^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Сәрсенбі, 3 маусым 2020
 
     
 
Жаңалықтар
Алматыда дезинфекциялық-санитарлық режимді күшейту туралы ақпараттық хабарлама
25 наурыз 2020

Бұл туралы қалалық әкімдіктің баспасөз орталығында өткен онлайн-брифингте Алматы қаласы Тауарлар мен қызметтердің сапасы мен қауіпсіздігін бақылау департаментінің басшысы Айзат Молдағасымова мәлімдеді.

 

Аулалар мен подъездерді залалсыздандыру жұмыстары бүгін таңертеңнен басталды. Алғашқылардың бірі болып «Самал-1» ықшамауданына жасалған шара барысында, тұрғындардан бірқатар сауалдар түсті. Олар дезинфекция жасалатыны туралы неге ертерек ақпарат берілмегені және залалсыздандыру шаралары біткеннен кейін қанша уақыттан соң сыртқа шығуға болатындары жайында сұрады.

«Егер химиялық қоспаны шашыратып сеуіп жүрген кезде адам сол араға жақын жүрсе зияны тиюі мүмкін. Дезинфекция жұмыстарындағы химиялық қоспа жерге немесе еденге тигеннен кейін тыныс алу органдарына әсер етпейді», – деді А. Молдағасымова.

Ол сондай-ақ, соңғы күндері Алматыда инфекция жұқтырудың бірнеше ошағы анықталғанын, бірақ, олардың жаңа келгендермен емес, ауру белгілері бар адаммен байланыста болғандардан анықталып отырғанын айтып өтті.

«Бүгінде Алматы қаласы бойынша коронавирус инфекциясы анықталған 15 індет ошағы бар. Өткен тәулікте екі ауру жұқтырған науқас қосылды. Олардың бірі бұрын ауру жұқтырған адаммен жақын байланыста болған. Екіншісі қыз бала – Цюрихтан ұшып келген. Ол барлық сақтық шараларын сақтап, үйіне көлікпен барған. Ешқандай туысымен жақын байланыста болмаған. Аурудың алғашқы белгілерін сезген соң бірден емханаға хабарласқан. Оң нәтиже көрсеткен соң, карантинге жатқызылды. Осылайша, бүгінгі күні Алматыда індет жұқтырған 31 науқас анықталып отыр», - деді қаланың бас санитары. Ол сондай-ақ, қаладағы індет ошағы табылған жерлерді залалсыздандыру шаралары күшейтілгенін, ондағы барлық жағдай жіті бақылауда екенін атап өтті.

Негізінен, инфекция жұқтырғандар, арнайы қоршалған індет ошақтарынан шығып жатыр. Сол себепті ол жерлер бүгінде жіті бақылауда. Бұл оларды жаңа ошақтардың пайда болуын болдырмауға мүмкіндік береді.

«Кеше еліміздің коронавирус инфекциясы тіркелмеген басқа қалаларынан біздің қалаға 82 эпидемиолог көмекке келді. Бүгінде олар 76 тәулік бойы жүргізіп келе жатқан қауіпті індетке қарсы күресті бізбен бірге бастап кетті. Олар да біздің мамандар секілді қорғаныш костюмдерімен, маскалармен, респираторлармен, көзілдірікпен, қолғаптармен және жұмысқа қажетті медициналық құралдармен қамтамасыз етілген», - деді А. Молдағасимова.

Сонымен қатар, барлық медициналық мекемелерде, атап айтқанда, жеке және мемлекеттік мекемелерде санитарлық-эпидемиологиялық сақтық шаралары қабылданды.

Алматы қаласының бас санитар дәрігері қала тұрғындарын 1406 телефоны бойынша қаланың барлық мекемелері мен ұйымдарының жұмысында байқалған қандай да бір кемшіліктерді байқаса, бірден хабарлауға шақырды. Егер тамағыңыз ауырып, құрғақ жөтел, температураның пайда болуы сияқты симптомдар пайда болса жедел жәрдем шақырыңыз деп кеңес берді.

  «« | »» «  | Барлық жаңалықтар


Сағынтаев Премьер-Министрден Көк Жайлауды Ұлттық паркке қайтаруды сұрады »»
03 маусым 2020 - 18:45
Бұл туралы Алматы әкімі Б. Сағынтаев Twitter-дегі өзінің парақшасында хабарлады.   Б. Сағынтаев Көк Жайлау тағдырына алаңдаушылық білдірген экологтар пікірлеріне ден қоятынын жазды. Бұл мәселеге нүкте қою үшін еліміздің Премьер-Министріне хат жолдады. «Экологтармен жиі кездесемін. Көк Жайлаудың тағдыры туралы көп айтылады. Осы мәселеге нүкте қою үшін бүгін Премьер-Министрдің атына бұл жерлерді қала қорынан Іле-Алатау мемлекеттік ұлттық табиғи паркінің құрамына қайтару туралы өтініш хат жаздым&...
Б. Сағынтаев Алатау ауданы тұрғындарының мәселелері қалай шешіліп жатқанын тексерді »»
03 маусым 2020 - 17:57
Алматы әкімі жұмыс сапары барысында өткен жылғы есептік кездесулерде Алатау ауданы тұрғандары айтқан мәселелердің қалай шешіліп жатқанын тексерді. Сол кезде жолдардың, тротуарлардың, арықтардың, жарықтың, коммуналдық желілердің жоқтығы сөз болған еді. Сонымен қатар Б. Сағынтаев ауданның инфрақұрылымын жасқарту жөніндегі жобаларды іске асырудың барысымен танысты.   Алматы әкімі Ұлжан ықшамауданындағы кәріздік насос станциясының құрылысымен танысты және осы ықшамаудандағы Жалайыр көшесіндегі жолдың жөн...
3 маусым күнгі жағдай бойынша жалпыға ортақ қоғамдық орындардың дезинфекциясы туралы »»
03 маусым 2020 - 10:04
Кіреберістер мен аулалар бойынша 3 маусымға жоспарланған 8363 кіреберіс (3038 үйде) және 1440 аула аумағы 100% залалсыздандырылды. Дезинфекция жұмыстарына 444 адам, яғни 64 бригада жұмылдырылды. Жұмысқа 75,1  мың литр дайын ерітінді қолданылды. 3 маусымдағы заласыздардырудың үшінші күні жоспар бойынша 2703 үйдің 7442 кіреберісі мен 1348 аула залалсыздандырылды. Жұмысқа 433 адамы бар 62 бригада тартылды. Көшелер мен тротуарларды жуу және дезинфекциялау бойынша 2 маусым күні 4 937 мың шаршы метр көш...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2020 Осы сайта жарияланған барлық материалдардың құқығы Алматы қаласының Әкімідігіне тиесілі.
Email: akimat@almaty.kz, kancelaria@a-a.kz