^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 20 ақпан 2019
 
     
 
Жаңалықтар
Президенттің Жолдауы Алматыда қалай орындалады
10 қазан 2018

Алматы әкімдігінде ел Президенті Нұрсұлтан Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты халыққа Жолдауының қалай орындалатыны туралы айтылды. Ол үшін мегаполис басшылығы білім, денсаулық сақтау, тұрғын үй салаларын сапалы дамыту және қалалықтар үшін жайлы әрі қауіпсіз орта қалыптастыру мақсатында 100-ден астам арнайы шаралар енген қалалық жоспар қабылдады.

Алматы әкімі Бауыржан Байбек қала активімен кездесуде Елбасы жүргізіп отырған экономикалық тұрақтылық, бірлік пен келісім сынды салиқалы саясаттың арқасында халықтың тұрмыс жағдайын жақсарту үшін мемлекеттің әлеуметтік шығындарды арттырғанын атап өтті. Тек Жолдауды жүзеге асыру үшін ғана 1,5 трлн. теңгеден астам қаржы жұмсалатын болады, ал бұл жекелеген мемлекеттердің жылдық бюджеттеріне тең.

Мемлекет басшысы Жолдауының басты бағыттарының бірі урбанизация мәселесін ойдағыдай шешу мен қалаларды одан әрі дамыту болып табылады. Қазіргі кезде әлемдік экономиканың 70%-ы қалаларда қалыптасады, Алматы осындай 600 мегаполистердің қатарына енген.

Алматы әкімі Мемлекет басшысының тапсырмасы бойынша халықаралық кеңесшілермен бірге мегаполистің ұзақ мерзімді болашаққа болжамы – Қаланың 2050 жылға дейінгі дамуының Шеберлік- жоспарының жасалып жатқандығын айтты.

«Біздің міндетіміз Алматыны жайлы, ыңғайлы ету және әр адамның тұрмыстық жағдайын жақсарту. Ол үшін қалада жыл сайынғы экономикалық өсім орта есеппен кем дегенде 5% болуы, еңбек өнімділігі 2 есе артуы, 15 жылға жан басына шаққанда ЖӨӨ 1,5, 30 жылға 3 есе өсуі тиіс. Мұның басты шарты экономиканың құрылымын жүйелі өзгерту болып табылады. Сарапшылардың болжамы бойынша 2035 жылы Алматы тұрғындарының саны 3 млн. адамнан асады. Демек, қаладағы экономикалық белсенді тұрғындарының қатары 700 мыңға көбейеді, оларды IT секторында, білім беруде, денсаулық сақтауда,инжинирингте, жоғары технологиялы өндірісте, өнерде, туризмде жұмыспен қамту қажет. Ал бұл үшін қолайлы инновациялы экологиялық орта, ОЭСР елдеріндегідейі жоғары сапалы білім мен денсаулық сақтау қамтамасыз етілуі тиіс», -деді Бауыржан Байбек.

Президент Жолдауының басты бағыттарының бірі көлеңкелі айналымды 40%-ға қысқарту. Қазіргі кезде Алматы экономикасының 80%-дан астамы- сауда мен қызмет көрсету. Соңғы жылдары Алматы әкімдігі сауда саласын көлеңкеден шығару үшін жүйелі әрі тұрақты шараларды жүзеге асыруда, базарлар модернизациялануда. Тек соңғы 3 жылда сауда саласын дамытуға 240 млрд. теңгеден астам жеке қаржы жұмсалды.

«Цифрландыру – экономиканың ашықтығын қамтамасыз етудің, бюрократтықты, азаматтардың және бизнестің кедергілерін жоюдың ең ұтымды механизмі. Қазіргі кезде Алматыда «Smart Almaty» 40-тан астам жобасы жүзеге асуда. Ситуациялық орталық пен BigData жұмыс жасай бастады. «Оңай» мен «А-паркингтің» төлемді жүйелері іске қосылды. Нәтижесінде 9 ай ішінде салық түсімі өткен жылдың осы кезеңімен салыстырғанда 12,7%-ға артып, 1,3 трлн. теңгені құрады. Өз кезегінде салықтың көп жиналуы бизнеске қолдау көрсетуге және қала тұрғындарының әлеуметтік шығындарына жұмсалатын қаржыны арттырады», - деп атап өтті қала әкімі.

Айта кетерлігі, биылғы жылы «Нұрлы Жер» бағдарламасы бойынша 6 мың отбасы жаңа пәтер алады, бұл өткен жылмен салыстырғанда үш есе көп. «7-20-25» бағдарламасы белсенді жүзеге асуда. Ескі үйлерді модернизациялаудың инвестициялық әлеуеті 320 млрд. теңгені құрайды. Алдағы бес жылда жеке инвесторларды тарта отырып 23 мың жаңа пәтерді іске қосу жоспарланған.

ПИК-терді реформалау жүйесі қатар жүруде. Заңға өзгеріс енгізу үшін әкімдік тарапынан 30 ұсыныс берілді.Қаланың тұрғын үй қорын ұстау Ережесі қабылданды. 2019 жылы барлық ПИК-тер бірыңғай қолма-қол ақшасыз жүйеге көшетін болады. Тек 3 жыл ішінде ғана ПИК-тердің қаржысымен 4 мыңнан астам үйлер жөнделіп, лифтердің 20% -дан астамы ауыстырылды.

Елбасы бастамасының маңызды бөлігі ең аз жалақыны көтеру болып табылады. Тек Алматының өзінде ғана алдын- ала есептеу бойынша бұл мәселе 25 мыңнан астам адамды қамтиды екен. Бұлардан өзге, Мемлекет басшысының тапсырмасы бойынша елімізде мемлекеттік қызметкерлерге еңбекақы төлеудің жаңа моделі енгізілуде. Осы айдан бастап Алматы жалақы төлеудің жаңа моделіне көшеді. Тиімсіз шығындарды оңтайландыру арқасында мемлекеттік қызметкерлердің жалақысы орта есппен 2 есе өседі. Оның үстіне 49 мемлекеттік кәсіпорын қысқарды, олардың 32-і бәсекелес ортаға берілді.

ШОБ тұрақты қолдау шаралары барысында жыл басынан бері 24 мың жұмыс орны құрылды. Жыл аяғына дейін тағы 8 мың жұмыс орны ашылады. Меминвестицияның әр теңгесіне 4 жеке теңгеден келеді. Қазіргі, 8 ай ішінде қала бюджетіне өткен жылмен салыстырғанда 13,2%-ға көп салық жиналды, шағын және орта бизнестен салық 6% ға артық түсті.

Қала кеңістігін жақсарту аясында мегаполистің тархи орталығының үштен екісі жаңарды, 524 көше мен 1400 ескі аулалар қайта жасалды. 300 км арық, 800 км астам инженерлік жүйе реконструкцияланды. Қаланың барлық жер асты жолдары күрделі жөндеулерден өтті. Көшедегі барлық жарық көздерінің үштен бірі диодты және энергияны сақтайтын шамдарға ауыстырылды. Тротуарлар мен аулалардағы жарық бағаналары ауыстырылуда. Жыл аяғына дейін жаңа қоғамдық көліктің үлесі 80%-ға жетеді.

Орталықтандыру қағидасы бойынша қалаға қосылған Алатау және Наурызбай аудандарына 512 млрд. теңгеден астам мемлекет қаржысы инвестиция ретінде жұмсалды. 240 км жол, 1300 км инженерлік желі, 11 мектеп, 156 бала бақша және 10 медұйым іске қосылды. Жеке инвестиция көлемі 252 млрд. теңгені құрады, кәсіпорындар саны 4 есе, салық көлемі 10 есе өсті. Нәтижесінде қызмет көрсету сапасы және аудандардың 400 мыңдай тұрғындарының әлеуметтік сенімі артты.

  «« | »» «  | Барлық жаңалықтар


Алматы әкімі көпбалалы аналармен кездесті
19 ақпан 2019 - 18:11
Алматы әкімі Бауыржан Байбек көпбалалы аналармен кездесті, олардың барлық сұрақтары мен ұсыныстарын жеке тыңдады, сонымен қатар мегаполистің тұрмысы төмен көпбалалы отбасыларына қолдау көрсету үшін қалалық деңгейде атқарылатын әлеуметтік шараларды кеңінен түсіндірді. Бұрындары мұндай кездесулер барлық аудандық әкімдіктерде өтті, нәтижесінде айтылған барлық ұсыныстар жинақталды әрі сараланды. Жалпы, көпбалалы аналарды толғандыратын басты мәселелер – әлеуметтік жәрдемақы мөлшерін арттыру, тұрғын үй ме...
Алматыда тағы 120 көшеге энергия үнемдейтін жарықдиодты жарықтандыру орнатылады »»
18 ақпан 2019 - 15:06
Ыңғайлы әрі қауіпсіз қала ортасын құру мақсатында көшелерді жарықтандыру жүйесі жаңартылып және Алматы қаласының көрнекті объектілерінің архитектуралық жарықтандыруын орнату жалғасуда. Биылғы жылы қаланың тағы 120 көшесінде жаңа LED-шамдар пайда болады. Энерготиімділік және инфрақұрылымдық даму басқармасының мәліметтері бойынша, соңғы бірнеше айда Алматыда көшелерді жарықтандырудың 30%-ы бұрынғы газ шығаратын шамдардан жарықдиодты шамдар мен энергия үнемдейтін шамдарға ауыстырылды. Жалпы алғанда, қалада м...
Алматы әкімдігі көпбалалы отбасыларды қолдау бойынша 5 жүйелі шараларды ұсынды »»
13 ақпан 2019 - 17:28
Алматы әкімі Бауыржан Байбек «Нұр Отан» партиясы қалалық филиалының кезектен тыс конференциясында тұрмысы төмен көпбалалы отбасыларға мемлекеттік жәрдемақы, адрестік көмек, әлеуметтік төлем, демеушілік көмек, еңбекпен қамту сынды қолдау көрсету жүйесінің бірқатар қалалық шараларын атап өтті. Ол өзінің сөзінде қолдауға зәру тұрғындарға адрестік тікелей және жанама әлеуметтік көмек көрсету партияның басты міндеттерінің бірі екенін атап өтті. «Қысқа мерзім ішінде көмекті қажет ететін жанда...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13