^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жексенбі, 23 ақпан 2020
 
     
 
Жаңалықтар
Бақытжан Сағынтаевтың Алматы әкімі ретіндегі алғашқы жұмыс аптасы
07 шілде 2019

Фоторепортаж. 2019 ж. 1-5 шілде

Бақытжан Сағынтаевтың Алматы әкімі ретіндегі алғашқы жұмыс аптасы

Бақытжан Сағынтаев Алматы әкімі ретіндегі алғашқы жұмыс күнінде әлеуметтік желілерде өзінің ресми аккаунттарын ашты. «Алматы әрқайсымыздың жүрегімізден ерекше орын алған қала, Алматыға деген әр қазақстандықтың ықыласы ерекше. Менің басты мақсатым – Алматының әр тұрғыны берекелі өмір сүретін, қауіпсіз де қолайлы, заманға сай мегаполиске айналдыру», - деп мәлімдеген қала басшысы тұрғындарды шаһарды дамыту мен оның проблемаларын шешу бойынша ашық диалогқа шақырды.

 

 

2019 ж. 1 шілде

Қала әкімі Алматының қоғамдық кеңесімен, ҮЕҰ және жастар ұйымдарымен кездесулер өткізді. Бақытжан Сағынтаев олардың барлығын қаланы дамытуға белсенді атсалысуға шақырды. Әсіресе, экология, қауіпсіздік, өмір сүру деңгейін арттыру бойынша.

Дәл осы күні әкім Түрксіб ауданының тұрғын үй-коммуналдық қызмет саласының жағдайымен танысты, тұрғындармен жүздесті және оларды толғандырған мәселелерді талқылады.

 

2019 ж.2 шілде

Қаланың ҮЕҰ кездесу кезінде экология, денсаулық сақтау, қауіпсіздік, жастар саясаты бойынша ортақ жобаларды жүзеге асыруда үкіметтік емес ұйымдардың әлеуетін арттыру жөнінде ашық диалог өрбіді.

Алатау ауданын аралаған кезде Б.Сағынтаев жол-көлік инфрақұрылымымен, ТҮКШ танысты. Қала әкімі энергетикалық кешендерді модернизациялау жобаларын көрді.

 

2019 ж.3 шілде

Медицина қауымдастығымен кездескен Бақытжан Сағынтаев Алматының медициналық қызметке бір қадам жақын, цифрландыру, медқызметтің сапасын арттыру, дәрілердің жетімділігі, сыбайластықпен күрес бағытын ұстанатынын атап көрсетті.

Сапалы медициналық қызмет - Алматының жаңа әкімінің басты міндеттерінің бірі.

Наурызбай ауданын аралаған кезде қала әкімі ауыз су, абаттандыру, коммуналды шаруашылық мәселелерін көтерген тұрғындармен кездесті. Қала басшысы айтылған мәселелерді, оның ішінде жаңа тұрғын кешеніне газ тартуды өзінің жеке бақылауына алды.

 

2019 ж. 4 шілде

Қауіпсіздік – Алматының басты бағыттарының бірі. Қала әкімі Алматы прокуратурасының құқық қорғау қызметі Орталығының жұмысымен, «ЕРАП» функционалды желісімен және «Е-қылмысты іс» жүйесімен, «Қауіпсіз қалаға 21 қадам» жобасымен танысты.

Құқыққорғау органдарымен және қоғамдық кеңеспен өткен жиында қала басшысы патрульдік қызмет жұмысын күшейтуді, қоғамдық қауіпсіздікті жақсарту үшін видеобақылау желісін кеңейтуді тапсырды.

Жетісу ауданын аралған қала әкімі жол-көлік инфрақұрылымы объектілерімен танысты.

Ауданды абаттандыруға айрықша назар аударылды. Б.Сағынтаев ТК аулаларында балалар алаңдарын салуды және скверлерді бөлуді тапсырды.

 

2019 ж.5 шілде

Nur Otan партиясы Төрағасының бірінші орынбасары Бауыржан Байбек қатысқан кезектен тыс өткен XXV конференцияда делегаттардың бірауыздан қабылдаған шешімімен Бақытжан Сағынтаев партияның Алматы қалалық филиалының төрағасы болып сайланды.


Алматы әкімі Б.Сағынтаев пен Nur Otan партиясы Төрағасының бірінші орынбасары Б.Байбек Индустриалды аймақта болды.

Бұдан соң Алматыда шығарылған жаңа электробустарды көрді. Олар электробуспен Төле би көшесінің бойымен (Яссауи көшесінен) ШАКЖ дейін барды. Жақын арада осы №206 бағыт бойынша алғашқы made in Almaty электробустары жүре бастайды.

Дәл осы күні Рысқұлов даңғылы – Құлжа тракті жолайрығындағы эстакада бойымен солтүстік бағыт бойынша көлік қозғалысы ашылды.


Алматы әкімі дәл осы күні жұмыс сапарымен Әуезов ауданында болып, «Алматы қаласының көлік холдингінің» жұмысымен танысты. Метроның «Достық» бекетінің құрылыс барысын тексерді.

Б.Сағынтаев «Мамыр-4» ықшам ауданының тұрғындарымен кездесіп, жөнделген аулаларды көрді. Аудан әкіміне жарықтандыру мен жасылдандыру жұмыстарын жүргізгенде қалалықтардың талабы ескерілуі тиіс екені тапсырылды.


Б.Сағынтаев ҚБТУ жастармен - K-PRO жобасының интерактивті білім алаңына қатысушылармен кездесті.

Б. Сағынтаев мегаполисті дамыту және жастардың рөлі туралы өз ойымен бөлісті.

Жастар өкілдері өздерін толғандырған сауалдарды қойды. Өмір сүру деңгейі бойынша әлемнің топ-200 қалаларының қатарына ену үшін не істеу керектігі туралы пікірлерін ашық айтты.

Кездесу соңында бірге суретке түсті.

Әрине, селфи де болды.

  «« | »» «  | Барлық жаңалықтар


Алматыда демалыс күндерінің жаңа жәрмеңкелері ашылды »»
21 ақпан 2020 - 13:10
Алматыда демалыс күндері жаңа жәрмеңкелер ашылады. Олар қаланың 8 аудандарында сенбі және жексенбі күндері сағат 9.00-ден 18.00-ге дейін өтеді.   Алматыда әлеуметтік маңызы бар өнімдердің бағасын реттеу мақсатында қала әкімдігі және «Алматы» ӘКК бірқатар нақтылы шараларды жүзеге асыруда. Солардың бірі - «демалыс күнінің жәрмеңкесін» өткізу. 2019 жылы Алматыда «демалыс күнінің» 4 жәрмеңкесі жұмыс жасады. Енді 2020 жылдың басына бері тағы жаңа 6 сауда нүктесі ашылды...
Сағынтаев алматылықтар шағымданған әлеуметтік нысандарды аралады »»
20 ақпан 2020 - 17:08
Алматы әкімі Бақытжан Сағынтаев есептік кездесу кезінде жұмыстарына алматылықтар шағымданған әлеуметтік қызмет орталығы мен балалардың инфекциялық ауруханасында болды. Бұл туралы қала әкімі Instagram әлеуметтік желісіндегі өзінің жеке парақшасында жазды.   Арнайы әлеуметтік қызмет көрсететін №3 Орталықта 350 орын бар, мұнда қарт адамдар, оның ішінде қамқорлықты қажет ететін мүгедектер тұрады. Әкімнің есептік кездесуінде персоналдың жұмысы мен медициналық қызметтің сапасын тексеру бойынша шағым айтылғ...
Бақытжан Сағынтаев – Біз өзімізге жылдың соңына дейін Алматының барлық көшелерін жарықпен қамтамасыз етеміз деген биік мақсат қойдық »»
19 ақпан 2020 - 16:47
Бүгін мегаполис тұрғындарымен өткен есептік кездесуде Алматы қаласының әкімі Бақытжан Сағынтаев көшелерді жарықтандыру жұмыстары туралы мәлімдеді.   “Өткен жылы көшелерді жаңғыртуға бөлінген қаражат есебінен 300-ден астам магистральді көшелерді жарықтандырдық. Жарықтандыру мәселелері Алатау, Наурызбай, Жетісу аудандарында көтерілді. Біз жарық жүйесі жоқ барлық көшелердің тізімін қайта қарадық. Сондай мың көше анықталды. Жаңа жылдың басына қарай олардың саны екі мыңға жетті. Аудит және түгендеу...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56