^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 1 сәуір 2020
 
     
 
Жаңалықтар
Қала әкімі Б.Сағынтаевтың қатысумен Алматы қаласы мәслихаты тұрақты комиссияларының отырысы өтті
17 шілде 2019

Алматы мәслихатының депутаттарымен кездесу кезінде қала әкімі Б.Сағынтаев қаланың әлеуметтік-экономикалық дамуының бірінші жартыжылдықтағы негізгі қорытындылары мен екінші жартыжылдықтың міндеттерін талқылады.

VI шақырылымдағы Алматы қаласы мәслихаты тұрақты комиссияларының бірлескен отырысын мәслихат хатшысы Қалдыбай Қазанбаев ашты.

Кездесу барысында мегаполис әкімі Алматыны дамытудың бірінші кезектегі міндеттері мен бағыттары бойынша өзінің болжамдарымен бөлісті.

Барлық экономикалық көрсеткіштер бойынша дамудың оң динамикасы сақталған. Мысалы, алты айдың ішінде алты базалық салалардың (өнеркәсіп, ауылшаруашылығы, құрылыс, сауда, көлік, байланыс) қысқа мерзімді экономикалық индикаторы 104%-ды құраған. Инвестиция көлемі 8%-ға, өнім өндірісі 5,2%-ға, құрылыс 3,9%-ға, тұрғын үй салу 2%-ға өсті. Салық жинау 1 трлн теңгеде асып, 10%-ға ұлғайды. ШОБ субъектілері шығарған өнімдер 9,8%-ға көбейді. Жалпы, бірінші жартыжылдықтың қорытындысы бойынша жалпы өңірлік өнім шығару (ЖӨӨ) кем дегенде 3,5%-ға өседі деп күтілуде.

Алайда, Б.Сағынтаев қалада шешімін күткен мәселелердің жеткілікті екенін атап өтті.

«Проблемалар бәрімізге таныс. Ол - лайықты жалақысы бар жұмыс орындарының жетіспейтіндігі. Бірінші кезекте қажет азық-түлік бағаларының өсуі, коммуналдық қызмет бағаларының қымбаттауы, тұрғын үйдің жоқтығы, экология, медициналық қызмет сапасы мен қоғамдық қауіпсіздік. Қалалықтар бізден әділ шешімдер мені тиімді іс-қимылдарды күтуде. Біз тура осы бағытта жұмыс жасайтын боламыз. Жедел әрі жоғары жауапкершілікпен. Қала қоғамдастығымен ақылдаса отырып», - деп атап өтті Алматы әкімі.

Б.Сағынтаев мегаполисті дамыту перспективаларына тоқталды, мұндағы басты мақсат - қалалықтардың табыс деңгейін көтеру, өмір сүру сапасын жақсарту.

Әкім Алматыны «Шетсіз қала» қағидасы бойынша дамыту қажет екендігін атап өтті. «Орталық пен шет аймақты дамытудағы дисбалансты жою қажет, бұл - принципті мәселе. Шеттегі адамдар орталық тұрғындары сияқты сапалы қызмет түрлерін алулары тиіс» - деп атап өтті Алматы әкімі.

Цифрларға көз жүгіртіп өтелік: соңғы бес жыл ішінде қаланың орталық аудандарының аумақтарын абаттандыру үшін 65 млрд теңге күрделі қаржы жұмсалған, ал шеттегілерге бөлінгені 15,5 млрд теңге ғана. Соның салдарынан шет аймақтар тұрғындары өмірлік қажетті инфрақұрылымдар – орталықтандырылған су, газ желілерінің, көше жарығының жоқтығын айтып шағымдануда. Мұндағы жолдың сапасы да төмен, автобус бағыттары жеткіліксіз.

«Жағдайды түбегейлі өзгерту қажет», - деп атап өтті Алматы әкімі.

«Біздің мақсатымыз - таяудағы үш жыл ішінде жағдайды түбірінен өзгертіп, қаланың шет аймағындағы өмір сүру деңгейін арттыру. Жұмыс орындарын құру, ескі үйлерді сүру, әлеуметтік нысандарды салу, абаттандыру, шағын және орта бизнесті ынталандыру бойынша ауқымды бағдарламалар әзірлеу қажет», - деп баса көрсетті Б.Сағынтаев.

Қала басшысының тапсырмасы бойынша аудан әкімдіктері 1 тамызға дейін жергілікті тұрғындарды толғандыратын мәселелерді жедел шешу бойынша нақтылы жоспарларды әзірлейтін болады.

Б.Сағынтаев мегаполистегі орын алған проблемаларды шешу үшін бюджет саясатының тиімділігі артатынын атап өтті. Соның арқасында қаланы орталықтандырылған су, газ желілерімен, жарықпен толығымен қамтамасыз ету жоспарланған. Осы кезең ішінде аулаларды абаттандыру да аяқталуы тиіс.

Бұған қоса, алда қоғамдық көлікті жаңарту, оқушы орындарының жетіспеушілігін азайту, ПИК-тер мен басқарушы компаниялардың, қала әкімдіктері мен басқармалары жұмыстарының ашықтығы мен тиімділігін арттыру міндеттері тұр. Сонымен қатар, БҰҰ ұсынысына сәйкес бюджеттің «халықтың қатысуы» механизмін енгізу жоспарланған.

Кездесу барысында мәслихат депутаттары Владислав Ли, Марат Абдуллаев, Ерболат Касымов, Ләззат Қалтаева, Кенжехан Матыжанов, Сергей Козлов және Мұрат Әділханов ұсыныстарын айтты және дамудың актуалды мәселелерін көтерді.

  «« | »» «  | Барлық жаңалықтар


Ақпараттық хабарлама
31 наурыз 2020 - 17:14
Карантин кезінде уақытша жабылуға жатпайтын Алматы қаласының ұйымдары мен кәсіпорындары үшін рұқсат етілген салалар мен қызмет түрлерінің тізіміне толықтырулар енгізілді. 2020 жылдың 31 наурызы мен 6 сәуір аралығында карантин кезеңінде жұмыс істейтін қызметкерлер үшін анықтама үлгілері анықталды.   Алматыда карантин шараларын күшейту туралы...
Қаладағы нысандарды өңдеу үшін дезинфекциялық құралдарды қолдану бойынша ақпарат  »»
31 наурыз 2020 - 14:14
Қоқыс салатын жәшіктер, орындықтар, қоғамдық көлік аялдамаларын, жерасты және жерүсті өткелдерін дезинфекциялау үшін күн сайын 60-тан астам жұмысшы жұмылдырылуда. Төтенше жағдай кезінде 600 текше метр (600 000 литр) ерітінді (300 таблеткадан 200 құты) қолданылды.   Қоқыс шығаратын ұйымдар контейнерлік алаңдар мен контейнерлерді дезинфекциялауға 43 000 литр дезинфекция ерітіндісін пайдаланды. Ол үшін 85 адам жұмылдырылды. Автобустарды дезинфекциялауға 130 литрден астам ерітінді пайдаланылып, 100-ге ж...
Алматыда карантин кезеңінде қызметіне рұқсат етілген кәсіпорындар үшін ақпараттық хабарлама »»
31 наурыз 2020 - 13:36
2020 жылдың 30 наурызы мен 5 сәуірі аралығында Алматыда барлық ұйымдар мен кәсіпорындардың жұмысы уақытша тоқтатылады.   Қаланың тыныс-тіршілігін қамтамасыз ететін қажетті компаниялар ғана жұмысын жалғастырады. Ары-қарай оқу үшін және қандай салалар өз жұмысын жалғастыратыны туралы мына сілтемелерден қарау керек. Егер сіздің компанияңыз рұқсат етілген салаларға кірсе, онда сізге мына төменде берілген үлгілерді толтыру қажет: №1 үлгі (кәсіпорындар бойынша): https://forms.gle/PfjLFPK4DgyBnQt27 №2 үл...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56