^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жексенбі, 8 желтоқсан 2019
 
     
 
Жаңалықтар
Алматыда Әбдіжәміл Нұрпейісовтың мерейтойы мерекеленуде
22 қазан 2019

Бүгін Абай атындағы Мемлекеттік академиялық опера және балет театрында Халық жазушысының 95 жылдық мерейтойына орай мерекелік кеш өтті.

 

Салтанатты шараға Мемлекеттік хатшы Қырымбек Көшербаев, Алматы әкімі Бақытжан Сағынтаев, Қазақстанның мәдениет және спорт министрі Ақтоты Райымқұлова, жазушылар, аудармашылар, шығармашыл зиялы қауым мен жастар қатысты.

Мемлекеттік хатшы Тұңғыш Президент – Елбасы Нұрсұлтан Назарбаевтың және Мемлекет басшысы Қасым-Жомарт Тоқаевтың құттықтауларын оқып берді. Оларда жазушының отандық әдебиет пен мәдениетті дамытуға қосқан орасан зор үлесі үшін алғыс сөздер айтылған.

Өз кезегінде Алматы қаласының әкімі Әбдіжәміл Нұрпейісовтың шығармаларын тек Қазақстанда ғана емес, әлемнің де білетінін атап өтті. Оның шығармалары 35 тілге аударылған және миллиондаған тиражбен дүниежүзіне тараған.

«Біз, алматылықтар, оның жақында Алматы қаласының Құрметті азаматы атанғанына мақтанамыз. Бұл – Ұлы жазушы шығармалары оқырмандарының оған көрсеткен құрметі мен алғысы», - деп атап өтті Б. Сағынтаев.

Әбдіжәміл Нұрпейісов 1924 жылы 22 қазанда туылған. 1942 жылы орта мектепті бітірген соң Қызыл Армия қатарына шақырылады. Запасқа шыққаннан кейін 1947 жылдың қаңтарында өткен соғыстың жадында әлі де сақталған естеліктері бойынша өзі қатысқан Курляндиядағы жау әскерін қоршау операциясы туралы алғашқы ірі туындысын жазуға кіріседі. «Курляндия» деп аталатын роман қоғамның жоғары бағасын алып, 1950 жылы Қазақ ССР-інің Жамбыл атындағы Мемлекеттік сыйлығына ие болады.

Оның екінші ірі шығармасы – маңызды эпикалық тақырып - революцияға дейінгі аралдық балықшылардың өміріне арналған «Ымырт», «Сергелдең», «Күйреу» кітаптарынан тұратын «Қан мен тер» тарихи-революциялық трилогиясы.

1974 жылы роман КСРО Мемлекеттік сыйлығын иеленді. «Қан мен тер» романының сценариі бойынша көркемсуретті фильм түсіріліп, пьесалар қойылды.




  «« | »» «  | Барлық жаңалықтар


«Құрбан болған тұлғалар» көрмесінің ашылуы жайында »»
06 желтоқсан 2019 - 18:48
Алматы қаласы әкімдігінің баспасөз орталығында ҚР Мемлекеттік орталық музейінің Қазақстан тарихын зерттеу орталығы өкілдерінің қатысуымен брифинг өтті. Қазақстан тарихын зерттеу орталығының ғылыми қызметкері Гулсара Жапақованың хабарлауынша, ағымдағы жылдың 9 желтоқсаны күні сағат 15.00-де Қазақстан Республикасы Мемлекеттік орталық музейі қазақ халқының Үш бәйтерегі, сталиндік зобалаңның құрбандары, артына өшпес рухани мұра қалдырған қазақтың ақиық ақыны, қоғам қайраткері – Ілияс Жансүгіров, жалынды ...
«Еститін мемлекет» осылай жұмыс істейді - Б. Сағынтаев аудандардың проблемаларын шешуде »»
06 желтоқсан 2019 - 18:50
Бүгін, 6 желтоқсанда Алматы әкімі Бақытжан Сағынтаев Жетісу ауданының тұрғындарымен екінші рет кездесу өткізді.   «Еркін микрофон» форматындағы кездесу Кемел ықшамауданының мәдениет үйінде өтті, 23 тамызда болған кездесуде тұрғындар барынша өзекті мәселелерді көтерген еді. Мұнда 10 мыңнан астам адам тұрады. Қалаға осыдан 5 жыл бұрын қосылған «Первомайский» поселкесінде ұзақ уақыт бойына дамыған коммуналды инфрақұрылым, су мен жол болған емес. Бүгінгі күні бұл проблемалар &laqu...
Рухани құндылықтар – қоғам бірлігінің негізі
06 желтоқсан 2019 - 16:35
Осындай тақырыпта Алматыдағы Нұр-Мүбарак университетінде имамдардың аймақтық форумы өтіп, оның жұмысына Алматы қаласы әкімінің орынбасары Ержан Бабақұмаров, Қазақстан мұсылмандары Діни басқармасының төрағасы, бас мүфти Серікбай қажы Ораз қатысты. Шара барысында Алматы қаласы әкімінің орынбасары Ержан Бабақұмаров қоғам мен діни қызметкерлер алдындаөскелең ұрпақты патриотизм мен отансүйгіштік рухында тәрбиелеу міндеті тұрғанын атап өтті. «Діни қызметкерлер жастардың деструктивті идеялардың жетегінде к...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56