^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жұма, 21 ақпан 2020
 
     
 
Жаңалықтар
«Нұр Отан» партиясының депутаттары Алматының 2019 жылғы бюджетіне ұсыныстар енгізді
12 желтоқсан 2018

Алматыда «Нұр Отан» партиясы фракциясының отырысында мемлекеттік бағдарламалардың орындалу барысы қаралды және 2019 жылғы қала бюджетіне бірқатар ұсыныстар енгізілді.

Депутаттармен кездесу кезінде Алматы әкімі Бауыржан Байбек мегаполис бюджетінің әлеуметтік сипатты сақтап қалатынын және Мемлекет басшысының Жолдауы мен «Нұр Отан» партиясының Доктринасына толық сай келетін әр адамға қамқорлық қағидасына негізделген «Алматы-2020» қалалық бағдарламасын жүзеге асыруға бағытталатынын атап өтті.

«Халыққа қолдау көрсетудің нақтылы міндеттері айқындалған Мемлекет басшысының Жолдауын жүзеге асыру үшін 106 шарадан тұратын жалпықалалық бағдарлама қабылданды және қажетті ресурстар бөлінді. Біздің басты міндетіміз - Алматыны жайлы, қауіпсіз және өркендеген қалаға айналдыру. Айта кетерлігі, қалада маңызды шешімдердің барлығы «Нұр Отан» партиясының және мәслихаттағы депуттар фракциясының қатысуымен ғана қабылданады. Мысалы, депутаттар бюджеттік қаржыландыру көлемін ұлғайтуды, жергілікті мәні бар жолдарды орташа жөндеуден өткізуге мониторинг жүргізуді, сонымен қатар сирек кездесетін әрі орфанды сырқаттарға ұшырағандарға дәрі бөлу үшін мониторинг пен аудит жүргізуге қатысты комиссия құруды ұсынды», - деді Бауыржан Байбек.

Жиын барысында жетекші партия фракциясының депутаттары қалаға қосылған аудандарды сумен қамтамасыз етуге, жол салу мен оларды жөндеу жұмыстарына айрықша назар аудару қажеттігін атап өтті.

«Қалаға қосылған аудандардан шағым көп түседі, өйткені, мұндағы инфрақұрылым қаланың орталығымен бірдей дамуды қажет етеді. Сумен қамтамасыз ету және кәрізді жөндеу жұмыстары аяқталған соң бұлардағы кейбір жолдар жарамсыз болып қалған. Мұндағы тұрғындардың көптеген өтініштерін ескере келіп, 1,8 миллиард көлемінде бюджеттік қаржы бөлуді сұраймыз», - деді мәслихат депутаты Рахман Алшанов.

Өз кезегінде фракция мүшесі Сергей Козлов елді мекендер тұрғындарынан көше жарығын жүргізді талап ететін шағымдар түсетінін де айтты.

«Экономика және бюджет жөніндегі комиссия төрағасы ретінде Экономика басқармасымен бірге алдын-ала есептеулер жүргіздім, нәтижесінде бірқатар аудандардың, соның ішінде Алатау және Наурызбай аудандарының көшелерін жарықтандыру үшін 808,3 млн. теңге қажет», - деді ол.

Бұлардан өзге, депутаттық фракция мүшелері қарт адамдарға қолдау көрсету, оларға дұрыс демалыс ұйымдастыру, «Дархан», «Заря Востока», «Рахат-Мадениет», «Трудовик» ықшам аудандарында мектептер салу сияқты маңызды мәселелерді көтерді. «Нұр Отан» партиясының мүшелері аутизм, балалардың церебралды сал ауруына, Даун синдормына шалдыққандарға, психикалық жағынан жетілуі және тілінің шығуы қиын балаларға ерекше қамқорлық көрсету үшін қаржы бөлуді сұрады.

  «« | »» «  | Барлық жаңалықтар


Алматыда демалыс күндерінің жаңа жәрмеңкелері ашылды »»
21 ақпан 2020 - 13:10
Алматыда демалыс күндері жаңа жәрмеңкелер ашылады. Олар қаланың 8 аудандарында сенбі және жексенбі күндері сағат 9.00-ден 18.00-ге дейін өтеді.   Алматыда әлеуметтік маңызы бар өнімдердің бағасын реттеу мақсатында қала әкімдігі және «Алматы» ӘКК бірқатар нақтылы шараларды жүзеге асыруда. Солардың бірі - «демалыс күнінің жәрмеңкесін» өткізу. 2019 жылы Алматыда «демалыс күнінің» 4 жәрмеңкесі жұмыс жасады. Енді 2020 жылдың басына бері тағы жаңа 6 сауда нүктесі ашылды...
Сағынтаев алматылықтар шағымданған әлеуметтік нысандарды аралады »»
20 ақпан 2020 - 17:08
Алматы әкімі Бақытжан Сағынтаев есептік кездесу кезінде жұмыстарына алматылықтар шағымданған әлеуметтік қызмет орталығы мен балалардың инфекциялық ауруханасында болды. Бұл туралы қала әкімі Instagram әлеуметтік желісіндегі өзінің жеке парақшасында жазды.   Арнайы әлеуметтік қызмет көрсететін №3 Орталықта 350 орын бар, мұнда қарт адамдар, оның ішінде қамқорлықты қажет ететін мүгедектер тұрады. Әкімнің есептік кездесуінде персоналдың жұмысы мен медициналық қызметтің сапасын тексеру бойынша шағым айтылғ...
Бақытжан Сағынтаев – Біз өзімізге жылдың соңына дейін Алматының барлық көшелерін жарықпен қамтамасыз етеміз деген биік мақсат қойдық »»
19 ақпан 2020 - 16:47
Бүгін мегаполис тұрғындарымен өткен есептік кездесуде Алматы қаласының әкімі Бақытжан Сағынтаев көшелерді жарықтандыру жұмыстары туралы мәлімдеді.   “Өткен жылы көшелерді жаңғыртуға бөлінген қаражат есебінен 300-ден астам магистральді көшелерді жарықтандырдық. Жарықтандыру мәселелері Алатау, Наурызбай, Жетісу аудандарында көтерілді. Біз жарық жүйесі жоқ барлық көшелердің тізімін қайта қарадық. Сондай мың көше анықталды. Жаңа жылдың басына қарай олардың саны екі мыңға жетті. Аудит және түгендеу...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56