^ жоғары
 
Негiзгi бет А А А
Арнайы нұсқа
Қаз Рус Eng   
 
     
 

 
 
Дүйсенбі, 25 мамыр 2020
 
     
 
Жаңалықтар
Бақытжан Сағынтаев қалалық ауруханалардың бас дәрігерлерімен COVID-19-ға қарсы күрес мәселелерін талқылады
14 сәуір 2020

Алматы қаласының әкімі Бақытжан Сағынтаев 70-тен астам қалалық аурухана, емхана, медициналық орталықтар мен жедел жәрдем қызметінің басшыларымен бейнебайланыс режимінде жиналыс өткізді.

 

«Барлық күш коронавирустық инфекциямен күресуге жұмылдырылған. Бірінші басымдық – халықты қорғау. Ол үшін қаладағы барлық сала жұмылдырылған. Ең алдымен біздің дәрігерлер, емханалар мен ұйымдар тарапынан қажетті талаптар орындалуда. Басты мәселе – бүкіл қала бойынша коронавирустық инфекцияның таралуына жол бермеу», – деген Бақытжан Сағынтаев бас дәрігерлерді ашық диалогқа шақырып, өзекті мәселелерді талқылауды және оларды жедел шешу үшін қажетті шараларды бірлесіп атқару қажеттігін айтты.

Отырыс барысында жеке қорғаныс құралдарымен қамтамасыз ету, инфекциялық стационарларда дәрігерлердің және барлық санаттағы медициналық қызметкерлердің қауіпсіздігі үшін қажетті санитарлық-эпидемиологиялық нормаларды сақтау, медициналық қызметкерлерге үстеме ақы төлеу, тұрғын үй жағдайлары және науқастармен жұмыс істейтін барлық медициналық қызметкерлерді тамақтандыру, сонымен қатар тұрғындардың кең контингентінің COVID-19 тестіне тапсыру мәселелері қарастырылды.

Атқарылған жұмыстар жайлы қалалық Қоғамдық денсаулық басқармасының басшысы Т.Әбілдаев және Тауарлар мен қызметтердің сапасы мен қауіпсіздігін бақылау департаментінің басшысы А. Молдағасымова баяндады. Өз кезегінде медициналық қоғамдастық өкілдерінің атынан №1 қалалық клиникалық аурухананың бас дәрігері Э.Қалиев сөйледі.

Бүгінгі таңда Алматы қаласында 21 370 адам COVID-19-ға тексеруден өтті. Зертханалық түрде расталған коронавирустық инфекция жұқтырған 350 жағдай тіркелді. Инфекциялық ауруханаларда – 299 науқас ем алып жатса, провизорлық орталықтарда – 256 адам, карантиндік оқшаулауда – 366, үй карантинінде – 7097 адам отыр. Медициналық ұйымдар барлық жеке қорғаныс құралдарымен, оның ішінде 4500-ден астам бірнеше рет пайдалануға жарамды қорғаныс медициналық костюмдерімен қамтамасыз етілген.

Қазақстан Республикасы Президентінің тапсырмасы бойынша, Алматы қаласында коронавируспен күреске жұмылдырылған денсаулық сақтау ұйымдары қызметкерлерінің үстемақысы 99% төленді. Қалған екі карантиндік ұйым мамандарының үстемақысын төлеу бойынша жұмыстар жүргізілуде.

Төтенше жағдай кезінде медицина қызметкерлері өздерінің талап-тілектеріне сәйкес қонақ үйлерге, хостелдер мен жатақханаларға, сондай-ақ туысқандарының үйлеріне орналастырылды.

Сонымен қатар қонақ үйлерде тұруға ниет білдірушілер үшін де қосымша жатын орындар бар. Бұл ретте тұру және тамақтануға арналған шығындар жергілікті бюджет қаражаты есебінен жабылатын болады.

Бұдан өзге жиын барысында ағымдағы жылдың 1 мамырына дейін төтенше жағдайдың қолданысын ұзартуды және ағымдағы жылдың 20 сәуірінен бастап өнеркәсіп және құрылыс кәсіпорындарының, қызмет көрсету саласының белгілі бір секторларының жұмысын іске қосуды ескере отырып, коронавирустық инфекцияны таратпау бойынша санитарлық-эпидемиологиялық нормалардың одан әрі сақталуын қамтамасыз ету жөніндегі шаралар қаралды. Сондай-ақ жаңа модульдік жұқпалы аурулар ауруханасының жұмысын жолға қою мәселесі сөз болды. Яғни, ауруханаға медициналық қызметкерлерді тарту және оның техникалық құралдармен жабдықталуына ерекше көңіл бөлінді.

Мегаполис әкімі кездесуді қорытындылай келе, COVID-19 індетімен күрес жолында жүрген барлық мамандарға тәртіп пен санитарлық-эпидемиологиялық нормаларды қатаң сақтау керектігін баса атап өтті.

«Бауыржан Момышұлының сөзі бар «Тәртіпсіз ел болмайды, тәртіпке бас иген құл болмайды». Бір жағадан бас, бір жеңнен қол шығара, жұмыла жұмыс істеу қажет. Әсіресе, дәл бүгінгідей сын шақта әрбір жұмыс орнында қатаң тәртіп керек», – деді Бақытжан Сағынтаев. Сондай-ақ, әкімдік, құқық қорғау қызметі, әскери қызметшілер де қаланың эпидемиологиялық қауіпсіздігін қамтамасыз ету мақсатында жан-жақты қолдау көрсететінін атап өтті.

  «« | »» «  | Барлық жаңалықтар


Бақытжан Сағынтаев қала тұрғындарын қасиетті Рамазан айының аяқталуымен құттықтады »»
24 мамыр 2020 - 10:34
Шаһар басшысы Бақытжан Сағынтаев қасиетті Рамазан айының аяқталуымен құттықтады. Қала әкімі құттықтау сөзін өзінің Twitter-дегі парақшасында жариялады.   «Мұсылман қауымын қасиетті Рамазан айының аяқталып, Ораза айт мерекесінің басталуымен құттықтаймын! Бұл күнде адам баласы сауапты іс жасап, мұқтаж жандарға көмектесуге асығады. Ең ізгі тілектер орындалып, әр үйде бейбітшілік пен ынтымақ орнасын! Ораза айт қабыл болсын!» – делінген құттықтауда. ...
Б. Сағынтаев Алматыда бизнеске қолдау көрсетудің кешенді шараларының алғашқы нәтижесіне баға берді »»
22 мамыр 2020 - 21:31
Алматы қаласының Наурызбай ауданында ШОБ үшін шағын өнеркәсіп парктері салынуда   Жұмыс сапары барысында қала әкімі Бақытжан Сағынтаев ШОБ-ты қолдаудың үдемелі шаралары шеңберінде құрылатын шағын өнеркәсіптік парктерді құру жөніндегі жобаның жүзеге асырылуымен танысты. Тоқтап қалған базаларды қайта жаңғырту Almaty Finance компаниясының жеңілдетілген қаржылық қолдауымен жүргізіледі. Дайын өндірістік үй-жайлар шағын және орта бизнес субъектілеріне кейін сатып алу құқығымен төмен бағаға жалға беріледі....
Алматыда борыш пен еңбекақы төлемінің кешіктірілуін болдырмау бойынша күшейтілген режимде шаралар қабылдануда »»
22 мамыр 2020 - 21:04
Бұл туралы карантин жағдайындағы еңбек заңнамасындағы өзгерістер және еңбек қатынастарын реттеу аспектілері тақырыбы төңірегінде өткен онлайн-брифингте Алматы қаласы Әлеуметтік әл-ауқат басқармасының басшысы Рахат Шимашева мен қаланың бас еңбек инспекторы Айнұр Мұқажанова тарқатты.   Алматы қаласы Әлеуметтік әл-ауқат басқармасының басшысы Рахат Шимашева Халықаралық Еңбек Ұйымының мәліметтеріне сүйене отырып, коронавирустық пандемия салдарынан бүгінде әлемдік еңбек нарығы ең ауыр дағдарыстардың бірін ...
 
     
   
 
   
 
 
 
 
 
 
Осы сайта жарияланған барлық материалдардың құқығы Алматы қаласының Әкімідігіне тиесілі.
© 2005-2019 Осы сайта жарияланған барлық материалдардың құқығы Алматы қаласының Әкімідігіне тиесілі.
Алматы қаласы әкімі Баспасөз қызметінің телефоны : +7 (727) 271-65-56