^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 6 сәуір 2020
 
     
 
Жаңалықтар
Алматы әкімі «Нұр Отан» партиясында азаматтарды қабылдады
12 желтоқсан 2018

Алматы әкімі Бауыржан Байбек «Нұр Отан» партиясының жаңарған қоғамдық қабылдауында азаматтарды қабылдады. Мегаполис әкімінің тұрғындармен кездесуі кезінде қоғамдық көлікті модернизациялау, жаңа мектептер мен жолдар салу, қала базарларын реконструкциялау мәселелері қаралды.

Мысалы, үш баланың анасы Әлия Жалғасбаева қала басшысына «Дархан» ықшам ауданында мектеп салу қажеттігін айтты. Қазіргі кезде Алатау ауданында оқушы орнының жетіспеушілігі айқын байқалады. Өйткені, тек соңғы үш жыл ішінде ғана мұнда оқушы саны мыңнан асып кеткен. Бұл мәселені шешу үшін Бауыржан Байбек мың орынды мектеп салуға қатысты жер телімін іздестіруді және қажетті ЖСҚ жасауды тапсырды.

«Қазіргі кезде салынып жатқан тұрғын үйлердің 70%-ы жаңа қосылған аудандарға тиесілі. Қажетті инфрақұрылым жасалуда, Индустриалды аймақ дамып, жаңа жұмыс орындары ашылуда. Келер жылы жол жөндеуге қаржы бөлінеді, жарық көздері орнатылады. «Дархан» ықшам ауданы туралы айтар болсақ, мен бұл проблеманы білемін. Қалада бос жатқан жер телімдері жоқтың қасы, соның салдарынан жаңа әлеуметтік құрылыс салу қиындауда. Мен мектеп салатын жер учаскесін іздестіруді, соған қатысты ЖСҚ дайындауды тапсырдым. Жалпы, келер жылы біз 8 жаңа мектеп салатын боламыз», - деді қала басшысы.

Өз кезегінде зағиптардың «Көмектес» қоғамдық қорының басшысы Александр Сапелкин қала басшысына қоғамдық көліктерге бағыттың нөмірі туралы дауыстап хабарлайтын қондырғы орнату туралы ұсыныс айтты. Ол сонымен қатар Алматының Бостандық ауданының «Алатау» елді мекеніне жаңа автобус бағытын ашуды сұарды.

«Жыл бойына мынаны жасаймыз, автобустардың 100%-ына дауыстап хабарлау қондырғысы орнатылады, жақын арада «Алатау» ықшам ауданына қатынайтын жаңа бағыт ашылатын болады. Жалпы, қоғамдық көлік саласында проблемалар өте көп. Сондықтан біз үлкен көлік реформасын жүргізіп отырмыз. Мен өзім Гагарин-Өтепов көшелерінің бойында тұрдым. Күнде таңертеңгісін оқуға, одан соң жаттығуға баратынмын, үйге жиі кеш оралатынмын. Кейде жаяу жүретінмін, өйткені, кешке қарай автобустар жүрмейтін. Абылай ханның, одан соң Абайдың, Желтоқсан мен Тимирязевтың бойымен Өтепов көшесіне дейін жаяу жүретін едім. Мен ескі автобустарды жақсы білемін, іші лық толы болатын, бекеттерге тоқтамайтын, дауыстап хабарлау деген түске енетін. Екі жыл ішінде біз тасымалдаушылардың барлық көлеңкелі экономикасын сытрқа шығардық, тиісті инфрақұрылымды жасадық. 600-ден астам жаңа автобустар алдық. Мамырға дейін тағы 716 жаңа автобус сатып алу жоспарланған. Біз қазір адамдардың автобус бекеттерінде ұзақ тұрып қалмаулары, қоғамдық көліктің дер кезінде келуі әрі түнге дейін жүруі, жүргізушілердің байсалды болуы үшін нақтылы жұмыстарды атқарудамыз. Бүгінгі күні жаяу жүргіншілерге де жайлы жағдайлар жасалуда, бала арбасын жетектеген аналар, ата-аналар, мүгедектер мен велосипедшілер еш кедергісіз жүруде», - деді ол.

Қала тұрғындарымен кездесу кезінде Бауыржан Байбек «Арыстан» базарын модернизациялауға және «Көк қайнар» ықшам ауданында жаңа жол салуға уәде етті. Бұдан өзге, партияның қоғамдық қабылдауына «Skybar» түнгі клубының қоғамдық тәртіпті жиі бұзатындығы туралы көптеген шағым түсуі салдарынан аталған түнгі клубқа кешенді тексеру жүргізілетін болады.

  «« | »» «  | Барлық жаңалықтар


Қала әкімдігі жұмыссыз режимнің 13 сәуірге дейін ұзартылғанын еске салады »»
05 сәуір 2020 - 21:15
5 сәуірге дейін ұйымдардың жұмысын уақытша тоқтату туралы шешім кейінге шегерілді. Енді қаланың тыныс-тіршілігін қамтамасыз етпейтін барлық кәсіпорындар мен ұйымдар үшін жұмыссыз режим 13 сәуірге дейін ұзартылды.   Мұндай шешімді ҚР Президенті жанындағы төтенше жағдай режимін қамтамасыз ету жөніндегі Мемлекеттік комиссия қабылдады. Бұл режим адамдар мен жеке көліктің қала ішінде қажеттіліксіз жүріп-тұруына тыйым салуды көздейді. Азық-түлік пен дәрі-дәрмекті алуға тұрғылықты жерге жақын орналасқан дү...
Б. Сағынтаев жұқпалы аурулар госпиталінің құрылысын бастауға пәрмен берді »»
04 сәуір 2020 - 17:34
Бүгін Алматы қаласының әкімі Бақытжан Сағынтаев 280 орынға жоспарланған, провизорлық госпитальдың құрылысы басталған алаңға барып, ондағы жұмыстармен танысты.   Госпиталь салу туралы шешімді коронавирус инфекциясына қарсы күрес мақсатында құрылған ҚР Президенті жанындағы төтенше жағдай режимін қамтамасыз ету туралы Мемлекеттік комиссия қабылдаған болатын. Тез салынатын блокты құрылыс жабдықтарымен бой көтеретін нысан 280 орынға арналған, оның ішінде 28-і интенсивті терапия бөлімшесіне тиесілі. Құры...
Қазақстанда автокөліктерге арналған сұйытылған мұнай газының орташа бөлшек бағалары төмендейді »»
03 сәуір 2020 - 15:46
Елде мемлекеттік реттеуді енгізу арқылы төтенше жағдай кезінде автокөліктерге жанармай құю үшін сұйытылған газдың бағасы тұрақтандырылады, бұл өз кезегінде халықтың тұтыну қоржынының құнын төмендетеді, деп хабарлайды ҚР Энергетика министрлігінің баспасөз қызметі.   ҚР Президенті жанындағы төтенше жағдай режимін қамтамасыз ету жөніндегі мемлекеттік комиссия отырысының 2020 жылғы 30 наурыздағы № 8 хаттамасының 8.2-тармағына сәйкес Энергетика министрлігіне Ұлттық экономика министрлігі және Әділет минист...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56