^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сейсенбі, 21 қаңтар 2020
 
     
 
Жаңалықтар
«Алматы-1» теміржол вокзалы қалай өзгереді
12 ақпан 2019

Алматы әкімі Бауыржан Байбек жұмыс сапары кезінде «Алматы-1» теміржол вокзалын аралап көрді, қаланың коммуналды меншігіне берілген соң мұнда биылғы жылы реконструкциялау басталады.

Мегаполис басшысы вокзалды модернизациялау барысында арзан, бірақ сапалы материалдар пайдаланылуы және заманауи архитектуралық шешімдер қабылдануы тиіс екенін атап көрсетті.

Мысалы, қайта жоспарлау есебінен күн сайын 11-ден 16 мыңға дейін жолаушы өткізілетін болады. Ал күту орындарының саны төрт есе артады.

Бұлардан өзге, адамдардың қауіпсіздігі мен жайлылығы үшін келетін және кететіндердің легі екшеленеді. Заманауи конкорлы өткелдер салынып, бұрынғы жер асты жолы кеңейтіледі және эскалаторлар қойылады.

Бұрындары «ҚТЖ» АҚ «Алматы-1» және «Алматы-2» теміржол вокзалдарын қала балансына беуі туралы шешім қабылдаған еді. Нәтижесінде Алматы әкімідігі обьектілерге қажетті реконструкция жүргізіп, бұларды мегаполистің көлік инфрақұрылымының бір бөлігі ретінде одан әрі дамытатын болады.

Жергілікті бюджет есебінен 2018 жылы екі теміржол вокзалдарының айналасы жаңарды және вокзалдардың алды қоғамдық көлікке негізделіп қайта жасақталды, жаяу жүргіншілер жүретін жерлер абаттандырылды, қауіпсіздік күшейтіліп, видео камералар орнатылды.

Айта кетерлігі, биылғы жылы Алматыда жайлы қала кеңістігін дамыту жұмыстары жалғасады. Бүгінгі күнге дейін қаланың тарихи орталығының үштен екісі модернизацияланды, 524 көше,1400 ескі аула жөнделді. Көше жарығының үштен бірі диодты және энергия жинақтаушы шамдарға ауыстырылды, 300 км арық және 1000 км инженерлік желі қайта жасалды. Қаланың барлық жер асты өтпелі жолдары жаңғырды.

Көлік реформасын жүзеге асыру барысында өткен жылы қала бағыттарына 500 жаңа автобустар шықты. Биылғы жылы автобус парктерін жаңарту жалғасатын болады.



  «« | »» «  | Барлық жаңалықтар


Алматы әкімдігі – мониторинг жүргізетін топ 25 денсаулық сақтау нысандарындағы медициналық қызметтің сапасын тексерді »»
21 қаңтар 2020 - 19:42
Алматы қаласында 2020 жылдың 1 қаңтарынан бастап медицина ұйымдары міндетті әлеуметтік медициналық сақтандыру(МӘМС) жүйесі бойынша жұмыс жасауда.   Әлеуметтік медициналық сақтандыру қоры тегін медициналық көмектің кепілдік берліген көлемі шеңберінде (ТМКК) қызмет көрсету үшін 143 жеткізушімен, міндетті әлеуметтік медициналық сақтандыру (МӘМС) жүйесі бойынша 147 жеткізушімен келісім жасады. Олар пациенттердің барлық сұрақтары мен шағымдарына жауап беретін болады. Медицина ұйымдарында көрнекі материал...
Медициналық қызметтің сапасын арттыру: Алматыда МӘМС қалай енгізілуде »»
21 қаңтар 2020 - 19:10
Алматы қаласының Өңірлік коммуникациялар қызметі 21 қаңтарда №5 қалалық клиникалық аурухана алаңында азаматтарға міндетті әлеуметтік медициналық сақтандыру аясында (МӘМС) және тегін медициналық көмектің кепілдік берілген көлемі шеңберінде (ТМКК) қызмет көрсету процесстерін түсіндіру бойынша баспасөз-турын өткізді.   Баспасөз-турына қатысушылар №5 қалалық клиникалық аурухана жұмысының үлгісінде республика және Алматы қаласы бойынша МӘМС аясында көрсетілуі тиіс медициналық қызметтің барлық түрлерімен т...
Т. Әбілдаев МӘМС жайында: «Міндетті сақтандыру – барлық медициналық қызметтерге қол жеткізу» »»
21 қаңтар 2020 - 18:36
21 қаңтар күні №5 қалалық клиникалық емхана алаңында баспасөз-туры өтіп, брифинг барысында БАҚ өкілдеріне міндетті әлеуметтік медициналық сақтандыру және тегін медициналық көмектің кепілдік берілген көлемі шеңберінде азаматтардың қызмет алу барысы түсіндірілді.   Қазақстан Республикасы Президенті Қасым-Жомарт Тоқаевтың Халыққа Жолдауына сәйкес 2020 жылдың 1 қаңтарынан бастап міндетті әлеуметтік медициналық сақтандыру жүйесі іске қосылды. Жаңа жүйе медициналық қызмет көрсетудің сапасы мен қолжеті...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56