^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сенбі, 4 шілде 2020
 
     
 
Жаңалықтар
Сағынтаев алматылықтар шағымданған әлеуметтік нысандарды аралады
20 ақпан 2020

Алматы әкімі Бақытжан Сағынтаев есептік кездесу кезінде жұмыстарына алматылықтар шағымданған әлеуметтік қызмет орталығы мен балалардың инфекциялық ауруханасында болды. Бұл туралы қала әкімі Instagram әлеуметтік желісіндегі өзінің жеке парақшасында жазды.

 

Арнайы әлеуметтік қызмет көрсететін №3 Орталықта 350 орын бар, мұнда қарт адамдар, оның ішінде қамқорлықты қажет ететін мүгедектер тұрады. Әкімнің есептік кездесуінде персоналдың жұмысы мен медициналық қызметтің сапасын тексеру бойынша шағым айтылған еді.

Қала әкімі Б. Сағынтаевтың тапсырмасы бойынша арнайы құрылған комиссия әділ баға беру үшін шағымда айтылған барлық жағдайларды жіті тексеретін болады. Бұл жұмысты жүргізу қала әкімінің орынбасары С. Тұяқбаевқа тапсырылды.

Айтылған басқа шағым бойынша Б. Сағынтаев балалардың қалалық клиникалық инфекциялық ауруханасында болды, мұнда ол көрсетілетін медициналық қызметтің тізімімен, құрал-жабдықтармен және медициналық қызметкерлердің біліктілігімен танысты.

Балалардың инфекциялық ауруханасына қала мен Алматы облысының елді мекендерінен күн сайын 300 бала жеткізіледі, олардың 80-ге жуығын стационарда ем алу үшін қалдырады.

«Осыдан 40 жыл бұрын 360 орынға есептеліп салынған қаладағы жалғыз мамандандырылған аурухананың жүктемесі арта түсуде. Сондықтан оның жанынан 70 орынды қосалқы нысан немесе заманауи 500 орынды балалардың инфекциялық ауруханасын салу мәселесін қарастырудамыз», - деп жазды Алматы әкімі Бақытжан Сағынтаев.

Сонымен қатар, ол аға ұрпақ өкілдері мен балалардың қамқорлық пен жіті назарды талап ететінін атап өтті.




  «« | »» «  | Барлық жаңалықтар


Алматыда Астана күніне орай жаңа медициналық орталық іске қосылады »»
04 шілде 2020 - 16:44
Астана күнін мерекелеу қарсаңында Алматыда бірқатар нысандар іске қосылады. Олардың арасында жайлы, жоғары технологиялық «МИПО» ЖШС медициналық орталығы бар.   Бүгінгі таңда эпидемиологиялық жағдайды тұрақтандыру мақсатында қала әкімшілігі тарапынан тұрғындарға жақын маңда орналасқан медициналық қызмет көрсету бойынша қарқынды жұмыстар жүргізілуде. «МИПО» медициналық орталығы 100 келушіге арналған, сонымен қатар оңалтуға арналған 40 орын бар. Орталықта 80 медицина қызметкері ж...
«Біз базалық индустрияны сақтап қалдық» — қатаң шектеу шаралары кезінде алматылықтардың ⅔ жұмысқа шығатын болады »»
04 шілде 2020 - 16:30
Бұл жөнінде Алматы қаласының өңірлік коммуникациялар қызметі алаңында Алматы қаласы әкімінің орынбасары Сапарбек Тұяқбаев айтып берді.   Эпидемиологиялық жағдай мен коронавирус инфекциясымен ауыру жағдайларының көбеюіне байланысты Алматыда ағымдағы жылдың 5 шілдесінен 20 шілдеге дейін қатаң шектеу шараларын енгізу туралы шешім қабылданғанын еске саламыз. Атап айтқанда, қызметі тоқтатылған объектілер қатарына сауда ойын-сауық орталықтары, жабық азық-түлік және азық-түліктік емес базарлар, аумағы 500 ...
Бақытжан Сағынтаев медицина қызметкерлеріне мемлекеттік марапаттарды тапсырды »»
04 шілде 2020 - 14:42
Астана күні қарсанында Президент Қ.-Ж. Тоқаевтың тапсырмасы бойынша Алматы әкімі Бақытжан Сағынтаев қаланың медицина қызметкерлеріне мемлекеттік наградаларды тапсырды.   Бақытжан Сағынтаев Instagram-дағы өзінің парақшасында марапаттар жанқиярлық еңбек пен кәсіпке деген адалдықтың өтеуі ғана емес, халықтың алғысы екенін жазды. «Бұл – қызметіне адал ақ халатты абзал жандарға көрсетілген әділ құрмет пен алғыс. Сырқат жанның дертіне дауа, еміне шипа таба білген алтын қолды дәрігерлердің ...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2020 Осы сайта жарияланған барлық материалдардың құқығы Алматы қаласының Әкімідігіне тиесілі.
Email: akimat@almaty.kz