^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 25 мамыр 2020
 
     
 
Жаңалықтар
Алматыда карантин кезеңінде жүріп-тұру мәселелері бойынша портал іске қосылады
14 сәуір 2020

Алматыда 14 сәуірден бастап карантин кезінде көлікпен қатынау рұқсаты берілген қала тұрғындары мен автокөлік тізімін жасау үшін infoalmaty.kz жаңа порталы іске қосылады.

 

Бұл туралы бүгін арнайы брифинг барысында Алматы қаласы әкімінің бірінші орынбасары Сапарбек Тұяқбаев хабарлады.

Аталған портал тек шаһар тұрғындарына рұқсат беруді ғана емес, сонымен қатар қаланың полиция қызметкерлерінің де жұмысын жеңілдетеді. С.Тұяқбаевтың айтуынша, порталды құру кәсіпорындарды кезең-кезеңімен іске қосу қажеттілігінен және соған байланысты коронавирусты одан ары таратпау үшін қаладағы көлік қозғалысы кезінде қатаң бақылауды қамтамасыз ету үшін туындаған.

Осыған дейін қалалық штабтың шешімімен карантин кезінде Алматыда өз қызметтерін жүзеге асыруға болатын экономика секторлары анықталған (белгіленген) болатын. Бұл – қаланың тіршілік әрекетін қамтамасыз етуге қажетті салалар, олардың ішінде сауда (азық-түлік дүкендері және дәріханалар), денсаулық сақтау, көлік және логистика, коммуналдық қызметтер, мемлекеттік басқару және құқық қорғау органдары, ішінара азық-түлік өнеркәсібі, құрылыс, ЕДБ (екінші деңгейлі банктер) (20-30%), коммуникация және байланыс салалары бар.

«Алайда, осы тізімді зерттеу барысында біз кейбір кәсіпкерлердің бұл мүмкіндікті теріс мақсатта пайдаланып, рұқсат берілген тұлғалардың тізіміне өздерінің қызметтеріне еш қатысы жоқ азаматтарды тіркеп қойғанын анықтадық», - деп атап өтті қала әкімінің орынбасары.

– Сол үшін осы жұмыстың барынша ашықтығын (айқындығын) қамтамыз етуде және адам факторының әсерін болдырмау үшін жаңа порталды жасап шығардық. Портал арқылы кәсіпорындар тек рұқсат етілген салалар бойынша өтініш бере алады. Жұмыс істеуіне рұқсат етілмеген салалар бойынша өтініштерді портал қабылдамайды. Одан бөлек, аталған кәсіпорында жұмыс істейтін қызметкерлер санынан жоғары мөлшерде өтініштер қабылданбайды. Әрбір компаниядағы жұмысшылар саны туралы мәліметтер біздің мемлекеттік органдарда бар. Сондықтан мысалға алатын болсақ, егер кәсіпорында ресми түрде 50 адам жұмыс істейтін болса, портал 50-ден астам адам көрсетілген тізімді қабылдамайды. Өтініш берер кезде өзінің ЭСҚ растау қажет болғаннан кейін компанияның бірінші басшыларының дербес жауапкершілігі қарастырылған».

«Бұл порталды жасау кезінде басты міндетіміз қала көшелерінде адам санын барынша азайту болатын, - деді Сапарбек Тұяқбаев.

– Жалпы әлемде коронавирустың салдары осындай болады деп ешкім күткен жоқ, шараларды барынша аз уақыттың ішінде қабылдауымызға тура келді. Карантин мен коронавирус салдарының тез аяқталмайтынын бәрі жақсы біледі, қала экономикасын кезең-кезеңімен іске қосатын боламыз, одан арғысын уақыт көрсетеді. Сол үшін бізге байланыс жасауды және қаладағы қозғалысты азайту үшін осындай портал қажет болды. Кәсіпорын жұмысшылары мен автокөлік құралдарының тізімі портал іске қосылған сәттен бастап екі күн ішінде – 16 сәуір сағат 00.00-ге дейін жасалады. Сол уақытқа дейін осыған дейін берілген рұқсаттардың қазіргі мәліметтер базасының шеңберінде күші болады, – деп атап өтті С.Тұяқбаев.

Алматы қаласы Кәсіпкерлер палатысының директоры Нариман Әбілшайықов нақтылағандай, ЭСҚ енгізу біреуден артық адамға тізімге өтініш беруде қажет болады. Ал мәселен, үй жанындағы дүкендер үшін маңызды жайт - тек бір адамның мәліметтерін енгізген жағдайда ЭСҚ бекітудің қажеті жоқ.

«Қалада жүріп-тұру үшін рұқсаты бар-жоғын білу үшін ЖСН енгізіледі, ал егер ол жеке кәсіпкер болса, ИБН енгізеді. Бағдарлама алгоритмдер негізінде жалдамалы қызметкерлерге қалада жүруге болатын-болмайтынын өзі анықтайды. Егер мүмкін болса, әкімдіктің тізіміне сәйкес, келесідей терезе шығады – ұяшықтарды толтырып бастау, сонымен бірге электронды сандық қолтаңба қою керек», – деп хабарлады брифинг барысында Алматы қаласы Кәсіпкерлер палатасы өңірлік кеңесінің төрағасы Максим Барышев

– ЭСҚ екі бөлімнен тұрады. Біріншісі ұяшықтарды толтырар алдында қойылады, одан кейін қызметкерлердің мәліметтері енгізіледі, тек ЖСН, басқа ештеңе енгізудің қажеті жоқ. Одан кейін автокөлікке қатысты мәліметтер енгізіледі, яғни мемлекеттік нөмір белгісі керек, автокөліктің аты да, маркасы да қажет емес. Одан кейін үш «түртіп қою» белгісі тұрады, құжаттарды толтыру ережелеріне сәйкес «келісемін» деген батырманы басу қажет. Содан кейін электронды сандық қолтаңбаның екінші бөлігін салып, «Келісемін» деген батырманы басу керек. Осыдан кейін барлық қалыптасқан база штабқа түседі және одан ары қарауға жіберіледі».

Максим Барышевтің сөзіне қарағанда, онлайн-платформа бір уақытта 30 мыңдай пайдаланушының жұмысын атқара алады, алдағы уақытта бірден 100 мың адамды тестілеу қарастырылып отыр.

Қорытындылай келе, Сапарбек Тұяқбаев жалған ақпарат берілген жағдайда кәсіпорындардың алғашқы басшылары жекелей жауапкершілікке, тіпті қылмыстық жауапкершілікке дейін тартылуы мүмкін екендігін еске салды.

  «« | »» «  | Барлық жаңалықтар


Бақытжан Сағынтаев қала тұрғындарын қасиетті Рамазан айының аяқталуымен құттықтады »»
24 мамыр 2020 - 10:34
Шаһар басшысы Бақытжан Сағынтаев қасиетті Рамазан айының аяқталуымен құттықтады. Қала әкімі құттықтау сөзін өзінің Twitter-дегі парақшасында жариялады.   «Мұсылман қауымын қасиетті Рамазан айының аяқталып, Ораза айт мерекесінің басталуымен құттықтаймын! Бұл күнде адам баласы сауапты іс жасап, мұқтаж жандарға көмектесуге асығады. Ең ізгі тілектер орындалып, әр үйде бейбітшілік пен ынтымақ орнасын! Ораза айт қабыл болсын!» – делінген құттықтауда. ...
Б. Сағынтаев Алматыда бизнеске қолдау көрсетудің кешенді шараларының алғашқы нәтижесіне баға берді »»
22 мамыр 2020 - 21:31
Алматы қаласының Наурызбай ауданында ШОБ үшін шағын өнеркәсіп парктері салынуда   Жұмыс сапары барысында қала әкімі Бақытжан Сағынтаев ШОБ-ты қолдаудың үдемелі шаралары шеңберінде құрылатын шағын өнеркәсіптік парктерді құру жөніндегі жобаның жүзеге асырылуымен танысты. Тоқтап қалған базаларды қайта жаңғырту Almaty Finance компаниясының жеңілдетілген қаржылық қолдауымен жүргізіледі. Дайын өндірістік үй-жайлар шағын және орта бизнес субъектілеріне кейін сатып алу құқығымен төмен бағаға жалға беріледі....
Алматыда борыш пен еңбекақы төлемінің кешіктірілуін болдырмау бойынша күшейтілген режимде шаралар қабылдануда »»
22 мамыр 2020 - 21:04
Бұл туралы карантин жағдайындағы еңбек заңнамасындағы өзгерістер және еңбек қатынастарын реттеу аспектілері тақырыбы төңірегінде өткен онлайн-брифингте Алматы қаласы Әлеуметтік әл-ауқат басқармасының басшысы Рахат Шимашева мен қаланың бас еңбек инспекторы Айнұр Мұқажанова тарқатты.   Алматы қаласы Әлеуметтік әл-ауқат басқармасының басшысы Рахат Шимашева Халықаралық Еңбек Ұйымының мәліметтеріне сүйене отырып, коронавирустық пандемия салдарынан бүгінде әлемдік еңбек нарығы ең ауыр дағдарыстардың бірін ...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56