^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 18 қараша 2019
 
     
 
Жаңалықтар
Ресми хабарлама
27 қыркүйек 2019

Алматы қаласының Білім басқармасы қала мектептеріне мектеп жиһаздарын жеткізу жөнінде әлеуметтік желілер мен БАҚ жарияланған мақалаларға қатысты мынаны хабарлайды:

 

Мектеп жиһаздары мен сынып тақталарын жеткізу жөніндегі конкурс 2019 жылдың 2 мамырында жарияланып, оны ҚР Қаржы министрлігінің мемлекеттік сатып алу комитеті өткізді.

Конкурс бес лоттан тұрды, олар: орта, кіші және жоғары буындар үшін парталар комплектілері (үш лот), сынып тақталары, көрнекі құралдар үшін шкаф.

Аталған тауарлар ҚР Үкіметі бекіткен (2015 жылдың 31 желтоқсанындағы ҚР Үкіметінің № 1181 қаулысы) мүгедектердің қоғамдық бірлестіктерінен сатып алынатын Тізімге енген.

Осыған орай, конкурсқа бүкіл Қазақстан бойынша әлеуетті жеткізуші болып табылатын мүгедектердің 43 қоғамдық бірлестіктері қатысты.

ҚР Қаржы министрлігі ішкі мемлекеттік аудит комитетінің нәтижесінен соң, 2019 жылдың 26 шілдеде конкурс қорытындысы жарияланды.

Конкурс қорытындысы бойынша, конкурстық құжаттардың талаптарына сай келетін үш жеткізуші анықталды.

- «Қамқор күш» мүгедектер қоғамдастығы» қоғамдық бірлестігі (кіші және орта буын парталар комплектілері) – 143,2 млн. теңге;

- «Аялы алақан» қоғамдық бірлестігі (жоғары буын парталар комплектілері және көрнекі құралдар үшін шкаф) – 97,4 млн. теңге;

- «Батыр» қоғамдық бірлестігі (сынып тақталары) – 259, млн. теңге.

Келісім-шарттың жалпы нақтылы сомасы – 266,5 млн. теңге.

2019 жылдың 1 шілдесінен бастап ҚР «Мемлекеттік сатып алу туралы» Заңына өзгерістер енуіне байланысты, жиһаз өндірісінің тауарлары алдын-ала біліктілікке орай сараланып алынады.

Бірақ конкурс биылғы жылдың 2 мамырында жарияланғандықтан әрі өзгерістердің ағымдағы жылдың 1 шілдесінде күшіне енуіне байланысты конкурсқа мүгедектердің қоғамдық бірлестіктері қатысты.

Қазіргі кезде аталған тауарлар қаланың 10 мектебіне жеткізілді, нәтижесінде 65 сыныптың жиһаздары жаңарды. Орындықтарға қатысты бірен-саран ескертулер болды, жеткізушілер кемшіліктерді түзеді.

Заңнамаға сәйкес техникалық сипаттаманы әзірлеу үшін конкурстық құжаттарды дайындауға ҚР жиһаздар кәсіпорындары мен ағашөңдеу өнеркәсібі Қоғамдастығының өкілі – сарапшы тартылды.

Бүгінгі күні мектеп директорлары мен мектеп жиһаздарын жеткізушілер арасында қабылдап алу актілеріне қол қойылмаған. Ақы төленбеген.

Мектеп директорларына жеткізілетін жиһаздарды қабылдауда бақылауды күшейту тапсырылды.

Айта кетерлігі, соңғы үш жыл ішінде мектеп жиһаздары орталықтандыру бойынша жаңарған жоқ. Алматы қаласының Білім басқармасы жеткізілетін жиһаздардың сапасына бақылауды күшейтетін болады.

Наразылық туындаған жағдайда мына телефонға хабарласуды сұраймыз: +7 (727) 262-34-89.

Алматы қаласының Білім басқармасы.

  «« | »» «  | Барлық жаңалықтар


Б. Сағынтаев: Қалалықтардың қауіпсіздігі үшін үнемдеуге болмайды »»
18 қараша 2019 - 12:36
Алматы әкімі Бақытжан Сағынтаев ішкі істер министрі Ерлан Тұрғымбаевтың қатысуымен қоғамдық қауіпсіздікті қамтамасыз ету және жол-көлік оқиғаларының алдын-алу мәселелері бойынша кеңес өткізді.   Негізгі міндет – қызмет көрсетудің сервистік үлгісіне басымдық бере отырып, Алматы полициясының жұмысын қайта құру. Учаскелік инспекторлар, патрульдер қала тұрғындары мен қонақтарына олардың мәселелерін шешуге көмектесулері тиіс. «Қоғамның басты талабы – сапалы және қолжетімді медициналық қ...
Б. Сағынтаев: Біз жастарға «Алматы арманын» жүзеге асыруға көмектесеміз »»
16 қараша 2019 - 15:01
Қала әкімі Бақытжан Сағынтаев ҚР Тұңғыш Президенті – Елбасы қорының атқарушы директоры Әсет Исекешевпен бірге «Ел үміті» дарынды жастар форумының эстафетасын қабылдады. «Ел Үміті» жобасы ел бойынша 1000 талантты, дарынды әрі іскер жастарды іріктеуге көмектеседі. Олар өз тәжірибесімен бөлісе отырып, өзінің үлгісінде құрдастарын табысқа ұмтылуға жігерлендіріп, өзіне сенуге, талантын паш етуге көмектеседі. «Сіздердің әрқайсыларыңыздың жетістіктеріңізді саралай келе, біз ел...
Алматыда мүгедектерді әлеуметтік қорғау мәселелері талқыланды »»
15 қараша 2019 - 19:47
Алматыда ҚР Премьер-Министрінің орынбасары Бердібек Сапарбаевтың қатысуымен мүгедектерді әлеуметтік қорғау саласындағы Үйлестіру кеңесінің отырысы өтті.   Алқалы шараға еңбек және халықты әлеуметтік қорғау министрі Біржан Нұрымбетов, балалар құқықтары жөніндегі уәкіл Аружан Саин, орталық және жергілікті атқарушы мемлекеттік органдар, үкіметтік емес сектордың өкілдері, мүгедектердің қоғамдық бірлестіктерінің мүшелері мен оңалтудың техникалық құралдарын өндірушілер қатысты. Отырысқа қатысушылар шара б...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56