^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сейсенбі, 22 қазан 2019
 
     
 
Жаңалықтар
Алатау ауданының тұрғындары Алматы әкіміне 400-ден астам сұрақтар қойды
09 тамыз 2019

9 тамызда Almaty Art Center-де Бақытжан Сағынтаев Алатау ауданының тұрғындарымен кездесті.

 

Қала әкімі мегаполисті дамытудың негізгі бағыттары, абаттандыру, әлеуметтік және жол-көлік инфрақұрылымын жетілдіру, медициналық қызметтің қолжетімділігі, құқықтық тәртіп пен қоғамдық қауіпсіздікті қамтамасыз ету, жұмыс орындарын құру туралы айтып берді.

Б. Сағынтаев қаланың барлық аудандарында сапалы медициналық қызметтің қолжетімділігін ерекше атап өтті. Бұл міндетті жүзеге асыру үшін медмекеме жоқ ықшам аудандарда медициналық пункттер мен амбулаториялар ашылады әрі мұнда орталық емханалардың дәрігерлері қабылдаулар жүргізеді. Бұдан өзге, бірінші тамыздан бастап тоқсан сайын жылжымалы медициналық пункттер халықтың ортасында болып, кәсіби мамандар кеңес береді.

Қала әкімі еңбекпен қамту мәселесіне ерекше назар аударды. Қызмет көрсету мен сервисті экономика саласында ШОБ қолдау арқылы сапалы жұмыс орындарын құрудың кешенді шаралары әзірленді. Аудандарда «Бақытты отбасы» көпбалалы аналарды қолдау орталықтары ашылуда және әйелдер кәсіпкерлігін дамыту үшін «Іскер ана» бағдарламасы іске асуда.

Еңбек нарығында жастардың қажетті мамандық алуларына көмектесу мақсатында қала колледждерінің мобильді (көшпелі) қабылдау комиссиялары жұмыс жасауда. «Еңбек» нәтижелі жұмыспен қамтуға және жаппай кәсіпкерлікті дамытуға арналған мемлекеттік бағдарлама аясында тегін оқыту қолға алынуда.

Б. Сағынтаев қауіпсіздік мәселесі бойынша полицияның жаяу және автомобиль нарядтарының бұдан былай аулалар мен қараңғы учаскелерді бақылауға алатыны туралы айтты. Барынша криминалды жерлерде полицияның мобильді пункттері жұмыс істейтін болады.

Өз кезегінде аудан тұрғындары инженерлік, жол инфрақұрылымдарының, жарықтың жоқтығын, иесіз желілерге, жер мен жеке үй салу істерін заңдастыруға, коммуникацияға қосылуға қатысты проблемалар туралы айтты.

Ең өткір мәселелер – көлік қатынасы, медициналық қызметтің қолжетімділігі, сапалы ауыз сумен қамтамасыз ету. Ауданда 4760 оқушы орны жетіспейді.

Кездесуге келгендердің барлығы әкімге сұрақтарын тікелей қойды. Үш сағатқа созылған кездесу барысында тұрғындар ауызша және жазбаша түрде 400-ден астам сауалдар жолдады. Алматы әкімдігінің көшпелі хатшылығы сұрақтардың барлығын тіркеді, олар сараптамадан өтеді және тиісті шешімдер қабылданады.

«Біз жедел шешетін мәселелер бар, олар – абаттандыру мен жарықтандыру. Ал кейбір мәселелерді шешу үшін біраз уақыт, қосымша қаржыландыру қажет. Шешілетін мәселелердің барлығы шешімін табады. Жоқтан бар жасайтын боламыз», - атап өтті Б. Сағынтаев.

Еске салсақ, қала әкімі өткен сенбіде Түрксіб ауданының тұрғындарымен кездескен болатын, мұнда да ашық диалог орын алған еді.

  «« | »» «  | Барлық жаңалықтар


Алматы қаласы әкімінің орынбасары Е. Бабақұмаров қала имамдарымен кездесуде қоғамдық келісім мен конфессияаралық диалогты сақтау мәселелерін талқылады »»
21 қазан 2019 - 17:53
Алматының бас имамы Е. Шоқаймен және аудандардың бас имамдарымен болған кездесу кезінде жастармен жұмыс жүргізудің ерекше маңызы және жауапкершілігі жөнінде сөз болды. Мемлекеттің орнықты дамуының негізі болып табылатын қоғамның тұрақтылығын, келісім мен өзара түсіністікті сақтауда қала мешіттері қызметкерлерінің маңызды рөл атқаратыны аталып өтті. «Қазақстанда түрлі дін өкілдері бейбітшілік пен келісімде өмір сүруде, біз сол үшін мақтана аламыз. Қазақстан мұсылмандарының діни басқармасы осынау теңг...
Алматыда №92 бағыт автобустары жаңарды
21 қазан 2019 - 14:41
Қала тұрғындарының көптеген өтініштері бойынша №92 бағыт 12 метрлі 20 жаңа автобустармен толықты. 100%-ға жаңарған жылжымалы состав қала көшелеріне 19 қазанда шықты.   Барлық көліктер төмен еденді, сыйымдылығы үлкен әрі қала жолаушыларын тасымалдау үшін арнайы жасалған. Автобустар табиғи газбен жүреді, кондиционер және видеобақылау орнатылған. Сыйымдылығы — 104 адам, отыратын 22 орын және қимылы шектеулі жандар үшін 3 орын бар. Бұдан өзге, №92 бағыт қала орталығына қатынау үшін Түрксіб, А...
Open Almaty-ға 9 айдың ішінде жүз мыңнан астам өтініш түсті »»
21 қазан 2019 - 14:10
Алматының қоғамдық қабылдауына қала тұрғындары абаттандыру, қоғамдық көлік және жолдар, инженерлік желілер, ТҮКШ мәселелері бойынша жиі өтініш түсіреді.   Алматы әкімдігінің Open Almaty қоғамдық қабылдауы 2017 жылдың қыркүйек айынан бастап жұмыс жасауда. Жоба Smart Almaty концепциясын жүзеге асырудың бір бөлігі болып табылады және оның құрамына фронт-офис, қалалық ақпараттық портал және байланыс орталығы енген. «Бір терезе» қағидасы бойынша әрбір қалалық Open Almaty-дағы аудандық әкімдік...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56