^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 3 маусым 2020
 
     
 
Жаңалықтар
Алматыда Даңқ мемориалына гүл шоқтарын қою рәсімі өтті
09 мамыр 2019

Алматыда Жеңіс күні қала тұрғындары мен қонақтары 28-ші гвардияшыл-панфиловшылар атындағы саябақта орналасқан Даңқ мемориалына гүл шоқтарын қойып, Ұлы Отан соғысы кезінде қайтыс болғандарға тағзым етті.

Қала тұрғындары алдында сөйлеген сөзінде Алматы әкімі Бауыржан Байбек 9 мамыр мәңгілікке Ұлы Жеңіс күні ретінде қалатынын және майдангерлер мен тыл еңбеккерлерінің тарихи ерлігі мен батылдығы құрметке лайық екенін атап өтті. Осынау қасиетті күні әркімнің қан кешіп опат болған, жасанған жауға тайсалмай шауып, батырлық танытқан азат етуші жауынгерлердің мұқалмас жігерінің алдында бас иетіні ақиқат.

«Әрбір бесінші қазақстандық майданға аттанды, олардың тең жартысы майдан даласында опат болды. Зұлмат соғыс барлық отбасыларға қасірет әкелді. Қазақстан соғыстың алғашқы күнінен-ақ майданның негізгі қорғаны мен арсеналы болды. Біздің республика аумағында 12 атқыштар, 7 кавалерия дивизиясы, 7 бригада, 50 полк жасақталды. 528 қазақстандық Кеңес Одағының батыры, ал ерлігі ерекше мойындалған 4 отандасымыз екі мәрте Кеңес Одағының батыры атанды, 110 мың адам «Даңқ» орденімен марапатталды. Біз аттары аңызға айналған батырларымыз Бауыржан Момышұлының, Талғат Бигелдиновтың, Әлия Молдағұлова мен Мәншүк Маметованың, Сергей Луганскийдің, Леонид Беданың есімдерін үнемі жадымызда ұстап, олардың өшпес ерліктерін мақтан етеміз, сонымен қатар Ұлы Отан соғысында жеңіске жеткен барлық ардагерлер бізге мәңгілік мұра. Олардың есімдері шексіз», - деді Бауыржан Байбек.

Мегаполис әкімі Жеңіс күнін жақындатуда әрбір қазақстандықтың баға жетпес күш-жігер танытқанын айтты. Тыл еңбеккерлері – әйелдер мен қарттар, балалар күн-түн демей еңбек етіп, майданды қарумен, азық-түлікпен, амунициямен қамтамасыз етті. Елімізде мыстың 35 пайызы, қорғасынның 83 пайызы, молибденнің 60 пайызы, металл висмутының 65 пайызы балқытылды, жауға атылған он оқтың тоғызы Қазақстанда құйылды. Қазақстандықтар майданға 1,5 мың вагон жөнелтіп, майданды оқ-дәрімен, азық-түлік, киім-кешекпен қамтамасыз етті, 6 млн. тонна астық, 700 мың тонна ет жіберілді.

«Жанкешті ерліктің арқасында соғыс ардагерлері мен тыл еңбеккерлері ұрпақтарына ашық аспан мен бейбіт өмір сыйлады. Тарихта шынайы патриотизмнің, қаһармандық пен өшпес батылдықтың үлгісін қалдырды, жер бетіндегі бейбіт өмір үшін жандарын пида етті. Елбасы айтқандай, біздің оларға деген құрметіміз жасаған ерліктері сияқты ұлы болуы тиіс. Біздің басты борышымыз ардагерлер мен тыл еңбеккерлеріне тұрақты қамқорлық жасау. Шынайы тарих ешқашан уақытқа жүгінбейді, өйткені батырлар ерлігі ешқашан өшпейді. Дәл осы жерде, Даңқ мемориалының алдында мен барлық алматылықтарды бабаларымыз бен әкелеріміздің рухы, Ұлы Отан соғысы ардагерлерінің ерлігі алдында тағзым етуге шақырамын. Біз олардың алдында мәңгілікке борыштармыз», - деп атап өтті Бауыржан Байбек.

Айта кетерлігі, Ұлы Отан соғысының 4324 ардагері мен мүгедектеріне және оларға теңелгендерге берілетін бірреттік төлемнің жалпы көлемі Алматы бойынша 540 млн. теңгені құрады. Ардагерлер тұрғын үймен қамтамасыз етілген, санаторий-курорттарда емделіп, түрлі әлеуметтік көмекке ие болуда. Қала демеушілермен бірге ардагерлердің пәтерлерін жөндеп, коммуналдық қызметтерін төлеуде, ардаргерлер қоғамдық көлікте тегін жүруде. Еліміздегі алғашқы «Белсенді ұзақ өмір» орталығы ардагерлерге есіктерін айқара ашуда.

Құрметті қарауыл шеруінен және Даңқ мемориалына гүл шоқтарын қою рәсімінен соң ҚР Мемлекеттік үрлемелі оркестрі өз бағдарламасын ұсынды, дала кухнясы дастарханын жайды. Саябақ аумағына ретро-автомобильдер мен тақырыптық архитектуралық кіші пішіндер қойылды.

Қазіргі кезде қала көшелерінде «Мәңгілік даңқ» шеруі жүруде. «Астана» алаңында кешкі сағат 20.00-де Алматы қаласы әкімінің эстрадалық-симфониялық оркестрі мен қазақ эстрада жұлдыздарының қатысуымен «Тағзым!» атты концерт өтеді. Мерекелік шараның соңы сағат 22.00-де болатын салютке ұласады.













  «« | »» «  | Барлық жаңалықтар


Алматыда 2 мыңға жуық кәсіпкерлік субъектілердің карантин шараларын сақтау талаптары тексерілді »»
02 маусым 2020 - 15:41
Бұл туралы Алматы қаласының Өңірлік коммуникациялар қызметінің алаңында өткен брифинг барысында қаланың мемлекеттік бас санитар дәрігері Ж. Бекшин айтты. Еске салсақ, бірқатар кәсіпорындар өз жұмыстарын қайтадан бастады. Алматы қаласының әкімі Бақытжан Сағынтаевтың бастамасымен әрбір аудандық әкімдіктерде кәсіпкерлік субъектілердің санитарлық-эпидемиологиялық талаптарды сақтауын қадағалау бойынша мониторингтік топтар құрылған. Бекітілген мониторингтік топтардың құрамына Алматы қаласының Тауарлар мен көрсе...
Бекшин: Блокбекеттер алынғанмен, карантин режимі сақталады »»
02 маусым 2020 - 15:33
Алматы қаласының Өңірлік коммуникациялар қызметінің алаңында өткен онлайн брифинг барысында қаланың мемлекеттік бас санитар дәрігері Жандарбек Бекшин қала тұрғындарын блокбекеттердің алынғанына қарамастан, санитарлық-эпидемиологиялық шараларды ұстануға шақырды.   Қала тұрғындары санитарлық-эпидемиологиялық талаптарды, маска тағу режимін және әлеуметтік қашықтықты қатаң сақтаулары тиіс. Көпшілік орындарға барудан сақ болу қажет. Бүгінгі таңда Алматыда коронавирус инфекциясын жұқтырудың 2 647 жағдайы ...
2020 жылдың 2 маусым күнгі жағдай бойынша жалпыға ортақ қоғамдық орындардың дезинфекциясы туралы  »»
02 маусым 2020 - 12:43
Кіреберістер мен аулалар бойынша 1 маусымға жоспарланған 7877 кіреберіс (2860 үйде) және 1318 аула аумағы 100% залалсыздандырылды. Дезинфекция жұмыстарына 443 адам, яғни 64 бригада жұмылдырылды. Жұмысқа 76,0 мың литр дайын ерітінді қолданылды. 2 маусымдағы жоспар бойынша 3038 үйдің 8363 кіреберісі мен 1440 аула залалсыздандырылды. Жұмысқа 444 адамы бар 64 бригада тартылды.   Көшелер мен тротуарларды жуу және дезинфекциялау бойынша 1 маусым күні 5 123 мың шаршы метр көше, оның ішінде 658 сауда ны...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2020 Осы сайта жарияланған барлық материалдардың құқығы Алматы қаласының Әкімідігіне тиесілі.
Email: akimat@almaty.kz, kancelaria@a-a.kz