^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сенбі, 11 сәуір 2020
 
     
 
Жаңалықтар
Алматы қаласының жолдарында қауіпсіздікті қамтамасыз ету және өлімді азайту шаралары туралы
19 тамыз 2019

Бүгін, 19 тамызда Алматы әкімдігінің баспасөз орталығында Алматы қаласы Қоғамдық кеңесінің төрағасы Рахман Алшанов пен ЖПҚ бастығы Төрехан Исиннің қатысуымен Алматы қаласының жолдарында қауіпсіздікті қамтамасыз ету және өлімді азайтудың қосымша шаралары туралы брифинг өтті.

 

 

Полиция департаментінің (бұдан әрі – ЖП) мәліметі бойынша соңғы жеті айда Алматы қаласының аумағында жол-көлік оқиғаларында (ЖКО) қаза болғандардың саны 73-тен 83 адамға дейін (өсім 13,7%) көбейген. Қала аумағындағы апаттық учаскелердің бірі – Алатау ауданының аумағы болып табылады. Атап айтқанда, Саин (4), Момышұлы (5), Солтүстік айналым (3), Жанқожа батыр (2) көшелері.

Талдау нәтижелері көрсеткендей, жолдардағы өлім-жітімнің негізгі себептері:

• көшелердің жарықтандырылмауы;

• бағдаршамдар мен жаяу жүргіншілер өтпелінің аз болуы, көлік жылдамдығын төмендету үшін жасанды кедір-бұдыр элементтерінің көптігі; • қозғалыс қауіпсіздігін бақылайтын бейнекамералардың жеткіліксіздігі.

Осыған байланысты қала әкімдігі полиция департаментімен бірлесе отырып келесі шараларды қабылдауда:

– жыл соңына дейін 208 көшеге жарық орнату жоспарлануда. 70 жаяу жүргіншілер өтпеліне де жарық қою. Сондай-ақ, ПД-мен бірлесіп криминогендік және апатты учаскелерді жарықтандыру мәселесі жолға қойылды. 2020 жылдың соңына дейін қаланың барлық аулалары мен көшелеріне жарық орнату жоспарлануда;

– бүкіл қала бойынша «Сергек» бейнекамераларын орнату. Қосымша 707 бекет орнатылады; – Жол-көлік оқиғаларына аса бейім 72 учаске қайта құрылатын болады. Бұрылу радиусы қысқартылып, тротуарлар саны мен пандустарды көбейту. Сондай-ақ, статистика бойынша жол-көлік оқиғасын 46%-ға төмендетуге мүмкіндік беретін қауіпсіздік аралдары пайда болады. Қыркүйек айында 50 учаскеде қауіпсіздік аралдары пайда болады;

– реттелмейтін қиылыстарда қосымша 7 бағдаршам нысандарын орнату. 12-ге жуық реттелмейтін жаяу жүргіншілер өткеліне (мектеп маңы), LED-жарықтандыруды қою жұмыстары аяқталуға жақын. Сондай-ақ, реттелмейтін 3 жаяу жүргіншілер өткеліне СИ-5 тіректеріндегі белгілермен жабдықтау бойынша жұмыстар аяқталуда;

– көлік құралдарының жылдамдығын мәжбүрлеп төмендету үшін жасанды кедір-бұдырлықтың санын арттыру;

– мектеп маңындағы және адамдар көп жиналатын жерлерде реттелмейтін жаяу жүргіншілер өткелдерін орнату бойынша жұмыстар жүргізілуде. Сонымен қатар, қала әкімдігіне қала тұрғындары мен автоәуесқойлар тарапынан жоғары жылдамдықты магистральдарда (ШААЖ, Әл-Фараби даңғылы) сағатына 80 шақырымға дейін рұқсат етілген жылдамдықты қайтаруды сұрауда. Шыны керек, қала әкімшілігі соңғы бір жарым айдың ішінде қоғамдық қысымды сезіп келді.

– Әл-Фараби даңғылы, ШААЖ – қаланың негізгі транзиттік магистральдары болып табылады. Шет елдердің тәжірибесі көрсеткендей, жылдамдықты шектеу көбінесе орталық көшелерге қолданылады. Мысалы, Испанияның айналмалы жолдарында рұқсат етілген ең жоғары жылдамдық 120 км/сағ, Мәскеудің МКАД-ында – 100 км/сағ. Әкім мен әкімдіктің, Open Almaty-ға келіп түскен өтініштердің басым бөлігі аталған көшелерде жылдамдық режимін 80 сағ/шақырым жылдамдықты қайтаруды көрсетті. Бүгінгі күнге 800-ден астам өтініш келіп түсті.

Алматы қаласының Қоғамдық кеңесі тарапынан жылдамдық магистральдарында (Әл-Фараби даңғылы, ШААЖ) 60 км/сағ 80 км/сағ дейін жылдамдық режимін қайтару бойынша жасаған үндеуі шешуші фактор болып табылады. 1 тамыз күні өткен Қоғамдық кеңестің жиынында Тәуелсіз автомобиль қоғамының мүшелері қатысып, сөз сөйлеген еді. Көптеген пікірлер, атап айтқанда, жылдамдықтың төмендеуі экологияға, экономика және қауіпсіздік үшін жағымсыз екені айтылды. Осының бәрін назарға алған қала әкімдігі жұртшылықтың қалауы бойынша рұқсат етілген 80 км/сағ жылдамдықты ортақ айналма жол міндетін атқарып отырған Әл-Фараби даңғылы мен ШААЖ-да қайта енгізбек.

 





  «« | »» «  | Барлық жаңалықтар


Алматыда Covid-19-дан екінші қайтыс болу жағдайы тіркелді »»
10 сәуір 2020 - 22:00
Ол жергілікті қала тұрғынымен байланыста болған 1963 жылы туған пациент.   29 наурызда медициналық жедел жәрдем бригадасы оны «Екі жақты полисегментарлы пневмония» диагнозымен коронавирустық инфекцияға талдау алынған стационарға жеткізді. 1 сәуірде пациенттің жай-күйінің нашарлауына байланысты ӨЖЖ аппаратына қосылды. Жүргізілген қарқынды терапияға қарамастан, жедел тыныс алу, жүрек-қан тамырлары және жіті бауыр жетіспеушілігінің дамуымен жағдайы үдемелі нашарлады. Пациенттің анамнезінде...
Қаладағы дәріхана ұйымдары өз қызметкерлерін жеке қорғаныс құралдарымен қамтамасыз етеді »»
10 сәуір 2020 - 17:52
Бұл туралы қалалық әкімдіктің баспасөз орталығында өткен брифинг кезінде Қазақстан Республикасы Фармацевтикалық қызметті қолдау және дамыту қауымдастығының президенті Марина Дурманова айтты.   Онлайн брифинг кезінде қауымдастық президенті COVID-19 инфекциясы фармацевттер арасында тіркелмегенін атап өтті. Өйткені, әр дәріхана ұйымы өз қызметкерлерін барлық қорғаныс құралдарымен қамтамасыз етеді деді. – Дәрігерлер сияқты фармацевттер де қауіп-қатердің басында жүр. Алматы қаласының Бас сани...
Қаладағы барлық дәріхана бағаларына күнделікті мониторинг жүргізіледі »»
10 сәуір 2020 - 16:40
Бұл туралы қалалық әкімдіктің баспасөз орталығында өткен брифинг кезінде Алматы қаласы Тауарлар мен қызметтердің сапасы мен қауіпсіздігін бақылау департаментінің басшысы Айзат Молдағасымова мәлімдеді.   - Алматы қаласы аумағында Төтенше жағдай мен карантин кезінде дәрі-дәрмектерге қолжеткізу қалай жүріп жатқанына тоқталмақшымын. Бұған дейін Тауарлар мен қызметтердің сапасы мен қауіпсіздігін бақылау департаменті мен Қазақстан Республикасының фармацевтикалық қызметті қолдау және дамыту қауымдастығының...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56