^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сенбі, 4 сәуір 2020
 
     
 
Жаңалықтар
Алматы қаласында жұмыс істейтін жастар үшін жалға берілетін тұрғын үйлер туралы
14 қараша 2019

Алматы әкімдігінің баспасөз орталығында Қазақстан Республикасының Тұңғыш Президенті – Елбасының тапсырмасы бойынша сатып алу құқығынсыз жұмыс жасайтын жастарға жалға берілетін тұрғын үйлер туралы брифинг өтті.

 

Қазақстан Республикасы Үкіметінің 2018 жылғы 22 маусымдағы №372 қаулысымен бекітілген «Нұрлы жер» тұрғын үй құрылысы Мемлекеттік бағдарламасының 3 тармағы мен 5.1 тармағында жұмыс жасайтын жастарға сатып алу құқығынсыз жалға пәтер алу үшін қойылатын талаптар көрсетілген.

Алматы қаласы Тұрғын үй саясаты басқармасы басшысының орынбасары Айбек Сайделдаев жалға пәтер берудің бірінші пулында Алатау ауданының Көкқайнар ықшамауданында орналасқан 249 пәтерге өтініш қабылдау 30 қазан мен 12 қарашада жүргізілгенін атап өтті.

Жұмыс жасайтын жастардан өтініш пен құжаттарды қабылдау үшін арнайы www.almaty-jastary.kz сайты ашылды. Бүгінгі күнге дейін аталған сайтқа 1244 өтініш түскен.

Айбек Сайделдаев қазіргі кезде жалға үй берудің бекітілген ережесі бойынша құжаттардың толықтығы мен сәйкестігіне, баллдарды есептеуге және жалға пәтер алатын үміткерлердің тізімін жасауға қатысты жұмыстардың жүріп жатқанын айтты.

Балл есептеу баллдық жүйе бойынша атқарылады:

1) Өтініш беруші мамандық нарығының тізімі бойынша өте қажет 100 (жүз) мамандықтың Қазақстан Республикасының Үкіметі 2018 жылы 13 қарашада №746 қаулысымен бекіткен «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасына сәйкес құзырлы орган бекіткен мамандықтың бірін игерсе - 10 балл;

2) Отбасы болса – 5 балл, некеде тұрған әр жылы үшін – 2 балл;

3) 1 (бір) баласы болса – 1 балл, одан кейінгі әр бала үшін – 2 балл;

4) кемдегенде 1 жыл ішінде кәсіпкерлікпен айналысса – 5 балл, әр жыл үшін – 1 балл;

5) өтініш берушінің әр саладағы жеке жетістігі үшін – 2 балл;

6) бюджеттік ұйымдарда атқарған қызметі (мемлекеттік мекемелер мен мемлекеттік кәсіпорындар) үшін – 5 балл, өтілінің әр жылы үшін – 1 балл;

7) екінші деңгейлі банктерде жинақтаушы есебі (депозиттер) болса – 2 балл.

Баллдар тең болған жағдайда көрсетілген мерзім бойынша өтінішті ерте берген үміткерге басымдық беріледі.

Жинақталған баллдар есептелген соң сайтта бағдарламаға қатысушылардың жалпы тізімі жарияланады, одан соң жалға пәтер алуға өтініш берген әрі жоғары балл жинаған үміткерлермен тұрғын үйді жалға беру туралы келісім – шарт жасалады.

Брифинг барысында Айбек Сайделдаев ағымдағы жылдың соңына дейін тағы 1000 пәтер бөлінетіндігін, аталған бағдарлама бойынша өтініш қабылдау одан әрі жалғасатынын атап өтті.

  «« | »» «  | Барлық жаңалықтар


Қазақстанда автокөліктерге арналған сұйытылған мұнай газының орташа бөлшек бағалары төмендейді »»
03 сәуір 2020 - 15:46
Елде мемлекеттік реттеуді енгізу арқылы төтенше жағдай кезінде автокөліктерге жанармай құю үшін сұйытылған газдың бағасы тұрақтандырылады, бұл өз кезегінде халықтың тұтыну қоржынының құнын төмендетеді, деп хабарлайды ҚР Энергетика министрлігінің баспасөз қызметі.   ҚР Президенті жанындағы төтенше жағдай режимін қамтамасыз ету жөніндегі мемлекеттік комиссия отырысының 2020 жылғы 30 наурыздағы № 8 хаттамасының 8.2-тармағына сәйкес Энергетика министрлігіне Ұлттық экономика министрлігі және Әділет минист...
Алматыда COVID-19 індетіне тексерілетін адамдардың қатары кеңейді »»
03 сәуір 2020 - 15:39
Бұл туралы Алматы қаласы әкімдігінің баспасөз орталығында өткен онлайн брифингте қалалық Тауарлар мен қызметтер сапасын және қауіпсіздігін бақылау департаментінің басшысы Айзат Молдағасымова мәлімдеді.   «Біз Денсаулық сақтау министрлігінің тапсырмасы бойынша пневмония және ЖРВИ-дің ауыр түрімен стационарға келетін науқастардың барлығын коронавирус инфекциясына тексеретін боламыз. Әзірге өкпе қабынуының белгілері бар 49 адам тексерістен өтті. Соның ішінде пневмониясы бар бір науқаста қауіпті ін...
Қазақстанда МӘСҚ-тан берілетін төлемге өтініш беруге арналған қосымша сервис іске қосылды »»
03 сәуір 2020 - 12:55
Президент Әкімшілігінің тапсырмасы бойынша ҚР Еңбек және халықты әлеуметтік қорғау министрлігі ПӘ жанындағы құрамына IT-сарапшылары мен IТ-компаниялары кіретін IT-штабымен бірлесе отырып Қазақстанның Цифрлық даму, инновациялар және аэроғарыш өнеркәсібі министрлігінің көмегімен төтенше жағдай кезеңінде табысынан айырылуғабайланысты Мемлекеттік әлеуметтік сақтандыру қорынан (бұдан әрі – МӘСҚ) берілетін төлемдерге өтініштер беру үшін сервис құрды.   Сервис Enbek.kz электрондық еңбек биржасының ала...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56