және реконструкциялауға қатысты кез-келген шаралар өкілетті органның келісімімен ғана жүргізіледі.

  «« | »» «  | Барлық жаңалықтар


Рухани келісім күні
17 қазан 2019 - 19:14
Бүгін, 17 қазанда Д. А. Қонаев атындағы Еуразиялық заң академиясында Рухани келісім күніне арналған салтанатты шара өтті.   «ҚРтерроризм мен экстремизм проблемаларын зерттеу орталығы» ҚҚ ұйымдастырған шараға мемлекеттік органдардың өкілдері, Қазақстан халықтары Ассамблеясының мүшелері, дін саласының сарапшылары, діни, этномәдени, қоғамдық, үкіметтік емес ұйымдардың басшылары мен мүшелері, жастар қатысты. Алматы қаласы әкімінің орынбасары Ержан Бабақұмаров кездесуге қатысушыларғаарнаған қ...
Мерейтойлық күндерді мерекелеуге дайындық туралы »»
17 қазан 2019 - 18:04
Алматы әкімінің орынбасары Ержан Бабақұмаровтың төрағалық етуімен келер жылы Абайдың 175 жылдығына, Әбу Насыр әл-Фарабидің 1150 жылдығына және Алтын Орданың 7 жылдығына арналған шараларды дайындау және өткізу бойынша кеңес өтті.   Кеңеске ғалым-тарихшылар мен философтар, өнер, кино, театр қайраткерлері, мәдениет саласының өкілдері, ведомстволық бағынышты ұйымдардың басшылары, сонымен қатар, Қазақстан жазушылар одағының төрағасы Ұлықбек Есдәулет, әл-Фараби атындағы ҚазҰУ ректоры Ғалымқайыр Мутанов, фи...
Алматыда 40 көпбалалы отбасы пәтер алды
17 қазан 2019 - 18:20
Алматыда «Алатау Бақытты отбасы» орталығының ғимаратында қала әкімі Бақытжан Сағынтаев «Нұрлы жер» мемлекеттік тұрғын үй құрылысы бағдарламасы бойынша салынған үйден пәтер кілттерін тапсырды.   Бүгін баспаналы болғандар арасында үй шаруасындағы әйелдер, мұғалімдер, коммуналдық кәсіпорындардың қызметкерлері, кәсіпкерлер бар. Бұлардың барлығы үй кезегін бірнеше жыл бойы күткен көпбалалы аналар. Жалпы, жыл басынан бері қарай кезекте тұрғандар арасында көпбалалы отбасылар са...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56