^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 17 шілде 2019
 
     
 
Жаңалықтар
Алматыда «Бақытты отбасы» бағдарламасы бойынша көпбалалы отбасылар пәтер кілттерін алды
17 мамыр 2019

Алматы әкімі Бауыржан Байбек және «Тұрғынүйқұрылысжинақ» банкі басқарма төрағасының орынбасары Жанар Жұбаниязова Елбасының тапсырмасы бойынша қолға алынған «Бақытты отбасы» қалалық бағдарламасы аясында аз қамтылған көпбалалы отбасыларға пәтер кілттерін тапсырды.

Салтанатты рәсім барысында Бауыржан Байбек соңғы 3 жыл ішінде тұрғын үйге зәру 9 мыңнан астам отбасылардың пәтерлі болғанын, оның ішіне «Нұрлы Жер» бағдарламасының енетінін атап өтті. Олардың тең жартысы – көпбалалы және толық емес отбасылар, жетім балалар, ардагерлер, ерекше күтімді қажет ететін жандар және басқалары. Жақын арада тағы 2 мыңға жуық алматылық отбасы көптен күткен пәтерлерін алатын болады.

«Елбасы тапсырмасымен біз көпбалалы отбасыларға кешенді қолдау көрсетіп келеміз. 2 апта бұрын ғана Мемлекет басшысы Қ.К. Тоқаевтың қатысуымен алғашқы Аналарды қолдау орталығы ашылып, 1000-ға жуық отбасы кеңес алды. 400-ден астам бүлдіршін балабақшаға тегін баруда. Үздік оқулары үшін 3 мыңнан астам оқушылар мен студенттер жергілікті бюджет есебінен наурыз айынан бастап стипендия алуда. Жұмыспен қамту және жаңа мамандықтарға оқыту жүргізілуде», - деді Бауыржан Байбек.

«Бақытты отбасы» бағдарламасына қатысу үшін берілген өтініш бір ай ішінде онлайн-режимде http://www.baqytty-otbasy.kz порталында қабылданды. Бұдан соң қала әкімдігі құжаттарды тексеріп, жеңілдетілген несиеге үміткерлердің тізімін бекітіп, ТҮЖҚБ жіберді.

Өтініштер сараптамасы «Бақытты отбасы» бағдарламасына қатысушылардың басым бөлігінің 2016-2018 жылдары пәтер кезегіне тұрғандығын және кезекте 6-10 мыңыншы екенін, олардың пәтерді кем дегенде 5-6 жылдан соң ғана алатынын көрсетті. Ал қалалық бағдарлама оларға жаңа пәтерді бүгін алуға мүмкіндік берді.

Алматыда үй кезегіндегі 1276 көпбалалы отбасылардың тең жартысынан көбі жеңілдетілген тұрғын үй бағдарламасын өтініш берді. Қазіргі кезде 195 көпбалалы отбасы банкте пәтер құжаттарын рәсімдеуде, 44 отбасы сатып алу келісімін жасап, тұрғын үй сертификаттарын алды.

«Қазіргі кезде «Тұрғынүйқұрылысжинақ» банкі 345 отбасыдан несие өтінішін қабылдады, олардың ішінде 195 отбасы пәтерлерді тапты, енді заем рәсімдеуге дайындалуда. Бүгінгі күні 12 көпбалалы отбасыға жалпы сомасы 163 млн теңге болатын несие берілді, біз оларды құттықтаймыз. Заемды олар еліміздегі ең төменгі 2% мөлшерлемемен алды, алғашқы жарна көлемі 10%. Алғашқы жарнаны төлей алмағандарға Алматы әкімдігі көмектесті, бір миллион теңге көлемінде тұрғын үй сертификаттарын берді», - деп түсіндірді Жанар Жұбаниязова.

«Бақытты отбасы» бағдарламасы бойынша жеңілдетілген несие жаңа үйді сатып алуға беріледі. Заемның жалпы сомасы 15 млн. теңге. Алматы түрғыны Анар Асанбекова екі бөлмелі пәтерді 13,5 млн. теңгеге сатып алды. Өзінің жеке пәтеріне ол күйеуімен және 5 баласымен жақын күндері көшетін болады.

«Бұған дейін біз қала маңында жалдамалы пәтерде тұрдық. «Бақытты отбасы» бағдарламасын білген соң құжаттарды жинап, өтініш бердік, пәтерді таңдадық, енді көшуге дайындалудамыз. Қуанышымызда шек жоқ, Алматыда үй сатып аламыз деген ойымызда болған жоқ, өйткені қалтамыз көтермейтін еді», - деп қуанышымен бөлісті Анар Асанбекова.

Елбасы «Нұр Отан» партиясының XVIII съезінде көпбалалы отбасыларға қолдау көрсетіп, пәтер алу жолын жеңілдету бойынша тапсырма берген еді. Алматы жергілікті бюджеттен қаржы бөліп, көпбалалы отбасылар үшін «Бақытты отбасы» тұрғын үй бағдарламасын қолға алған алғашқы қала. Осынау өміршең бағдарлама арқасында жүздеген алматылық отбасылар өзгенің жалдамалы пәтерінен өзінің жеке үйлеріне көше алады.

  «« | »» «  | Барлық жаңалықтар


Алматы қаласы әкімдігінің қоғаммен байланыс қызметінің мәлімдемесі »»
13 шілде 2019 - 15:41
Әлеуметтік желілерде Алматы әкімі Бақытжан Сағынтаев туралы фейк аккаунттар әлі де шығып жатыр. Оларда жарияланған кез-келген ақпарат Алматы қаласы әкімінің ресми ұстанымын білдірмей тінін хабарлаймыз. Сондықтан БАҚ-ын, әлеуметтік желілерді қолданушыларды Алматы қаласы әкімінің Twitter, Facebook және Instagram. әлеуметтік желілеріндегі Алматы қаласы әкімінің тек ресми аккаунтындағы ақпаратты пайдалануды сұраймыз. Қазіргі кезде қала әкімдігінің қоғаммен байланыс қызметі Twitter, Facebook және Instagram сер...
Бақытжан Сағынтаев «Қазақстанның үздік тауары» өңірлік конкурсының жеңімпаздарын құттықтады »»
12 шілде 2019 - 17:55
Алматы әкімі Б.Сағынтаев Қазақстанның тауар өндірушілерінің көрмесінде болды, «Қазақстанның үздік тауары» XIII өңірлік конкурсының қорытындысы бойынша үздік атанған кәсіпкерлерді марапаттауға қатысты. Биылғы жылы байқауға 72 компания қатысты. 9 кәсіпорын үздік атанды, енді олар республикалық деңгейде үздік атану үшін күресті жалғастыратын болады. Конкурсқа тұтынушыға бұрыннан таныс брендтермен қатар стартаперлер де қатысып, көрмеге өнімнің үлкен ассортиментін ұсынды. Көрмені ұйымда...
Сапарбек Тұяқбаев Алматы қаласы әкімінің орынбасары болып тағайындалды »»
11 шілде 2019 - 11:06
ҚР Президенті Әкімшілігінің келісімі бойынша Алматы қаласы әкімінің өкімімен С.Тұяқбаев Алматы қаласы әкімінің орынбасары болып тағайындалды. С.Тұяқбаев 1979 жылы туылған. 2001 жылы Таяушығыс техникалық университетін (Түркия), 2004 жылы Торонто университетін (Канада) бітірген. Еңбек жолын 2005 жылы бастаған. 2005-2009 жылдар аралығында мемлекеттік қызмет істері Агенттігінде, Ресейдегі ҚР Елшілігінде, Индустрия және сауда министрлігінде, Президент Әкімшілігінде түрлі қызметтерді атқарған. 2012-2017 жылда...
 
     
   
 
   
Қазпошта сервиздері
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-13