^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Бейсенбі, 21 наурыз 2019
 
     
 
Жаңалықтар
Алматы әкімі алдағы кезде қала көшелерін жөндеу мәселелері бойынша жұмыс кеңесін өткізді
06 наурыз 2019

Алматы әкімі алдағы кезде қала көшелері мен тротуарларды жөндеу мәселелері бойынша жұмыс кеңесін өткізді. Биылғы жылы ұзындығы 111 км болатын 120-дан астам көшеге орташа жөндеу жұмыстары жүргізіледі. Бұлардан өзге қаланың 10 ықшам аудандарында ұзындығы 100 шақырымнан асатын жаңа көшелер салынады.

Мегаполис басшысы көктем шығысымен орталық даңғылдар мен аудандық мәні бар көшелердегі люктар мен оларға қатысты шағымдардың көп түскенін атап өтті.

«Қалалықтар күзде емес, жаздың өзінде жаңа жолдармен жүрулері тиіс, сондықтан орташа жөндеуден өтетін әр учаскенің жөнделу мерзімі, оларда жұмыс жасайтын адамдар мен техника алдын ала белгіленуі тиіс. Ағымдағы жөндеу жұмыстарына қатысты ұзақ мерзімді келісімдер жасалды, яғни компаниялар заманауи техника алу мен сапаны қамтамасыз етуді инвестициялайды. Егер мердігер жұмысты белгіленген мерзімінде орындамаса айыппұл салынады. Аудандар әкімдері әр учаскені жеке өздері аралап, ғимараттардың сыртын ретке келтірулері, заңсыз салынған құрылыстарды сүрулері, түрлі қызметтердің жұмыстарын үйлестірулері тиіс», - деді Бауыржан Байбек.

Қалалық мобилділік басқармасының басшысы Сағындық Телібаев өзінің сөзінде ауа райы қолайлы болса магистральді көшелерде ағымдағы жөндеу жұмыстарының 10 күн ішінде атқарылатынын айтты.

Аударылған люктарды қалпына келтіру үшін мердігер ұйымдар арнайы арнайы техникалар алуда. Бұған елімізде алғаш рет МЖӘ жобасы бойынша төрт компаниямен 4,5 жылға орларды жөндеуге қатысты жасалған келісім бойынша қолжетті.

Аталаған шара ұзақ мерзімде жолдарды жедел жөндеуге және ретке келтіруге мүмкіндік береді. Сонымен, төрт жыл ішінде «Есік жолдары» ЖШС (Медеу және Түрксіб аудандары), «ДСУ-13» ЖШС (Бостандық және Алмалы аудандары), «Конфорс» ЖШС (Әуезов және Наурызбай аудандары), «РСУ» ЖШС (Алатау және Жетісу аудандары) жөндеу жұмыстарын жүргізеді.

Орташа жөндеу кезінде ескі бордюрлер, арық науалары, тіпті фрезерленген асфальт қалаға қосылған аудандардың көшелерінде пайдаланылады.

Алматыда басталған «Vision Zero» бағдарламасы бойынша орташа жөндеу жұмыстары барысында қауіпсіз инфрақұрылым жасалып, апаттың алды алынады, жаяу жүргінші жолдары абаттандырылады. Бұлардан өзге, адамдардың өту қауіпсіздігін қамтамасыз ету үшін бұрылыстардағы айналым радиустары қысқарады.

Бауыржан Байбек жұмыс кеңесі барысында жолдарды жөндеуге жауапты мемлекеттік органдардың және мердігерлік ұйымдар басшыларының байланыс нөмірлері жазылған арнайы стендтер орнатуды, аумақты когалдандыруды, бұрын жөнделіп, кепілді мерзімге қойылған жолдарды тексеруден өткізуді атап өтті.

Айта кетерлігі, Алматыда соңғы жылдары 600 көше мен 1400-ден астам ескі аулалар жаңарды. 300 км арық, 1000 км инженерлік желілер жөнделді. Қаланың барлық өтпелі жолдары қайта жасалды. Бұлардан өзге, Назарбаев даңғылы теміржол эстакадасы арқылы Жансүгіров көшесіне дейін және Хмельницкий көшесі Сүйінбай даңғылынан Жас Қанат ықшам ауданына дейін үңгіленді.

  «« | »» «  | Барлық жаңалықтар


Алматының Орталық саябағына Батырхан Шүкеновтың мүсіні қойылады »»
21 наурыз 2019 - 19:48
Алматы әкімі Бауыржан Байбек жұмыс сапары кезінде жаңарған Орталық мәдениет және демалыс саябағын аралап көрді. Бұрындары жаңа фонтандар, балалар мен спорт алаңдарын салуға басқарушы компания «Рухани жаңғыру» бағдарламасы аясында 1,6 млрд. теңге жеке қаржыны инвестициялаған еді. Орталық саябақ директоры Владимир Калинин өзінің сөзінде жарық діңгектерінің, асфальтты төсеніштердің, тротуарлар плиткалаларының жаңарғанын, заманауи навигацияның орнатылғанын айтты. Бұрын көлік тұрағы болған саябақты...
«Nur Otan» партиясының «Бақытты отбасы» қоғамдық қорынан кімдерге көмек көрсетіледі? »»
15 наурыз 2019 - 14:37
Алматы да «Nur Otan» партиясы қалалық филиалының бастамасымен «Бақытты отбасы – Алматы» қоғамдық қоры құрылды. Қордың жұмысы және аз қамтылған көпбалалы отбасыларға көрсетілетін көмек түрлері жөнінде партияның қалалық филиалы төрағасының бірінші орынбасары Станислав Канкуров айтып берді. Қор кімдерге көмек көрсетеді? Алматыда тұрақты тіркеуі және атаулы әлеуметтік көмек алуға құқығы бар (тұрмысы төмен) көпбалалы аз қамтылған отбасыларға. Қандай көмек түрлері көрсетіледі? ...
Алматының Кәсіпкерлік және инвестициялар басқармасының басшысы тағайындалды »»
15 наурыз 2019 - 14:44
Алматының Кәсіпкерлік және инвестициялар басқармасының басшысы болып Мұхит Әзірбаев тағайындалды. Мұхит Әзірбаев Алматы қаласында туылған. Т. Рысқұлов атындағы Қазақ экономикалық университетінің түлегі. Жеке сектордағы жұмыста мол тәжірибе жинақтаған. Түрлі жылдары «Қуат-Агро» агрохолдингтік компанияның бас директоры, «Global Building Contract» ЖШС Қадағалау кеңесінің төрағасы болған, «АБН АМРО Банк» және «Казкоммерцбанк» АҚ лауазымды қызметтер атқарған. 2017...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2018 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13