^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 6 сәуір 2020
 
     
 
Жаңалықтар
Бауыржан Байбек Алматы көшелерін реконструкциялау барысын тексерді
14 маусым 2019

Жұмыс сапары кезінде Бауыржан Байбек «Қала адамдар үшін» концепциясы аясында Алматының тағы бірқатар көшелерін модернизациялау жөніндегі құрылыс жұмыстарының және инженерлік коммуникацияларды реконструкциялаудың барысын тексерді.

Жайлы қала кеңістігін қалыптастыру мақсатында биылғы жылы Достық даңғылы, Жібек жолы мен Байсейітова көшелерінің бойында энергия жинақтаушы тротуар шамдары, көше жиһаздары, спорт және балалар алаңдары, фонтан кешендері пайда болады. Жасылдандыру қолға алынады, ескі ағаштарды сақтай отырып, жаңа ағаштар отырғызу, суарудың автоматты жүйесін тарту жоспарланған.

Қоғамдық кеңістікті модернизациялау аясында нысандардың сыртқы келбетін жаңарту жоспарланған, керексіз конструкциялар, діңгектер, қоршаулар мен тротуарларды қосып алып, заңсыз салынған объектілер сүрілетін болады.

«Жұмыстардың барынша сапалы әрі белгіленген мерзімде аяқталуына айрықша назар аудару керек. Құрылыс жұмыстарының мәдениетін тұрақты арттырған жөн. Қалалықтарға ыңғайлы болу үшін барлық жерге басшылардың нөмірлері жазылған нысан паспорты орнатылуы, арнайы қоршаулар және жаяу жүргінші траптары, аулаға еш кедергісіз кіру мен шығудың белгілері қойылуы тиіс. Қажет болса жауапсыз мердігерлерді қатаң жазалау керек. Түскен шағымдардың сараптамасы атқарылған жұмыстар туралы ақпараттың қалалықтарға кейде дер кезінде жетпейтінін көрсетті. Сондықтан қала тұрғындары мен бизнес алдын-ала құлағдар болып, кері байланыс реттелуі тиіс. Тек бірге, алматылықтардың қолдауы арқасында ғана біз қаламызды көркейте аламыз», - деп атап өтті Бауыржан Байбек.

Дәл осы күні мегаполис басшысы Төле би көшесі бойындағы жарты миллионға жуық қалалықтарды ыстық сумен және жылумен қамтамасыз ететін сонау 1985 жылы іске қосылған жылу магистралін модернизациялау барысын тексерді. Биылғы жылы мұнда жөндеу жұмыстары құбыр жарылуы мүмкін Розыбакиевтен Мұкановқа дейінгі және Фуркаттан Отарға дейінгі бөліктерде жүреді. Қала басшысы барлық құрылыс жұмыстарын 1 қыркүйекке дейін аяқтауды тапсырды.

Айта кетерлігі, соңғы 3 жылда 737 км сумен қамту және 603 км су тарту желілері жөнделді. Биылғы жылы 6 аудандағы тағы 130 км су құбырының, 111 км кәріздің құрылысын аяқтау жоспарланған. Жүргізілген оң шаралардың нәтижесінде тозу деңгейі 5%, апат 8%, шығын 5,3% азайды.

Жалпы, 2015 жылы қалалықтардың талқылауынан соң қабылданған «Алматы-2020» Бағдарламасы аясында мегаполисте тарихи орталықтың 60%, 600 көше мен 1400 ескі аулалар жөнделді. Көше жарығының үштен бірі диодты және энергия жинақтаушы шамдарға ауыстырылды, 300 км арық және 2000 км инженерлік желілер ауыстырылды. Қаланың барлық өтпелі жолдары жаңарды.

Биылғы жылы қаланың барлық көпқабатты үйлерінің 50 пайызын қамтитын тағы 600 ауланы жөндеу басталды.140-дан астам көшеде орташа жөндеу жүруде, қаланың 14 ықшам аудандарында 456 көше салынуда. Қаланың шет аймақтарындағы бірқатар парктер, скверлер мен жүргінші аймақтары абаттандырылады. Қала кеңістігінің қауіпсіздігі үшін 120-дан астам көшеге жаңа LED шамдары орнатылады.



  «« | »» «  | Барлық жаңалықтар


Қала әкімдігі жұмыссыз режимнің 13 сәуірге дейін ұзартылғанын еске салады »»
05 сәуір 2020 - 21:15
5 сәуірге дейін ұйымдардың жұмысын уақытша тоқтату туралы шешім кейінге шегерілді. Енді қаланың тыныс-тіршілігін қамтамасыз етпейтін барлық кәсіпорындар мен ұйымдар үшін жұмыссыз режим 13 сәуірге дейін ұзартылды.   Мұндай шешімді ҚР Президенті жанындағы төтенше жағдай режимін қамтамасыз ету жөніндегі Мемлекеттік комиссия қабылдады. Бұл режим адамдар мен жеке көліктің қала ішінде қажеттіліксіз жүріп-тұруына тыйым салуды көздейді. Азық-түлік пен дәрі-дәрмекті алуға тұрғылықты жерге жақын орналасқан дү...
Б. Сағынтаев жұқпалы аурулар госпиталінің құрылысын бастауға пәрмен берді »»
04 сәуір 2020 - 17:34
Бүгін Алматы қаласының әкімі Бақытжан Сағынтаев 280 орынға жоспарланған, провизорлық госпитальдың құрылысы басталған алаңға барып, ондағы жұмыстармен танысты.   Госпиталь салу туралы шешімді коронавирус инфекциясына қарсы күрес мақсатында құрылған ҚР Президенті жанындағы төтенше жағдай режимін қамтамасыз ету туралы Мемлекеттік комиссия қабылдаған болатын. Тез салынатын блокты құрылыс жабдықтарымен бой көтеретін нысан 280 орынға арналған, оның ішінде 28-і интенсивті терапия бөлімшесіне тиесілі. Құры...
Қазақстанда автокөліктерге арналған сұйытылған мұнай газының орташа бөлшек бағалары төмендейді »»
03 сәуір 2020 - 15:46
Елде мемлекеттік реттеуді енгізу арқылы төтенше жағдай кезінде автокөліктерге жанармай құю үшін сұйытылған газдың бағасы тұрақтандырылады, бұл өз кезегінде халықтың тұтыну қоржынының құнын төмендетеді, деп хабарлайды ҚР Энергетика министрлігінің баспасөз қызметі.   ҚР Президенті жанындағы төтенше жағдай режимін қамтамасыз ету жөніндегі мемлекеттік комиссия отырысының 2020 жылғы 30 наурыздағы № 8 хаттамасының 8.2-тармағына сәйкес Энергетика министрлігіне Ұлттық экономика министрлігі және Әділет минист...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56