^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Бейсенбі, 14 қараша 2019
 
     
 
Жаңалықтар
Мәслихат мегаполисті «Шетсіз қала» принципі бойынша дамыту үшін бюджетті нақтылауды қолдады
09 тамыз 2019

Бүгін, 9 тамызда Алматы мәслихаты мегаполисті «Шетсіз қала» принципі бойынша дамыту үшін бюджетті нақтылау жобасын қолдады.

 

Стратегия және бюджет басшысының міндетін атқарушы Жанар Жазылтаева өзінің сөзінде жұмыс жасайтын жастардың тұрғын үй жағдайын жақсартуға, халықтың аз қамтылған санатына, олардың ішінде көпбалалы және тұрмысы төмен отбасыларға қолдау көрсетуге, сонымен қатар жаңа бизнес-жобаларды іске асыру үшін мемлекеттік гранттарды беруге республикалық бюджеттен қосымша қаржы бөлінгенін айтты.

Нақтыланған жергілікті бюджет 19,6 млрд теңгені құрайды. Бұл қаржы әлеуметтік-инфрақұрылымдық жобаларды жүзеге асыруға және әкім берген тапсырмаға сәйкес «Шетсіз қала» принципі бойынша мегаполисті дамытуға жұмсалатын болады.

Білім саласында 204 мектепке оқулықтар алуға, Орбита-3 ықшам ауданындағы №40 мектепті, тілі мүкіс балаларға арналған №9 мектеп-интернатты сейсмикалық күшейтуге, №190 жаңа бала бақша мен №187 ясли-бақшаны материалдық-техникалық жарақтандыруға қаржы бөлінеді. Бұлардан өзге, қаржы Түрксіб, Бостандық, Медеу аудандарындағы 13 ясли-бақшаларға ағымдағы жөндеу жұмыстарын жүргізуге жұмсалады.

Әлеуметтік жобаларға ерекше назар аударылған. 616,5 млн теңге жеті ауданда «Isker Ana» орталықтарын және Бостандық ауданында белсенді ұзақ өмір орталығын ашуға, Әуезов ауданындағы ұзақ өмір орталығын жарақтандыруға бағытталған. Сонымен қатар, Алатау аудандық әлеуметтік әл-ауқат бөлімін «Open space» форматында қайта құруға және мемлекеттік атаулы көмекті қаржыландыруға жұмсалады.

Энергетика және тұрғын үй-коммуналды шаруашылықты дамытуға 3 млрд теңге қарастырылған, оның ішінде 2 млрд теңге шет аймақтарды дамытуға, сумен жабдықтауға 373,5 млн теңге, жарықтандыруға 2,3 млрд теңге қарастырылған. Жол-көлік инфрақұрылымын дамытуға 1 млрд теңге бөлінген. 11 ықшам аудандарда жолды жобалау және салу жұмыстары атқарылады, олар Түрксіб ауданындағы Нұршашқан, Кайрат, Әлмерек, Жас-Канат; Алатау ауданындағы Самғау, Шапағат, Шаңырақ-5, Алғабас, Өжет; Наурызбай ауданындағы Құрамыс, Медеу ауданындағы Думан; Алмалы ауданындағы Әйтеке би көшесі.

Троллейбус желілерін модернизациялау мен дамыту, Алматы қаласында жаңа бағыттар ашу қарастырылған. Жол қозғалысын басқарудың автоматты жүйесін модернизациялау, реконструкциялау қаржыландырылады. Бұлардан өзге, жеті - Федоров, Боткин, Верди, Венецианов, Мартынов, Бродский, Брюсов көшелері мен Солтүстік айналма қиылысына жөндеу жұмыстары жүргізіледі.

Абаттандыру аясында 350,6 км арық желісі инвентаризацияланады, Жансүгіров көшесі бойындағы және Жас-Қанат ықшам ауданындағы скверлер жөнделеді, 440 аулаға күрделі жөндеу жүргізудің жобасы жасалады.

Қоғамдық қауіпсіздікті сақтау үшін полицияның стационарлы және мобильді постыларын құруға қаржы қарастырылған.

Сонымен қатар, кәсіпкерлікті дамытуға, ШОБ жеңілдетілген несие бөлуге және кәсіпкерлердің «Qolday» орталығын құруға қаржы бөлінеді.

  «« | »» «  | Барлық жаңалықтар


Алматыны жасылдандырудың шеберлік-жоспарының жобасы әзірленді »»
13 қараша 2019 - 15:34
Алматы әкімі қаланы жасылдандырудың шеберлік-жоспарының жобасын қараған жұмыс жиынын өткізді, оның барысында таяудағы үш жыл ішінде миллион ағаш отырғызу мәселесі сөз болды.   Шеберлік-жопарын жасау кезінде қаланың жасыл желектері зерттелді және оның қазіргі жағдайы анықталды. Бұл жұмысқа кәсіби мамандар тартылды, олар зерттеу барысында қаладағы жасыл желектің жалпы көлемі бір адамға шаққанда небәрі 894 га – 4.8 шаршы метр екенін анықтады. Ал, сонау 70-80 жылдары бұл көрсеткіш 10 шаршы метрге ж...
Алматыда халықаралық «ЖасSTAR» шығармашылық жастар фестивалі өтті. »»
13 қараша 2019 - 09:01
«Жаңа есімдердің он жылдығы» ұранымен өткен фестивальді ҚР Тұңғыш Президенті – Елбасы қоры ұйымдастырса, оған Алматы әкімдігі қолдау көрсетті.   Фестиваль қатысушылары мен оның қонақтарын қала әкімі Б.Сағынтаевтың атынан шаһар басшысының орынбасары Ержан Бабақұмаров құттықтады. «Жастардың арасында өнер мен мәдениетті жан-жақты дамытуды мақсат еткен фестиваль өзінің он жылдығын атап өтуде. Аталған шара әр елдің жастарының басын қосып келеді. Жыл сайын фестивальге қатысуға ниет...
Алматының даму стратегиясының ұзақ мерзімді жобасы сарапшылар мен жұртшылықтың қатысуымен әзірленуде »»
12 қараша 2019 - 22:37
Алматы қаласы әкімінің орынбасары Ержан Бабақұмаров шаһардың сарапшылық қауымдастығы және қоғамдық кеңестің кеңейтілген құрамдағы мүшелерімен кездесіп, «Алматы-2050» стратегиясының жобасын талқылады. Алқалы жиын қаланың дамуына қатысты құжаттық жобалардың жұртшылық және сарапшылармен талқылауды құп көретін қала әкімі Бақытжан Сағынтаевтың тапсырмасына сәйкес өтті. «Бұл қала дамуының басты басымдықтарын қамтитын негізгі құжат. Ұзақ мерзімді мақсаттарды анықтауда сіздердің пікірлеріңіз біз ...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56