^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Жексенбі, 5 сәуір 2020
 
     
 
Жаңалықтар
Президент тапсырмасы: ТЖ кезінде табысынан айырылған қазақстандықтар өзінің төлемдерін қалай ала алады?
26 наурыз 2020

Мемлекет басшысының тапсырмасына сәйкес, Еңбек және халықты әлеуметтік қорғау министрлігі тарапынан ТЖ кезінде табыс көзінен айырылған қазақстандықтар үшін жаңа әлеуметтік төлем тәртібі енгізілді, деп хабарлайды "Қазинформ" тілшісі.

 

Микро, шағын және орта бизнес нысандарының еңбекақысыз демалысқа жіберілген жұмыскерлері төлемдерін қалай алады; жеке кәсіпкерлер; жеке тәжірибедегі (нотариус, жеке сот орындаушы, адвокат, кәсіби медиатор) тұлғалар; бірреттік төлем жиынтығын төлеушілер ақысыз еңбек демалысына шыққан қызметкерлерінің тізімін жасайды.

Министрліктің түсіндіруінше, жұмыс істеп жүріп, елдегі бүгінгідей төтенше жағдайға байланысты мәжбүрлі түрде ақысыз демалысқа кеткен қызметкерлер тиісті төлемді Мемлекеттік әлеуметтік сақтандыру қорынан (МӘСҚ) алады. Бір адамға айына төленетін әлеуметтік төлемнің көлемі ең төменгі жалақы мөлшерін немесе 42,5 мың теңгені құрайды.

МӘСҚ-дан төленетін бұл жаңа төлемақы Қазақстан аумағында жұмыс істеген ҚР азаматтарына, төмендегі талаптарға сәйкес беріледі:  

– әлеуметтік төлемақы жұмыстан шығарылмаған, тек төтенше жағдайға байланысты ақысыз еңбек демалысына жіберілген жұмыскерлерге;

  – төлемақыны алу үшін қызметкерлерінің жұмыстан ақысыз еңбек демалысына шығарылғаны туралы мәліметті (жеке кәсіпкерлер өздері үшін) МӘСҚ-қа төтенше жағдай енгізілген уақыттан бастап 12 айға дейінгі аралықты 3 ай ішінде өткізуі тиіс;   

– әлеуметтік төлем тек орта, шағын және микробизнес қызметкерлері үшін төленеді.  Жаңа әлеуметтік төлемақыны тағайындау үшін жұмыс берушілер тез арада жергілікті органдардың жұмыспен қамту бөлімдеріне хабарласып, қызметкерлерінің төтенше жағдайға байланысты табысынан айырылғандығын растайтын құжаттарын (қызметкерлерінің тізімі және олардың ақысыз еңбек демалысына шыққандығын дәлелдейтін бұйрықтың көшірмесін) ұсынуы тиіс.   

Жұмыс берушілердің (немесе жеке кәсіпкерлердің) өтінімдері негізінде аудандық (қалалық) халықты жұмыспен қамту жөніндегі басқарма жұмыс берушіні әлеуметтік қолдау туралы шешім қабылдайды, ал «Азаматтарға арналған үкімет» Мемлекеттік корпорациясының бөлімдері МӘСҚ жалақы төлейтін қызметкерлердің тізімдерін дербес жасайды.  Әлеуметтік төлем қызметкерге айлық жалақысы сақталмаған еңбек демалысы кезінде, бірақ төтенше жағдайдың ұзақтығынан аспайтын мерзімге төленеді.

Жұмыстан босатылған жұмысшылар қалай жалақы алады?  

Қолданыстағы заңнамаға сәйкес, жұмыстан босатылған қызметкерлерге 1 айдан 6 айға дейін жұмысынан айрылғаны үшін әлеуметтік төлемдер міндетті әлеуметтік сақтандыру жүйесіндегі жұмыс өтілі мен соңғы 24 айдағы кірісіне байланысты тағайындалады.  Төлем Мемлекеттік әлеуметтік сақтандыру қоры есебінен жоғалған кірістің 40% мөлшерінде жүзеге асырылады. Ол үшін жұмыстан босатылған  қызметкер жұмыспен қамту орталығына жұмыссыз ретінде тіркеліп, әлеуметтік жәрдемақы тағайындау үшін бір ғана өтініш беруі керек.  Төлем автоматты түрде жасалады.  Сондай-ақ, егер азамат жұмыссыз ретінде тіркелген болса, әлеуметтік төлемдерді тағайындау туралы өтінішті «электрондық үкіметтің» веб-порталы (www.egov.kz) немесе «Азаматтарға арналған үкімет» мемлекеттік корпорациясы арқылы беруге болады.

Жұмыскерлердің басқа санаттары жеңілдіктер ала ма?

Қазіргі уақытта қазақстандықтардан төтенше жағдай кезінде жалақысы қысқартылған жұмысшылар санатына төлемдер төлене ме деген сұрақтар келіп түсуде. Еңбек және халықты әлеуметтік қорғау министрлігі бұл мәселенің пысықталып және нақтыланып жатқандығын түсіндірді. Нақты жауабын тиісті мекеме кейінірек береді. Жалпы, Еңбек министрлігі төтенше жағдай кезінде басқа да санаттағы жұмысшыларға қатысты қосымша шаралар қарастыруда.

  «« | »» «  | Барлық жаңалықтар


Б. Сағынтаев жұқпалы аурулар госпиталінің құрылысын бастауға пәрмен берді »»
04 сәуір 2020 - 17:34
Бүгін Алматы қаласының әкімі Бақытжан Сағынтаев 280 орынға жоспарланған, провизорлық госпитальдың құрылысы басталған алаңға барып, ондағы жұмыстармен танысты.   Госпиталь салу туралы шешімді коронавирус инфекциясына қарсы күрес мақсатында құрылған ҚР Президенті жанындағы төтенше жағдай режимін қамтамасыз ету туралы Мемлекеттік комиссия қабылдаған болатын. Тез салынатын блокты құрылыс жабдықтарымен бой көтеретін нысан 280 орынға арналған, оның ішінде 28-і интенсивті терапия бөлімшесіне тиесілі. Құры...
Қазақстанда автокөліктерге арналған сұйытылған мұнай газының орташа бөлшек бағалары төмендейді »»
03 сәуір 2020 - 15:46
Елде мемлекеттік реттеуді енгізу арқылы төтенше жағдай кезінде автокөліктерге жанармай құю үшін сұйытылған газдың бағасы тұрақтандырылады, бұл өз кезегінде халықтың тұтыну қоржынының құнын төмендетеді, деп хабарлайды ҚР Энергетика министрлігінің баспасөз қызметі.   ҚР Президенті жанындағы төтенше жағдай режимін қамтамасыз ету жөніндегі мемлекеттік комиссия отырысының 2020 жылғы 30 наурыздағы № 8 хаттамасының 8.2-тармағына сәйкес Энергетика министрлігіне Ұлттық экономика министрлігі және Әділет минист...
Алматыда COVID-19 індетіне тексерілетін адамдардың қатары кеңейді »»
03 сәуір 2020 - 15:39
Бұл туралы Алматы қаласы әкімдігінің баспасөз орталығында өткен онлайн брифингте қалалық Тауарлар мен қызметтер сапасын және қауіпсіздігін бақылау департаментінің басшысы Айзат Молдағасымова мәлімдеді.   «Біз Денсаулық сақтау министрлігінің тапсырмасы бойынша пневмония және ЖРВИ-дің ауыр түрімен стационарға келетін науқастардың барлығын коронавирус инфекциясына тексеретін боламыз. Әзірге өкпе қабынуының белгілері бар 49 адам тексерістен өтті. Соның ішінде пневмониясы бар бір науқаста қауіпті ін...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56