^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жексенбі, 23 ақпан 2020
 
     
 
Жаңалықтар
Медициналық қызметтердің сапасы артады
07 ақпан 2020

Бұл туралы Алматы қаласының әкімі Б. Сағынтаев «Думан» ықшамауданының тұрғындарымен өткен кездесуде мәлімдеді. Жиында Медеу ауданының әкімі Сұлтанбек Мәкежанов атқарылған жұмыстар жайында есеп берді.

Шаһарбасшысы Бақытжан Сағынтаев аудан әкімдерінің есептік кездесулеріне іріктеп қатысып келеді. Әр аудан әкімі аудан тұрғындарымен 5 рет кездесу өткізеді. Жиында Сұлтанбек Алмасбекұлы ауданның әлеуметтік-экономикалық дамуы мен шешілген инфрақұрылымдық мәселелер туралы баяндады. Өткен жылы жалпы ұзындығы 33 шақырым болатын 19 көшенің сыртқы жарықтандыру желісінің құрылысы аяқталды. 1084 жарық нүктелері орнатылды. Ағымдағы жылы 279 көшеде және 27 аулада 6200 жарық нүктесін орнату жоспарлануда. Қала әкімінің тапсырмасы бойынша, өткен жылы Керей-Жәнібек хандары көшесіндегі тұйық көше тұрғындарының мәселесі шешілді. Көшкін салдарынан жеке үйлердің құлау қаупі болған еді. Қазіргі уақытта беткейді нығайту жұмыстары аяқталды. Жол жөнделіп, абаттандыру жұмыстары жүргізілді. Осылайша 120 адамның өмірі қауіпсіздендірілді. Сондай-ақ бірнеше жылдан бері көктемгі және күзгі кезеңдерде «Терісбұлақ» өзенінің бойындағы 50-ден астам жеке тұрғын үйді су басқан еді. Бұл мәселе өзен арнасын тереңдете отырып, қалпына келтіру-нығайту жұмыстарынан кейін шешімін тапты. Бұл 300-ге жуық тұрғынның өміріне қауіп жоқ деген сөз. Өткен жылы 52 аулаға күрделі жөндеу және 30 аулаға ағымдағы жөндеу жұмыстары жүргізілді. Ағымдағы жылы тағы 41 аулаға күрделі және ағымдағы жөндеу жұмыстарын жүргізу жоспарлануда. Медициналық қызметтердің сапасы мен қолжетімділігін қамтамасыз ету маңызы болып тұр. Қала әкімінің тапсырмасы бойынша «Тау-Самал», «Кеңсай», «Көлсай», «Сұлусай» ықшамаудандарында 4 фельдшерлік-акушерлік пункт ашылды. Осылайша 12 мыңнан астам тұрғынға медициналық көмектің қадамдық қолжетімділігі қамтамасыз етілді. Жалпы, қала әкімі Б. Сағынтаев атап өткендей, медициналық мекемелерді жабдықтармен жабдықтау мәселесі өзектілігін жойған емес. Өткен жылы жүргізілген аудит қаланың емханалары мен ауруханаларының жабдықталуы небәрі 20%-ды құрайтынын көрсетті.

«Сондықтан біз қаланың медициналық мекемелерін жаңарту мен қажетті жабдықтармен жарақтандырудың үш жылдық жоспарын әзірледік. Осылайша медмекемелердің жабдықталуын 90%-ға жеткізбекпіз. Осы жылға қаражат бөлінді», – деді қала әкімі.

Кездесуді қорытындылай келе, Б. Сағынтаев тұрғындарды ашық әңгімесі үшін алғыс білдіріп, мұндай кездесулер әкімдіктегілерге тұрғындардың талап-тілегін жақынырақ білуге мүмкіндік беретінін айтты.

«Шағын учаскелердегі мұндай кездесулер әр ауданда өтуде. Тұрғындардың белсенділігі жергілікті сипаттағы проблемаларды жедел шешуге, сондай-ақ қысқа мерзімді және орта мерзімді даму жоспарларына түзету енгізуге септігін тигізеді», – деп атап өтті шаһар басшысы Бақытжан Сағынтаев.

 






  «« | »» «  | Барлық жаңалықтар


Алматыда демалыс күндерінің жаңа жәрмеңкелері ашылды »»
21 ақпан 2020 - 13:10
Алматыда демалыс күндері жаңа жәрмеңкелер ашылады. Олар қаланың 8 аудандарында сенбі және жексенбі күндері сағат 9.00-ден 18.00-ге дейін өтеді.   Алматыда әлеуметтік маңызы бар өнімдердің бағасын реттеу мақсатында қала әкімдігі және «Алматы» ӘКК бірқатар нақтылы шараларды жүзеге асыруда. Солардың бірі - «демалыс күнінің жәрмеңкесін» өткізу. 2019 жылы Алматыда «демалыс күнінің» 4 жәрмеңкесі жұмыс жасады. Енді 2020 жылдың басына бері тағы жаңа 6 сауда нүктесі ашылды...
Сағынтаев алматылықтар шағымданған әлеуметтік нысандарды аралады »»
20 ақпан 2020 - 17:08
Алматы әкімі Бақытжан Сағынтаев есептік кездесу кезінде жұмыстарына алматылықтар шағымданған әлеуметтік қызмет орталығы мен балалардың инфекциялық ауруханасында болды. Бұл туралы қала әкімі Instagram әлеуметтік желісіндегі өзінің жеке парақшасында жазды.   Арнайы әлеуметтік қызмет көрсететін №3 Орталықта 350 орын бар, мұнда қарт адамдар, оның ішінде қамқорлықты қажет ететін мүгедектер тұрады. Әкімнің есептік кездесуінде персоналдың жұмысы мен медициналық қызметтің сапасын тексеру бойынша шағым айтылғ...
Бақытжан Сағынтаев – Біз өзімізге жылдың соңына дейін Алматының барлық көшелерін жарықпен қамтамасыз етеміз деген биік мақсат қойдық »»
19 ақпан 2020 - 16:47
Бүгін мегаполис тұрғындарымен өткен есептік кездесуде Алматы қаласының әкімі Бақытжан Сағынтаев көшелерді жарықтандыру жұмыстары туралы мәлімдеді.   “Өткен жылы көшелерді жаңғыртуға бөлінген қаражат есебінен 300-ден астам магистральді көшелерді жарықтандырдық. Жарықтандыру мәселелері Алатау, Наурызбай, Жетісу аудандарында көтерілді. Біз жарық жүйесі жоқ барлық көшелердің тізімін қайта қарадық. Сондай мың көше анықталды. Жаңа жылдың басына қарай олардың саны екі мыңға жетті. Аудит және түгендеу...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56