^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 8 шілде 2020
 
     
 
Жаңалықтар
Барлық қаражат жолдағы қауіпсіздікті қамтамасыз етуге бағытталған – Алматы полициясы «Сергектің» жұмысы туралы
10 қаңтар 2020

Алматыда жолдағы қауіпсіздікті қамтамасыз ету мәселелері бойынша баспасөз мәслихаты өтті, оның жұмысына Алматы қаласы полиция департаменті әкімшілік полиция басқармасының бастығы Жандос Мұраталиев, «Сергек» жобасын басқару бойынша директор Бибігүл Айтүкенова, сонымен қатар сараптама қоғамдастығы мен жұртшылық өкілдері: тәуелсіз Автомобиль одағының төрағасыЭдуард Александрович Эдоков, қоғам өкілі Думан Қапасов қатысты.

 

Алматыдағы жолдардың қауіпсіздігін қамтамасыз ету мақсатында «Сергек» фотовидеофиксация мен талдау жобасы енгізіліп, 400 аппараттық-бағдарламалық кешен орнатылды. Аталған жобаны мемлекеттік-жекешелік серіктестік аясында Алматы қаласының полиция департаменті және қазақстандық ІТ компаниямен бірге «Көркем Телеком» ЖШС жүзеге асыруда. Бүгінгі күні барлық қондырғылар Алматы қаласының полиция департаментіне берілген.

Алматыдағы аппараттық-бағдарламалық кешендер мынадай ЖКО түсіріп алады, олар:

-         жылдамдықты асыру;

-         бағдаршамның тыйым салған дыбысын елемеу;

-         жолақ талабын бұзу, тоқтау желісінен өту;

-         қоғамдық көлікке бөлінген жолаққа шығып кету.

Бұлардан өзге, «Сергек» жүйесі жаяу жүргіншілердің реттелмеген өтпелі жолдарын бақылайды.

«Әкімшілік айыппұлдар ең соңғы тиынына дейін мемлекеттік бюджетке түседі. Өзге өңірлерде жол-көлік оқиғалары азайды», -деді БАҚ өкілдерінің сұрақтарына жауап берген Алматы қаласы полиция департаменті әкімшілік полиция басқармасының бастығы Жандос Мұраталиев. Түскен қаражаттың барлығы жолдағы қауіпсіздікті қамтамасыз ету шараларына жұмсалуда.

Ж. Мұраталиев өзінің сөзінде ЖКО санының артуы салдарынан апат жиі болатын жерлерге «Сергек» кешенін орнату туралы шешім қабылданғанын айтты. Мұнда азаматтардың ұсыныстары да ескерілді. Олардан 30 мыңнан астам ұсыныс түскен.

«Сергек» жүйесі жолдағы жағдайды «жасанды интеллект» және компьютерлік көру арқылы талдайды. Әрбір аппараттық-бағдарламалық кешендегі қысқа және жалпы бағытты шолу камералары тек қозғалыс бөлігін ғана емес, қаладағы қоғамдық қауіпсіздікті де бақылайды. Жол–көлік қозғалысы бұзылған жағдайда мәліметтер жол қозғалысы қауіпсіздігінің автоматты ақпараттық жүйесіне беріледі, әкімшілік полиция оны тексерген соң ғана тәртіп бұзғандарға айыппұл төлеу үшін жіберіледі.

Бұрындары мұндай жоба Нұр-Сұлтан қаласында қолға алынған еді. «Сергек» жобасын басқару бойынша директор Бибігүл Айтүкенова жыл ішінде ЖКО бойынша адам өлімі деңгейінің екі есе қысқарғанын айтты.

Өз кезектерінде сараптама қоғамдастығы мен жұртшылық өклдері де «Сергек» жүйесінің жұмысы маңызды екенін атап өтті.

Тәуелсіз Автомобиль одағының төрағасы Эдуард Александрович Эдоков «Сергекті» енгізу әлемдік тәжірибеге сай екенін айтты.

«Сергектерді» енгізу дұрыс әрі пайдалы деп есептеймін. Бұл қатардағы әлемдік тәжірибе. Біздерді, жүргізушілерді жол –көлік қозғалысы кезінде бақылау, ал ережені бұзатын болсақ, жазалау қажет. Қазіргі кезде осы тақырыпқа қатысты көтерліген хайп толқыны бірінші кезең ғана, біртіндеп барлығымыз оған үйренетін боламыз», - деді Э.Эдоков.

Сарапшы кезінде жол қозғалысы қауіпсіздігін сақтауда маңызды шарт болып табылатын белдікті қадау туралы ережені көпшіліктің жатырқай қабылдағанын еске түсірді.

«Бәріміз үшін пайдалы әрі қарапайым әдіс, ережені бұзбау, бар болғаны сол ғана. Ережені бұзбайтын болсаң ешкімге, полицияға да, мемлекетке де төлемейсің. Өз жолыңмен кете бересің. Өзің де қауіпсізсің, өзгелер де қауіпсіз. Мұндай камералар көп болса, бәрімізге пайдалы», - деп атап өтті Эдуард Эдоков.

«Қазақстанның велоқауымдастығы» қоғамдық бірлестігінің өкілі Думан Қапасов «Сергек» кешенінің көліктің барлық түрлерін жүргізу мәдениетін арттыратынын, көлік қозғалысына қатысушылардың барлығының, әсіресе жаяу жүргіншілер мен велосипедшілердің қауіпсіздігіне оң ықпал ететінін айтты.

  «« | »» «  | Барлық жаңалықтар


Алматыда дәрі-дәрмек нарығындағы жағдайды тұрақтандыру бойынша шаралар қабылданды »»
07 шілде 2020 - 23:20
Қала әкімі Бақытжан Сағынтаев дәрі-дәрмектердің дәріханаларға жеткізілуі және оның қажетті қоры туралы мәлімдеді.   Бұл ретте өзінің Facebook-тегі жеке парақшасында дәріханаларда орын алған дүрлікпеге қатысты жағдайға да түсініктеме берді. «Сұранысқа ие препараттарға деген қажеттілікті тұрақтандыру үшін 1 шілдеден бастап дәріханаларға 475 мың дана әлеуметтік маңызы бар препараттар, соның ішінде 260 мың парацетамол, 98 мың аспирин, 35 мың ингавирин, 22 мың азитромицин, 15 мың кардиомагнил және ...
Күшейтілген карантин кезінде Алматыдағы қоғамдық көліктердің жұмысы туралы »»
07 шілде 2020 - 19:21
Алматы қаласының өңірлік коммуникациялар қызметінің алаңында өткен онлайн брифинг барысында Қалалық мобильділік басқармасының басшысы Ерлан Әділов қоғамдық көліктердің қазіргі жұмыстары туралы айтты.   Қатаң карантин кезеңіне шектеу шараларының енгізілуіне байланысты қоғамдық көліктердің жұмыс режимі жұмыс күндері 22.00-ге дейін қысқарды. Бұған дейін, қоғамдық көліктердің жұмысы 23.00-ге дейін жалғасатын. Бұдан бөлек, демалыс күндері қоғамдық көліктердің жұмысы толығымен тоқтатылды, соның ішінде кор...
Бауырлас қалалар басшылары арасындағы келісім аясында мәскеулік дәрігерлер бригадасы Алматыдағы стационарлар базасында COVID-19-ға қарсы күреске қатысатын болады »»
07 шілде 2020 - 12:09
Алматы қаласының әкімі Бақытжан Сағынтаев аппараттық кеңесте коронавирус инфекциясының таралуын болдырмау жөніндегі Комиссия  мүшелеріне екі мегаполис мэрлері арасындағы келісім бойынша кеше қалаға келген мәскеулік мамандар бригадасының басшысын Мәскеу қаласы Денсаулық сақтау департаменті басшысының орынбасары Алексей Токаревті таныстырды.   Қазіргі кезде коронавирус пандемиясына қарсы бірлесіп күресудің жобасы қолға алынуда. Бұл жобаны Алматы әкімдігі тарапынан әкімнің орынбасары Ержан Бабақұма...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2020 Осы сайта жарияланған барлық материалдардың құқығы Алматы қаласының Әкімідігіне тиесілі.
Email: akimat@almaty.kz