^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 18 қараша 2019
 
     
 
Жаңалықтар
Қала әкімі Б. Сағынтаевтың Әуезов ауданы тұрғындарымен кездесу кезінде берген тапсырмаларының орындалуы
30 қыркүйек 2019

Алматы әкімі ағымдағы жылдың 17 тамызында Әуезов ауданы тұрғындарымен кездесіп, оның барысында 146 сұрақ қойылған еді, қазіргі кезде олардың 35%-ы шешілді, 53%-ы түсіндірілді, 12%-ы жұмыс үстінде. Бұл туралы Алматы әкімдігінің баспасөз орталығында Әуезов ауданының әкімі Сайран Сайфеденов айтып берді.

 

146 сұрақтың 106-сы қала әкімдігінің кәсіби басқармаларының құзырына жатады.

Сұрақтар негізінен мына мәселелер бойынша қойылды - тротуарларды, арық желілерін, жолдарды жөндеу, сыртқы жарық желілерін дамыту әрі модернизациялау, жеке секторда қоғамдық көлік бағытын ұзарту, түзу емес жасанды қондырғыларды және жол белгілерін орнату арқылы жол қауіпсіздігін күшейту, тұрғын үй-коммуналды қызмет және басқалары.

40 сұрақ аудан әкімдігі аппаратына тиесілі, олардың 16-сы шешілді, 19-ы түсіндірілді, 5-і жұмыс үстінде.

Түскен сауалдарға жүргізілген сараптама аудан тұрғындарын ауданның жеке секторына инженерлік инфрақұрылымдарды жүргізу, өңірлерді 2020 жылға дейін дамыту Бағдарламасын жүзеге асыру, көше мен аулаларды судың басып қалуы, арық және сыртқы жарық желілерін салу, тұрғын үй бөлу, құқықтық тәртіп мәселелері толғандыратынын көрсетті.

Кездесу кезінде қойылған сұрақтарды шешу бойынша нақтылы шаралар қабылдануда.

Мысалы, Достық пен Алтын бесік ықшамаудандарында инженерлік желілерді салу салдарынан бұзылған жолдарды мердігерлік ұйымдар кепілді міндеттемелер бойынша қалпына келтірді.

Тұрғындардың шағымы бойынша Ақсай-1 ықшамауданындағы 4, 4-а, 4-б үйлеріне жақын маңдағы Жұбанов көшесі бойына орналасқан № 11Б ғимараты алдына жүргізілген апатты жұмыстардан соң жолға асфальт төселді.

Алтын бесік ықшамауданынан Райымбек даңғылына дейін тротуар жасалып, сыртқы жарық желілері тартылды.

Жол бойындағы көліктердің жылдамдықтарын бәсеңдету үшін Ақсай-4 ықшамауданындағы 8-ші үйдің, Таугүл ықшамауданындағы № 72 мектептің, Өтеген батыр көшесі бойындағы 114-112 үйлердің жанына жасанды тегіс емес қондырғылар орнатылды.

Мына төмендегі мекенжайларға сыртқы жарықтың жаңа желілері тартылды, олар:

- Алтынсарин даңғылы бойындағы сквер, Ұлықбек көшесінен Қабдолов көшесіне дейін;

- Өтеген батыр көшесі бойымен 98-114 үйлерге кесіп өту;

- Таугүл-3 ықшам ауданындағы Сауранбаев және Сейітжанов көшелері;

- 6-шы ықшамаудандағы 3-ші және 4-ші үйдің арасы.

Науаи,114 көшесі бойына орналасқан «Тау Самал» тұрғын кешен аулаларындағы сыртқы жарық қалпына келтірілді.

Яссауи көшесі мен Серегин көшесінің бұрышы арасындағы қоғамдық көлік бекеттерінің алшақ орналасуына байланысты «Өтініш бойынша тоқтаудың» 5.12 белгісі қойылды. 10 қазанға дейін жолдың екі жағына да қосымша бекет конструкциялары қойылатын болады.

Кездесу кезінде әлеуметтік көмек көрсету бойынша сұрақтар қойылған болатын.

Мысалы, Достық ықшамауданының тұрғынына есту аппаратын алу үшін көмек көрсетілді, № 54 коррекциялық яслиге орналасу үшін балдырғанға жолдама берілді, сал ауруына шалдыққан бала тегін дәрі-дәрмекпен қамтылды, мүгедектік арба үшін 11-ші ықшамаудандағы 38 үйдің подъезіне пандус жасалды.

Жандосов көшесі бойындағы 184А үй тұрғындарының ұжымдық шағымдары негізінде пәтерін қоқысқа толтырған бір тұрғынның үйіне дезинфекция жүргізіліп, қоқыстар шығарылды. Бұл азамат Алматы қаласының психикалық денсаулық Орталығына орналастырылды.

Алматы қаласы әкімінің аудан тұрғындарымен кездесуі кезінде берілген тапсырмалары бойынша шаралар Жоспары жасалды, барлық сұрақтар бақылауға алынды.

  «« | »» «  | Барлық жаңалықтар


Б. Сағынтаев: Қалалықтардың қауіпсіздігі үшін үнемдеуге болмайды »»
18 қараша 2019 - 12:36
Алматы әкімі Бақытжан Сағынтаев ішкі істер министрі Ерлан Тұрғымбаевтың қатысуымен қоғамдық қауіпсіздікті қамтамасыз ету және жол-көлік оқиғаларының алдын-алу мәселелері бойынша кеңес өткізді.   Негізгі міндет – қызмет көрсетудің сервистік үлгісіне басымдық бере отырып, Алматы полициясының жұмысын қайта құру. Учаскелік инспекторлар, патрульдер қала тұрғындары мен қонақтарына олардың мәселелерін шешуге көмектесулері тиіс. «Қоғамның басты талабы – сапалы және қолжетімді медициналық қ...
Б. Сағынтаев: Біз жастарға «Алматы арманын» жүзеге асыруға көмектесеміз »»
16 қараша 2019 - 15:01
Қала әкімі Бақытжан Сағынтаев ҚР Тұңғыш Президенті – Елбасы қорының атқарушы директоры Әсет Исекешевпен бірге «Ел үміті» дарынды жастар форумының эстафетасын қабылдады. «Ел Үміті» жобасы ел бойынша 1000 талантты, дарынды әрі іскер жастарды іріктеуге көмектеседі. Олар өз тәжірибесімен бөлісе отырып, өзінің үлгісінде құрдастарын табысқа ұмтылуға жігерлендіріп, өзіне сенуге, талантын паш етуге көмектеседі. «Сіздердің әрқайсыларыңыздың жетістіктеріңізді саралай келе, біз ел...
Алматыда мүгедектерді әлеуметтік қорғау мәселелері талқыланды »»
15 қараша 2019 - 19:47
Алматыда ҚР Премьер-Министрінің орынбасары Бердібек Сапарбаевтың қатысуымен мүгедектерді әлеуметтік қорғау саласындағы Үйлестіру кеңесінің отырысы өтті.   Алқалы шараға еңбек және халықты әлеуметтік қорғау министрі Біржан Нұрымбетов, балалар құқықтары жөніндегі уәкіл Аружан Саин, орталық және жергілікті атқарушы мемлекеттік органдар, үкіметтік емес сектордың өкілдері, мүгедектердің қоғамдық бірлестіктерінің мүшелері мен оңалтудың техникалық құралдарын өндірушілер қатысты. Отырысқа қатысушылар шара б...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56