^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сенбі, 23 ақпан 2019
 
     
 
Жаңалықтар
Алматы әкімі қаланың жаяу жүргінші инфрақұрылымын реконструкциялаудағы құрылыс жұмыстарының сапасын тексерді
13 қыркүйек 2018

Алматы әкімі Бауыржан Байбек қаланың жаяу жүргінші инфрақұрылымын реконструкциялаудағы құрылыс жұмыстарының қарқыны мен сапасын тексерді. Мегаполис басшысы қаланың бірқатар даңғылдары мен көшелерін аралап шығып, мердігерлік ұйымдар басшыларына нақтылы ескертулер жасады.

Жұмыс сапары барысында қала басшысы Абылай хан даңғылына қайта жасау жұмыстарын жүргізген «Элитстрой» құрылыс компаниясының еншілес ұйымын қатаң сынға алды.

«Белгіленген мерзім былай тұрсын, бірде -бір учаскеде жұмыс сапалы атқарылмаған.Кеспе тастар иіріліп төселінген, тротуарлар мен қозғалыс аймағы түйіспейді. Ал «Алматы 2» теміржол вокзалының айналасын екі ай бойына реттей алмай келесіңдер. Қауіпсіздік бөлігі жасалмаған, судан арылту қарастырылмаған. Жастар театры алдындағы жұмысты маусым айына бастасаңдар да күні бүгінге дейін аяқтаған жоқсыңдар. Сендер өздерің өз компанияларыңның беделіне нұсқан келтірудесіңдер. Кемшіліктерді түзетуге екі ай мерзім беремін», - деді ол компания директоры Алексей Балаганскийге.

Олай етпеген жағдайда бұл ұйым жауапсыз компаниялар тізіміне енетін болады.

Қала басшысы атап өткендей, құрылысты ұйымдастыру жұмыстары да сын көтермейді. Жаяу жүргіншілер мен көліктердің қауіпсіз қозғалуы үшін қарапайым жағдайлар жасалмаған.

«Жерді қазған кезде адамдар қалай жүреді деп ойлау керек қой. Алдымен жағдай жасау қажет. Міне, мына жерде газ желілері ауыстырылған, тротуардағы ескі құбырлар әлі күнге дейін алынбаған», - деп сын айтты Бауыржан Байбек Абылай хан даңғылын Құрманғазы көшесінен төмен учаскеде аралаған кезде.

Ол мердігерлердің назарын көп жерлерде газонның бордюр деңгейінен жоғары тұрғанына да аударды.

«Арықтардың жиегіне рулонды газондар төселіпті. Сапасыз жасалғандықтан ол қазірдің өзінде құлап жатыр, ал қар тазалағанда не болмақ. Бұлардың барлығын қайта жасайсыңдар. Учаскелердің көбінде олар бордюрден жоғары тұр. Ертең лайдың барлығы тротуарлар мен арықтарға жайылады ғой», - деп реніш білдірді қала әкімі.

Қаланың Құрылыс басқармасының басшысы Нұрбол Нұрсағатов даңғылды жаңғырту кезінде жіберілген олқылықтардың толық жөнделгенін, ал компанияға кемшіліктерді түзету туралы ескертпе берілгенін айтты. Ескертпелер орындалмаса тиісті айыппұл санкциялары салынады.

«Жұмыс әлі қабылданған жоқ. Демек, барлық кемшіліктер жойылып, жоба толық көлемінде сапалы атқарылмайынша жұмысқа ақы төленбейтіні белгілі» - деді ол.

Бұрындары Бауыржан Байбек Республика Сарайы алдындағы Абай алаңына тротуар плиткасын төсеуде жіберлген кемшіліктерді түзетуді тапсырған болатын. «ТРИА Холдинг» мердігерлік ұйымының басшысы Михаил Чикаев компанияның барлық олқылықтарды орнын толтыратынын айтты. Оның үстіне жұмыс қала тұрғындарына қолайсыздық тудырмайтындай етіп ұйымдастырылған.

Еске салсақ, биылғы жылы Алматыда реконструкция аясында қаланың бірқатар даңғылдарында жаяу жүргінші кеңістігі кеңейді. Асфальттың орнына кеспе тастар төселді. Диодты жарық көздері, жаңа бағдаршамдар орнатылып, жаңа фонтандар салынды. Ғимараттардың сырты мен кіре берістері жаңарды. Қазан айында жаңарған даңғылдарға жасыл желектер мен ағаштар отырғызылады.

Жалпы, Алматыда 524 көше жөнделді,1400 ескі аулалар жаңарды. 300 км арықтар салынды және жөнделді, 800 км инженерлік желілер тартылды.

Қаланың барлық өтпелі жолдары жаңарды. Жыл аяғына дейін қаланың барлық жарық көздерінің үштен бірі жарық жарық диодты және энергия жинақтаушы шамдарға ауыстырылады.

  «« | »» «  | Барлық жаңалықтар


Алматыда тағы екі бағыттың автобустары жаңарды
22 ақпан 2019 - 18:51
Алматыда көлікті реформалау аясында жылжымалы состав жаңарып, жаңа бағыттар ашылуда. Жұмыс сапары кезінде мегаполис әкімі Бауыржан Байбек №65 бағытты жаңарту үшін жеке тасымалдаушы сатып алған жаңа автобустарды көрді. «Авто Алма Транс» ЖШС төмен еденді сыйымдылғы жоғары 20 автобус алыпты, олардың барлығы кондиционерлермен жабдықталған және Евро-5 экологиялық сыныбына сай. Барлық бағыттар жүргізушілері бірыңғай жаңа форма киген. 2017 жылы босаған №65 бағыттағы автобустар Думан мен Қарағайлы ел...
Алматы қаласының Әлеуметтік әл-ауқат басқармасының басшысы тағайындалды »»
22 ақпан 2019 - 16:34
Алматы қаласының Әлеуметтік әл-ауқат басқармасының басшысы болып Рахат Шимашева тағайындалды. Еңбек жолын Алматы қаласының №62 орта мектебінде мұғалім болып бастаған. Түрлі жылдары қаланың білім жүйесінде еңбек етті, оның ішінде мегаполистің Білім басқармасының басшысы болды. Соңғы екі жылда Алматы қаласының Тілдерді дамыту басқармасына басшылық етті. Басқарманың жаңа басшысының алдына нақтылы міндеттер қойылды, олар: жұмыссыздықты азайту, әлеуметтік лифтерді құру, ерекше қажеттілікке зәру жандарға кедер...
Алматының Жасыл экономика басқармасының басшысы тағайындалды »»
22 ақпан 2019 - 14:49
Алматының Жасыл экономика басқармасының басшысы болып Ержан Сейтенов тағайындалды. Бұған дейін ол мегаполистің Жерді пайдалануды бақылау және қорғау басқармасының басшысы болған. Басқарманың жаңа басшысының алдына қойылған басты міндеттердің бірі - қаланы қоршаған ортаны жақсарту, экономиканың түрлі секторларына тиімді «жасыл» жобаларды енгізу, су ресурстарын, жасыл қорды сақтау және ұлғайту арқылы қаланың экожүйесінің антропогенді жүктемесін азайту және басқалары. Қала әкімі жұмысты қалдықта...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13