^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 30 наурыз 2020
 
     
 
Жаңалықтар
Алматы мен Мәскеу ынтымақтастық туралы меморандумға қол қойды
15 қараша 2019

Мәскеудің Алматыдағы күндері аясында екі қаланың бауырластық қатынастарының 25 жылдығына орай инвестиция, сауда-экономикалық және іскерлік ынтымақтастық мәселелері бойынша конференция өтті.

 

Алматы қаласы әкімінің орынбасары Е. Бабақұмаров конференцияға қатысушыларға арнаған құттықтау сөзінде екі қаланың достық қарым-қатынасының өміршеңдігін ерекше атады.

«Кезінде Алматыда тарихи және мәдени тұтастық біріктірген екі ел арасында стратегиялық маңызы бар байланыстар туындаған болатын. Біз заманауи Мәскеудің даму үрдісін жіті қадағалаймыз, жетістігіне қуанамыз, озық тәжірибесін үйренеміз», - деді Ержан Бабақұмаров және Алматыдағы Мәскеу күндерінің екі қаланың пайдасы үшін тәжірибе алмасуға, жаңа идеялар мен жоспарларды бөлісуге мүмкіндік беретінін атап өтті.

Қала әкімінің орынбасары Алматы Қазақстанның мәдени және іскерлік орталығы екенін қадап тұрып айтты. Ең бастысы, дамыған инфрақұрылым, қаламыздың зияткерлік және мәдени бай мұрасы мен ондаған жылдар бойына жинақталған адами капитал креативті экономиканың дамуына кеңінен жол ашады.

«Айта кетерлігі, біздің қалаларымыз арасындағы ынтымақтастықты одан әрі нығайтуда жергілікті әкімшілік, іскер жандар мен шығармашыл ұжымдар делегацияларының пікір алмасу сапарларының, кездесулерінің, келіссөз жүргізулерінің маңызы зор», - деді Е. Бабақұмаров.

Өз кезегінде Алматыдағы Ресейдің Бас консулы Евгений Бобров Ресей мен Қазақстан арасындағы ынтымақтастықта Мәскеу мен Алматының басты рөл атқаратынын атап өтті.

«Алматы мен Ресей арасындағы тауар айналымы 2018 жылдың қорытындысы бойынша 4,7 млрд. долларға жетті. Ал, Мәскеу мен Қазақстан арасындағы тауар айналымы 4 млрд. долларды құрайды», - деді Бас консул және Алматыдағы Мәскеу күндерінің іскерлік мазмұнға бай екенін әрі екі жақты байланысты одан әрі нығайта түсетінін атап өтті.

Алматы әкімдігі мен Мәскеу үкіметі арасында 2020-2023 жылдарға арналған ынтымақтастық туралы меморандумға қол қойылды. Құжат сауда-экономикалық, гуманитарлық және мәдени ынтымақтастықта екіжақты қарым-қатынасты айқындайды.

Алматы әкімдігі тарапынан меморандумға қала әкімінің орынбасары Ержан Бабақұмаров, ал Мәскеу үкіметі жағынан Мәскеу үкіметінің министрі, сыртқыэкономикалық және халықаралық байланыстар департаментінің басшысы Сергей Черемин қолдарын қойды.





  «« | »» «  | Барлық жаңалықтар


Алматыда карантин кезеңінде қызметіне рұқсат етілген кәсіпорындар үшін ақпараттық хабарлама »»
30 наурыз 2020 - 17:40
2020 жылдың 30 наурызы мен 5 сәуірі аралығында қалада барлық ұйымдар мен кәсіпорындардың жұмысы уақытша тоқтатылады. Қаланың тыныс-тіршілігін қамтамасыз ететін қажетті компаниялар ғана жұмысын жалғастырады.   Ары-қарай оқу үшін және қандай салалар өз жұмысын жалғастыратыны туралы мына сілтемеден қарау керек: https://almaty.gov.kz/page.php?page_id=4099&lang=1&news_id=17206 Егер сіздің компанияңыз рұқсат етілген салаларға кірсе, төменде берілген нысандарды толтыру қажет: - Компаниялар бойынш...
Алматыда онлайн жаттығу өтеді
30 наурыз 2020 - 11:34
Алматы қаласының Спорт басқармасы карантин кезінде спортпен шұғылдануды және үйде пайдалы уақыт өткізуді ұсынады.   Төмендегі сілтемелер бойынша онлайн жаттығуларды жоғары дәрежелі мамандар жүргізеді. Кестеге сәйкес ыңғайлы уақытты және сүйікті спорт түрін таңдай аласыздар. Үйде болыңыздар!   Дүйсенбі 10.00-10.30 с. – @rovald сілтемесі бойынша спорттық билер. 10.00-10.30 с. – @tulapin сілтемесі бойынша жеңілатлетшілердің жаттығулары. 11.00-11.15 с. – @armyzoj сілтемесі бой...
ТЖ кезеңінде әлеуметтік төлемдерді алу рәсімі жеңілдетілді »»
29 наурыз 2020 - 16:13
ҚР Еңбек және халықты әлеуметтік қорғау министрлігі төтенше жағдай кезінде табысынан айырылу жағдайларына байланысты Мемлекеттік әлеуметтік сақтандыру қорынан (бұдан әрі – МӘСҚ) жаңа әлеуметтік төлем тағайындалатын азаматтардың тізімін кеңейтті және оны тағайындау шарттары жеңілдетілді.   Бірінші. Төлем алушылар шеңбері кеңейтілді. Бастапқыда бір адамға айына 42,5 мың теңгені (ең төменгі жалақы) құрайтын әлеуметтік төлем азаматтардың келесі санаттарына төленуі керек еді: - орта, шағын және ми...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56