^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 16 қаңтар 2019
 
     
 
Жаңалықтар
Алматы мектептерінің директорларына ақша жинауға тиым салынғаны ескертілді
02 қараша 2018

Алматы әкімдігінде мектеп директорларымен кеңес өтті, онда білім жүйесіндегі сыбайлас жемқорлыққа қарсы іс-қимыл мәселелері талқыланды.

Кездесуді ашқан Алматы қаласы әкімінің орынбасары Арман Қырықбаев Мемлекет басшысының білім жүйесіне айрықша назар аударатынын, бұл мәселенің халыққа Жолдауында айқын көрініс тапқанын атап өтті. Білім саласын қаржыландыру жыл өткен сайын арта түсуде. Алматыда тек соңғы 5 жыл ішінде ғана білім саласын қаржыландыру 27 млрд. теңгеге өскен.

Алматыда мектеп жасына дейінгі және жалпы орта білім берудің сапасын күшейту мақсатында жыл аяғына дейін білім жүйесі қызметкерлерінің біліктілігін арттыруға және PIZA, SAT, AST сынды халықаралық стандарттарға көшуде бірыңғай кәсіби талаптар енгізуге қатысты шаралар жоспары бекітіледі. Мемлекет басшысы тапсырмаларын орындау аясында елді мекендерді дамыту жоспарлары мектеп салу сызбаларымен үндеседі, соның арқасында жеке инвестициялар есебінен мектеп құрылыстарының қарқыны артатын болады.

Дегенмен, Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы қаласы бойынша Департаментінің директоры Данияр Таумұрат өзінің сөзінде білім саласында сыбайлас жемқорлыққа қарсы іс-қимылды белсенді түрде жүзеге асыру қажеттігін атап өтті.

«Қазірдің өзінде жұртшылық мектепті жөндеу, тазалау немесе басқа да шараларға ақша жинау фактілерінің орын алатыны туралы хабарлап жатады. Біз мұндай істерге ата-аналар шығынданбаулары тиіс деген сенімдеміз, өйткені барлық қажеттіліктер үшін бюджеттен жеткілікті қаржы бөлінеді. Сыбайластыққа қарсы күрестің ұтымды жолы – цифрландыру, мұнда мемлекеттік қызмет көрсету процессінде шешім қабылдау үшін адами фактор жойылады. Білім басқармасы мемлекеттік қызметтерді автоматтандыруда, өткен жылдан бастап «Алматы мектеп» бағдарламасы жұмыс істей бастады, биылғы жылы бала бақшаларға кезекке қою бағдарламасы қолға алынады», - деді Данияр Таумұрат.

Ол мектептерде ақша жинауға қатысты ақпараттардың барынша тексерілетінін, егер ондай келеңсіздіктер расталатын болса тиісті құқықтық баға берілетінін айтты. Ақша жинау фактілеріне кінәлі жандарға қатаң шаралар қолданылады, тіпті сыбайластыққа қарсы күрес заңнамасына сай қылмыстық іс қозғалуы мүмкін.

«Педагогтардың басты міндеті – балаларды оқыту мен тәрбиелеу. Қазіргі кезде ата-аналардан оқу орындарын жөндеуге, түрлі заттар алуға қатысты ақша жинауға еш негіз жоқ. Өкініштісі, кейбіреулер өздерінің мемлекеттік секторда қызмет ететінін ұмытып кететін сияқты. Мемлекеттік білім мекемелеріне тиесілінің барлығы – мемлекеттің меншігі, яғни салық төлеушілердікі», - деді қаланың Білім басқармасының басшысы Гүлнар Қожабергенова.

Ол өзінің сөзінде жыл сайын Білім басқармасы ақша жинауға жол бермеу мақсатында әр мектепке «Білім мекемелерінде ақша жинауға тиым салынғаны туралы» хат жіберілетінін, оны орындау қаладағы білім ұйымдарының бірінші басшыларына жүктелетінін айтты. Тек 2018 жылы 7 мектеп директорлары қызметтерінен босатылған.

  «« | »» «  | Барлық жаңалықтар


Алматыда төтенше жағдайдың алдын алу мақсатында Есентай өзенінің арналары бекітілуде »»
15 қаңтар 2019 - 15:54
Алматы әкімі Бауыржан Байбек жұмыс сапары кезінде Әл-Фараби даңғылының оңтүстігіне қарай орналасқан Есентай өзенінің арналарын бекіту жұмыстарының қарқынын тексерді. Өйткені, жазда өзен жағалауындағы тротуарларды, спорт алаңдарын абаттандыру және жарық желілерін жүргізу басталады. 4000 ағаш отырғызу жоспарланған. Қазіргі кезде ұзындығы 1,8 км болатын аумаққа тірек қабырғаларын орнату, өзен түбіне темірбетон төсеу және техникалық жолдарды абаттандыру жұмыстарының 65% орындалды. Атқарылған шаралар учаскеде ...
Алматыда полицияның алғашқы фронт-офистері ашылды »»
11 қаңтар 2019 - 14:43
Алматы әкімі Бауыржан Байбек жұмыс сапары кезінде қылмыстық-түзету мекемелері мен аудандық полиция басқармалары жанынан ашылған сервистік бағыттағы алғашқы фронт-офистерді аралап көрді. Сонымен, Красногорск көшесіндегі қылмыстық-түзету мекемесі жанында алғашқы фронт-офис пайда болды. Бұрындары жазаланушыға келген туыстары мен адвокаттар аталған мекеме алдында сағаттар бойы күтіп тұратын әрі дәретханаға бара алмайтын, күту залы мен жүк сақтау камералары болмайтын. Енді бірыңғай өткізу пункті болып табылаты...
Алматының бір бұрышында «Гагарин» пайда болды
27 желтоқсан 2018 - 20:14
Алматыда фирмалық орындықта отырған скафандрдағы космонавт Юрий Гагариннің бейнеленген инсталляция пайда болды. Әзілге құрылған композиция қоладан жасалған және Гагарин даңғылы мен Абай даңғылының оңтүстігіне орналасқан. Бұрындары жұмыс сапары кезінде қала әкімі Бауыржан Байбек тұрғын үй құрылысы қарқынын тексеріп жүріп, жаңадан салынып жатқан тұрғын кешендерінің ауласынан осыған ұқсас инсталляцияны көріп қалып, толыққанды бейнені жасап, оны Гагарин даңғылына орнатуды тапсырған еді. Бұл арт-объект селфи ...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13