^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жұма, 10 сәуір 2020
 
     
 
Жаңалықтар
Алматы әкімдігінде қалалық қоғамдық көліктің жағдайы мен дамуы туралы айтылды
07 қараша 2019

Алматы қаласы әкімдігінің баспасөз орталығында қалалық қоғамдық көліктің жағдайы, дамуы және оның қызмет көрсету сапасын арттыру туралы брифинг өтті.

 

Брифинг барысында Қалалық мобилділік басқармасы басшысының орынбасары Ерлан Әділов қалада жолаушыларды тұрақты тасымалдаумен 14 автопарктің айналысатынын, олардың 13-і жекенікі, ал біреуі коммуналды екенін айтты.

226 бағыт ұйымдастырылған, оның 120-ы қалалық, (112 автобус, 8 троллейбус бағыттары); қалааралық (облысаралық) – 45; қала маңы – 61. Айта кетерлігі, қала бағыттары бойынша күн сайын 1 млн 250 мыңға жуық тасымал болады. Бағыт жүйелерін одан әрі кеңейту мақсатында жаңадан №33,113, 204, 206, 208 бағыттарын ашу жоспарланған, олар қала ішінде және қала маңындағы түрлі елді мекендерге жолаушыларды тасымалдайды.

Соңғы бес жыл ішінде газбен және дизельмен жүретін 1331 жаңа автобус сатып алынды. Биылғы жылы тағы 450 автобус сатып алу жоспарланған (АЭТ – 260 бірлік, жеке тасымалдаушылар 190 бірлік.), олардың 222 автобусы жеткізілді.

Қала маңына жүретін қоғамдық көлікті дамыту мақсатында бес тұрақты бағыттар ұйымдастырылған, олар: «Сайран» автовокзалы – Қаскелең қаласы (№202 бағыт, ұзындығы 29 км, жылжымалы бірлік саны – 20, тариф – 80 теңге, субсидия сомасы – 155 млн теңге); метроның «Райымбек» бекеті - Талғар қаласы (№203 бағыт, ұзындығы 40 км, жылжымалы бірлік саны - 15, тариф – 80 теңге, субсидия сомасы – 449 млн тенге); Спорт сарайы - «Пионер» санаторийі (№209 бағыт,ұзындығы 33 км, жылжымалы бірлік саны – 2, тариф – 300 теңге); Спорт сарайы - «Ой-Карағай» санаторийі (№210 бағыт, ұзындығы 31 км, жылжымалы бірлік саны – 2, тариф– 300 теңге); Спорт сарайы – Алма-Арасан (№211 бағыт, ұзындығы 44 км,жылжымалы бірлік саны– 2, тариф – 300 теңге).

Қалада автобус және троллейбус бағыттарынан өзге метро қызмет көрсетеді. Алматы метрополитені күн сайын 14 миллионнан астам адам тасымалдайды. Бес жыл ішінде (2014-2018 жылдар) метродағы жолаушылар ағыны 216 процентке артты, егер 2014 жылы 6,8 млн болса, 2018 жылы 14,7 млн адамға дейін өсті. Ағымдағы жылы метрополитен 12,9 млн жолаушыны тасымалдады. «Сарыарқа» және «Достық» бекеттері пайдалануға берілсе, метроауқымы кеңейеді, яғни Абай даңғылының бойымен Алтынсариннен Момышұлы көшесіне дейін 3,1 километрге ұзарады. Мұнда жолаушылар ағыны тәулігіне 86 мың адам болады деп күтілуде. Бекеттер құрылыстарының аяқталу мерзімі – 2021 жыл. Сонымен қатар, метроның «Қалқаман» және «Батыс автовокзалы» атты екі бекетінің жобасы жасалуда.

Бүгінгі күні «Оңай» электронды билет жүйесі қаланың қоғамдық көлігінің құрамдас бөлігіне айналды. Жүйе іске қосылған үш жыл ішінде 970 млн астам транзакция жасалды, қазіргі кезде күн сайын 1 250 мың тасымал жасалуда, «Оңай» картасын 1 млн астам адам белсенді қолдануда. Жүйе тасымалдаудың ашықтығын арттырды, жолаушылар ағынының 40%-ы, транзакция табысының 65%-ы көлеңкеден шығарылды. 2019 жылы «Транспорт холдингі» ЖШС компаниясы қосымша жабдықтар - терминалдар, сервер құралдарын сатып алу және бағдарламалық қамтамасыз ету үшін 280 млн теңгені инвестиялады.

«Оңайды» енгізу тасымалдың нақтылы экономикасына мүмкіндік берді және соның арқасында субсидия бөліне бастады. Өткен жылы тасымалдаушыларды қолдау үшін қала бюджетінен 9 млрд астам теңге бөлінді. 2019 жылы бөлінгені - 20 млрд теңге - бұл барлық қала бюджетінің 1/15 бөлігі. Қазіргі кезде жолақысының нақтылы бағасы 220 теңгеден астам, ал қала тұрғындары «Оңай» арқылы небәрі 80 теңге төлейді, яғни жолақысының тек жартысын ғана. Азаматтардың бірқатар санаттары (балалар, оқушылар, студенттер, мүгедектер, зейнеткерлер және басқалары) тегін жүреді немесе 40 теңге төлейді.

- Қыс мезгілінде үздіксіз қызмет көрсету үшін қажетті қосалқы бөлшектер (шиналар, аккумуляторлар) сатып алынды және ЖЖМ жеткізушілермен келісімшарт жасалды, - деп атап өтті «Алматыэлектротранс» ЖШС директоры Ғани Тәжиев.

Сапалы қызмет көрсету үшін әлеуметтік маңызы бар бағыттардың тасымалдаушыларына субсидия дер кезінде бөлінеді.

Коғамдық көліктің кестесі мен интервалын сақтауда жедел шара қолдану үшін диспетчерлік қызметтің жұмысы күшейтілді.

  «« | »» «  | Барлық жаңалықтар


Алматыда «Жаңа Алатау қоры» есебінен 12 000 адам азық-түлік қоржынын алды  »»
09 сәуір 2020 - 17:53
Бұл туралы Алматы қаласы әкімдігінің баспасөз орталығында өткен онлайн-брифингте Қамқоршылар кеңесінің төрағасы Рахман Алшанов мәлімдеді.   «Бүгінгі таңда Алматы қаласы аумағында төтенше жағдайдың енгізілуіне байланысты қала халқының осал топтарына жан-жақты әлеуметтік көмек көрсету жұмыстары жалғасуда. Өздеріңіз білесіздер, «Жаңа Алатау» қоғамдық қорына алғашқылардың бірі болып ҚР Тұңғыш Президенті – Елбасы Нұрсұлтан Назарбаевтың қорынан 100 млн. теңге қаражат келіп түскен бо...
Қоғамдық көлікте жолаушылар азайды
08 сәуір 2020 - 15:32
Алматы қаласының әкімдігінің баспасөз орталығында қалалық Мобильділік басқармасының басшысы Сағындық Телібаев БАҚ өкілдеріне арнап онлайн брифинг өткізді.   «Алматы қаласында карантин тәртібінің енгізілуіне және барлық ұйымдардың жұмыс уақытының қысқаруына байланысты қоғамдық көліктің жұмыс уақытын сағат 19.00-ге дейін қысқарту туралы шешім қабылданған еді. Соңғы аптада жолаушылар ағынының 80%-дан астамының азайғаны байқалды», — деп атап өтті Сағындық Телібаев. Басқарма басшысының ...
Президенттің тапсырмасы бойынша сәуір айынан бастап алматылық 589 мың адамға зейнетақы мен жәрдемақы беріледі »»
08 сәуір 2020 - 14:16
Бұл туралы Алматы қаласы әкімдігінің баспасөз орталығында өткен брифингте Еңбек, әлеуметтік қорғау және көші-қон комитетінің Алматы қаласы бойынша департаментінің басшысы Айдынжан Нарматов мәлімдеді.   Спикер Қазақстан Республикасының Еңбек және халықты әлеуметтік қорғау министірінің 2020 жылғы 25 наурыздағы № 109 бұйрығымен бекітілген Төтенше жағдай кезеңінде әлеуметтік-еңбек саласындағы кейбір мемлекеттік қызметтерді көрсету қағидаларының, Төтенше жағдай кезеңінде мүгедектігі бойынша мемлекеттік әл...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56